Þórsmörk, griðarstaður hryðjuverkamanna.

Aldrei hefur maður heyrt annað eins.  Hver trúir því að bandarísk stjórnvöld, Pentagon og CIA séu viðriðin einhver hryðjuverk eða annan óþverra.  Í fyrsta lagi var innrásin í Írak góðverk ekki hryðjuverk.  Í öðru lagi notuðu þeir kjarnabombu á Hírósíma til að bjarga mannslífum en ekki til að deyða.  Síðan í þriðja lagi er öll notkun Bandaríkjahers á skotfærum með skertu úrani mun mannúðlegri en 100 megatonna kjarnabomba sem þeir gætu líka notað.  Allt tal um óþverraskap Bandaríkjamanna lýsir óstjórnlegu hatri á lýðræði, frelsi og fegurð.
mbl.is Íranska þingið lýsir CIA hryðjuverkasamtök
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

'Allt tal um óþverraskap Bandaríkjamanna lýsir óstjórnlegu hatri á lýðræði, frelsi og fegurð.'

Nú er ég sammála greinarhöfundi. Aðeins terroristar og illmenni voga sér að gagnrýna Bandaríkin, vörð friðar, kærleiks og manngæsku í heiminum. Ég spyr, hvenær hafa þeir snert hár á höfði þeirra sem minna mega sín? Öll stríð af hálfu Bandaríkjanna lýsa gæsku og góðu hugarfari, öll morð þeirra eru velviljuð, öll hermdarverk þeirra eru hjálpsemi. Í víðsjárverðum heimi ættu allar þjóðir að upplifa góðverk á borð við Íraksstríðið.

Engu að síður vaða þessir óvinir mannkyns uppi sem sjá Bandaríkjunum, táknmynd kærleiks og mannúðar, allt til foráttu. Einungis ein skýring er á því; illkvittni, hatur og mannvonska. 

Það ætti að henda þessu helvítis pakki í fangelsi.

Þriðji (IP-tala skráð) 29.9.2007 kl. 18:27

2 Smámynd: Björn Heiðdal

Verðir frelsis og friðar verða að snúa bökum saman og standa saman.  Ég skora á íslensk stjórnvöld og Jóhannes í Bónus að gefa ekkert eftir til að bjarga því sem bjargað verður.  Setjum viðskiptabann á Kúbu,  tolla á teppi frá Íran til að stuðla að réttlátari heimi og betri lífskjörum. X-D

Björn Heiðdal, 29.9.2007 kl. 19:05

3 identicon

Nú hefur meinhæðnin náð nýjum og áður óþekktum hæðum. Bravó! Nú vantar bara eina eða tvær röflandi kanasleikjur til þess að kóróna verkið.

Louis Cyphre (IP-tala skráð) 29.9.2007 kl. 22:55

4 identicon

Jæja kallinn, ég er og hef lengi verið aðdáandi Bandaríkjanna. Það þýðir ekki að ég sé sammála öllu því sem hver ríkisstjórn gerir á hverjum tíma. Og Híróshíma?!?

Er það á nokkurn hátt réttlætanlegt? Við erum að tala um stríð, í stríði berjast hermenn við hermenn. Það eru hreinlega ekki tæk rök að tala um að með drápi allra þessara saklausu borgara hafi verið bjargað lífi fleiri hermanna, svona virkar stríð hreinlega ekki.

Bandaríkin eiga að vera besta ríki í heimi, tákngervingur frelsisins og svoleiðis vil ég alltaf sjá þetta mikla ríki. En það verður að eiga það skilið og þeir hafa hreinlega ekki alltaf hagað sér í samræmi við þá hugsun. Bandaríkin verða að geta staðið undir heiðarlegri gagnrýni ef þeir vilja kalla sig leiðandi á heimssviðinu. Óþverraskapur Bandaríkjanna er staðreynd (líkt og óþverraskapur margra annarra þjóða) og það væri hræðilegt ef við leyfðum óþverraskapnum að verða ofan á í þessu eina raunverulega heimsveldi.

Sýnum aðhald - gagnrýni er af hinu góða.

Páll Jónsson (IP-tala skráð) 30.9.2007 kl. 01:03

5 identicon

Dásamlegt, varðandi deplated uranium skeljarnar, einhver íslenskur neo-con wannabe var að muldra um "body count" á minni síðu og hélt því fram að milljón manns væri ekki rétt tala (virtist mjög mikilvægt hjá honum að hafa rétt bókhald á þessu, mun mikilvægara en hvort réttlætanlegt væri að drepa einhverja yfirleitt).

en í framhaldi af þvi heyrði ég útundan mér að fólksfjöldi í Írak hafi verið 22 milljónir (minnir mig) um 2001, og var spáð 2% vexti, en nú nýlega voru þeir taldir 19,9 (fyrir samt meira en ári síðan), þannig að ég held að þessi milljón tala sem ég hélt fram hafi verið vanmetin... því ef þú mengar allt landið þannig að mun fleiri deyja eða fæðast ekki, þá er það líka mannfall af völdum bandaríkja og hina glæsilegu viljugu þjóða (íslenskt skattfé, halelúja, eruð þið ekki stollt af því að borga skattana ykkar?).

Gullvagninn (IP-tala skráð) 1.10.2007 kl. 12:58

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Björn Heiðdal
Björn Heiðdal
Höfundur er ræstitæknir á eftirlaunum og áhugamaður um exbox.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 1
  • Sl. sólarhring: 1
  • Sl. viku: 6
  • Frá upphafi: 121695

Annað

  • Innlit í dag: 1
  • Innlit sl. viku: 6
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband