Reitt fólk bullar.

Ekki er nú djúpt á ókurteisi og almennu hatri í garð náungans.  Ég fór í bakarí til að kaupa snúð.  Náði í mjólk og setti hana á afgreiðsluborðið.  Útlendingurinn sem var að afgreiða horfði reiðilega á mig og spurði á bjagaðri ensku hvort ég ætlaði að kaupa eitthvað fleira.  Ég hugsaði mig smá um en áður en ég gat sagt "one snúð, please" hækkaði afgreiðsludaman róminn og urraði "anything ELSE!!!".  Mér brá hvað þessi stúlka var pirruð og reiðileg.  Allt útaf einum snúð sem ég var ekki búinn að biðja um.  Ég hætti við þessi stórkaup og ætla aldrei aftur að versla þarna.

Dagurinn rétt að byrja og ég orðin fúll útaf einum finskum Finna.  Eftir smá hlé þar sem ekkert merkilegt gerðist kom nágranni minn í heimsókn.  Hann var vel æstur og skammaði mig fyrir að setja spítu fyrir utan hurðina hjá honum.  Hann ætti ekkert í henni og hvernig mér dytti í hug að henda rusli fyrir utan hans heimili.  Vel æstur eru kannski smá ýkjur, hann var alveg snarbrjálaður og frussaði framan í mig.  Hvernig fólk getur algjörlega misst sig útaf einni spítu sem passar ekki í neina ruslatunnu er mér hulin ráðgáta.  Þaðan af síður hvernig þessi annars lítt geðugi kall gat ruglað saman sinni sameignarhurð og allt annari hurð.  

En þegar fólk verður reitt og þekkir ekki muninn á réttu og röngu er ekki við góðu að búast.  Eitt gott dæmi er Skúli Skúlason Moggablogari og áhugamaður um klæðnað framandi landa.  Þessi kall heldur úti haturssíðu í anda Ný-Nasista, bandarískra hryðjuverkamanna og stuðningshópa Al-Kæda.  Hann lætur þó í veðri vaka að tilgangur með síðunni sé að upplýsa um skaðsemi reykinga en ekki að ala á hatri og ótta gagnvart múslimum.  Hann mótmælir því hátt að hann sé haldinn blindu hatri á múslimum almennt.  Nei, nei ekkert svoleiðis.  Bara á móti því sem stendur í Kóraninum og öðrum hjálparritum múslima.

 

"En spurningin er þessi,  getur hvaða Múslími orðið hryðjuverkamaður,  hvenær sem er ef hann hefur nóg sprengiefni, fjármagn og tæknilegan búnað, og svo auðvitað skipun að ofan frá Allah (les frá klerkinum  í næstu Mosku.).

Mér finnst vera hér komið rannsóknarverkefni fyrir einhverja félagsdeildina í HÍ og HR, því það fer ekki milli mála að, hópur Múslíma í hvaða samfélagi villutrúarmanna sem er getur verið áhættuhópur. 

Skúli Skúlason, 1.10.2007 kl. 18:07"

 

 

 

Skúli og nágranni minn eru báðir reiðir og í kjölfarið fljúga staðreyndir út um gluggann eða er snúið á haus. Reitt fólk sem hefur lélegan málstað að verja beitir oft fyrir sig bulli sem það felur með látum og öðrum dónaskap. Reitt fólk er ekki líklegt til að komast að rökrænni niðurstöðu. Það er nú bara þannig


« Síðasta færsla | Næsta færsla »

Athugasemdir

1 Smámynd: Jenný Anna Baldursdóttir

Reitt fólk bullar og þar á meðal ég þegar það fýkur í mig, dem.  Annars er þetta góður pistill og ég er hjartanlega sammála þér með Skúla Skúlason.  Leiðinlegt þetta með snúðinn.  Að fá á snúðinn á mánudagsmorgni er ekki voða skemmtilegt né uppörvandi.

Jenný Anna Baldursdóttir, 2.10.2007 kl. 00:42

2 Smámynd: Kolgrima

Það segir Jenný þó satt! Þessi síða er eiginlega, ja mér er eiginlega bara orða vant.

Kolgrima, 2.10.2007 kl. 00:45

3 Smámynd: Linda

Vó hver dæmir hvern núna..hmmm.  Endalaus hræsni í gangi.  Snap krackle popp og öfga hugsjón þeirra sem til heyra hinum vinstri öfga stefnu PR tekur undir með lágkúrulegu og hneykslanlegu pískri.

Linda, 2.10.2007 kl. 02:12

4 identicon

Ég held það sé peningahyggjan sem er sek um alla þessa reiði.  Ég vil flytja út á land og flýja reykjavík, einmitt af þessum sökum, fólk er mikið til í bræðiskasti, og ég hef aðeins þá skýringu að það hafi ekki nógan tíma, verður að vinna svo mikið, má engan tíma missa,... og svo bylja fjölmiðlar með endalausum rusl-fréttum sem eru hannaðar til að sjokka fólk, en segja ekki frá hlutum eins og að Clinton styður pyntingar, gamlar konur í hjólastól eru drepnar af lögreglu (bandaríkin) fyrir að standa ekki upp, bandaríkjamenn stunda hryðjuverk í Íran til að stuðla að uppreisn (en það eru auðvitað ekki kölluð hryðjuverk þegar þeir eru gerendur), 16 ára stúlka í skóla er barin og handleggsbrotin fyrir að missa niður köku....

við lifum í nýjum fasistaheimi, og flestir eru of dofnir af sjónvarpi og "efnum" í umhverfinu til að sjá eða tala um þetta

Gullvagninn (IP-tala skráð) 2.10.2007 kl. 09:03

5 Smámynd: Björn Heiðdal

Það kann að vera rétt hjá þér Skúli að þú hafir aldrei staðið úti á götu og hrópað "Íslam mun sigra heiminn."  en þú hefur viðurkennt að þér þætti í lagi að drepa nokkra múslima. (Lesist hryðjuverkamenn, konur og börnin þeirra.)

Ekki ætla ég að reyna fá þig til að skipta um skoðun.  Reiði og ofbeldi fara saman eins og mý á mykjuskán.  En ekki halda að þú náir yfirlýstum markmiðum þínum með svona skrifum.  Getur verið að þú meinir stríð þegar þú skrifar friður. 

Björn Heiðdal, 2.10.2007 kl. 19:30

6 Smámynd: Björn Heiðdal

Ég þakka Skúla, áhugamanni um hryðjuverk múslima, kærlega fyrir innlitið.  Nú væri bara óskandi að þú héldir þessum vinsamlega tóni gagnvart samferðarfólki þínu á þinni eigin blogsíðu. 

Björn Heiðdal, 2.10.2007 kl. 22:53

7 Smámynd: Margrét St Hafsteinsdóttir

Ég er alveg sammála þér varðandi skrif Skúla. Allsstaðar þar sem múslimi er nefndur er hann kominn með sinn áróður. Svolítið svipaður einum bloggara sem eltist við öll blogg þar sem sam kemur fyrir í byrjun orðs og fordæmir.

Margrét St Hafsteinsdóttir, 7.10.2007 kl. 00:15

8 Smámynd: Margrét St Hafsteinsdóttir

Það er líka skrítið hvað "frelsaða" kærleiksríka fólkið er allt sammála Skúla

Margrét St Hafsteinsdóttir, 7.10.2007 kl. 00:18

9 Smámynd: Margrét St Hafsteinsdóttir

Varðandi dónalegt afgreiðslufólk þá nota ég oft frasa sem frænka mín notar oft. Hún segir bara ef fólk er dónalegt:  Ertu með verki með þessu?

Margrét St Hafsteinsdóttir, 7.10.2007 kl. 00:21

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Björn Heiðdal
Björn Heiðdal
Höfundur er ræstitæknir á eftirlaunum og áhugamaður um exbox.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 1
  • Sl. sólarhring: 1
  • Sl. viku: 6
  • Frá upphafi: 121695

Annað

  • Innlit í dag: 1
  • Innlit sl. viku: 6
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband