Glæsileg niðurstaða og vel það!

Steingrímur sagði að mikill varnarsigur hefði unnist og þó Íslendingar hefðu ekki fengið allt fyrir ekkert væri niðurstaðan betri en ekki neitt.  T.d. væri nú hægt að halda áfram skuldsetningu þjóðarinnar í samvinnu við AGS og stuðla að versnandi lífsskilyrðum.  Jóhanna bætti við að sjá mætti fyrir endann á vanda þjóðarinnar snemma á næsta ári og vonaði hún að fleiri yrðu atvinnulausir eða fluttir úr landi.  Bjarni Benediktsson lýsti yfir algjöru frati á frammistöðu ríkisstjórnarinnar og tók skýrt fram að Sjálfstæðisflokkurinn hefði geta gert miklu verr ef hann hefði fengið að ráða.  

Væri ekki betra ef stjórnmálamenn segðu það sem þeir hugsuðu svo íslenskir borgarsauðir kysu þá ekki aftur?

 

Endurskoðun óháð þinginu

Athugasemdir

[Hulda (IP-tala skráð) 18.10.2009 kl. 21:18]

Við höfum alla vega ekki tíma fyrir þetta rugl lengur. Ríkisstjórnin er til að taka ákvarðanir og koma hjólunum af stað. Rugl sjalla og framsóknar hefur valdið nægum skaða. 18 ára valdatíð þeirra var okkur dýr lexía

[Björn Heiðdal, 18.10.2009 kl. 21:33]

Það skiptir ekki máli hvort glæpamaðurinn er grænn eða rauður.

[Ómar Már Þóroddsson, 18.10.2009 kl. 22:00]

Hulda.

Ekki hefur þessi ríkistjórn tekið góðar ákvarðanir hingað til. Og ekki sé ég betur en hjólin séu ekki bara stopp heldur við það að detta af ef svona horfir áfram.

[fyrrum Sjalli (IP-tala skráð) 18.10.2009 kl. 23:01]

Þessi ríkisstjórn hefur staðið sig með sóma - hreint frábærlega og ég er kominn á þá skoðun að Steingrímur J. Sigfússon sé mikilvægasti maður landsins. Hann er landsfaðirinn sem við þurfum svo mjög á að halda þó staurblindaðir sjallar sjái það ekki.

[Baldur Már Róbertsson, 18.10.2009 kl. 23:17]

það er þessi ríkisstjórn sem sem semur okkur út á gaddin, burt séð frá öðrum ríkisstjórnum. Steingeldur og Lufsa fá á sinn legstein, "þau settu landið á hausinn". Ég er ekki oft sammála Bjarna Ben en hann komst rétt að orði þegar hann sagí að það væri búið að niðurlægja þjóðina í skítinn, allt VG og kvennalistanum að kenna.