Hættum að framleiða sjálf mat!

Nú er tækifærið til að draga úr innlendri framleiðslu og taka upp innflutning á niðurgreiddum ESB landbúnaðarvörum.  Samfylkingin, með Ingibjörgu Sólrúnu dansandi upp á þaki á hraðlestinni sem er að leggja af stað til Brussel, vill auðvitað auka innflutning á landbúnaðarvörum og draga úr stuðningi við íslenska bændur.  Þegar sveitir landsins verða komnar í auðn getum við þakkað ESB og Ingibjörgu.  

 

 

Forsætisráðherrann á Haíti rekinn frá völdum

Geir alþjóðavæddur.

Svokölluð alþjóðavæðing virðist vera búin að eigna sér íslenska ráðamenn og fyrrverandi dópsala ef marka má allt grínið hjá Hannesi Hólmsteini.  Erlendir auðkýfingar með stærstu fyrirtæki heims á bakvið sig keppast um að eignast allt sem skiptir máli.  Svokölluð vatnalög sem Geir Haarde telur vera eitt mesta framfaraspor íslensku þjóðarinnar frá upphafi eru sérsniðin fyrir þetta lið.

Ríkið keppist um að eigna sér lönd og svæði sem áður tilheyrðu einstaka hreppum og bændum.  Allt verður lagt í sölurnar til að ná í það sem skiptir máli.  Í kjölfarið fær Landsvirkjun eða önnur álíka ríkisfyriræki góssið afhent fyrir slikk.  Síðan til að borga öll erlendu lánin sem ríkið "þarf" að taka til að bjarga Íslandi frá gjaldþroti verður Landsvirkjun einkavædd og seld til útlanda.

Alþjóðavæðingin er aðför að frelsi, mannréttindum og lýðræði.  Geir Hilmar Haarde er nytsamt peð í þessari skák sem hefur bara einn tilgang að gera þá ríku ríkari og alla hina fátækari. 

 

Forsætisráherra á ferð og flugi

Alver til Reykjavíkur!

Spennandi kostur væri að fá eitt risastórt álver í staðin fyrir flugvöllinn.  Með þessari staðsetningu mætti spara ferðir og uppihald ráðamanna sem virðast allir sem einn vera orðnir sérstaklega áhugasamir um ál og álpappír.  Þegar Ingibjörgu Sólrúnu varð það ljóst að Ísland yrði aldrei stærsti útflytjandi á timbri og skeinipappír settu hún allt sitt traust á álið góða.

En hvers eiga Reykvíkingar að gjalda.  Ég tel að við eigum líka rétt á álveri eins og Reyðarfjörður, Hafnarfjörður og Húsavík.  Þegar flugvöllurinn fer skapast tómarúm sem þarf að fylla með eins fljótlegum og þægilegum hætti og völ er á.  Það segir sig sjálft að ein risa bygging er miklu ódýrari í smiðum en margar litlar.  Þetta skapar líka meiri atvinnu og gjaldeyri en t.d. fatabúðir, sjoppur eða íbúðir fyrir lamaða og fatlaða.

Allar samgöngur eru til fyrirmyndar og stutt í mörg auð hús sem hægt væri að nota fyrir erlenda farandverkamenn.  Ekki þarf síðan að kvarta undan skorti á menningarlífi.  Starfsfólk og makar geta óhrædd brugði sér í bæinn og fengið sér pulsu á Bæjarins bestu og skroppið í Þjóðleikhúsið á eftir.  Seinna um kvöldið má láta pólsk glæpagengi lemja sig til óbóta og senda Birni Bjarnasyni tölvupóst og kvarta yfir fátæklegri löggæslu.

Álþingismenn fá líka eitthvað til að masa um rétt áður en við sameinumst Albaníu og göngum í ESB.  En þegar Evran verður komin til landsins þarf ekki lengur að hafa áhyggjur af flöktandi gengi eða háu matvælaverði.  Við gætum kannski þurft að leggja íslenskan landbúnað niður en það er ekki svo mikil fórn fyrir þá sem þola ekki lambakjöt og mega ekki drekka mjólk.  En mikið svakalega á Jón Ásgeir og Bónus eftir að lækka matarverðið við inngönguna.  Honum klæjar í fingurna að fá að lækka verðið í búðunum sínum eða þannig.

 

 

Raforkan ræður stærð

Íslenski ríkið fer á hausinn!

Svona hljómar fyrirsögnin á frétt sem birtist í Morgunblaðinu 1. apríl 2011.  Eftir botnlausar erlendar lántökur til að redda Jóni Ásgeiri, Glitni, Kauuutthibgn og fleiri bankaræningjum er ríkiskassinn tómur.  Margir héldu að þessi frétt væri bara enn eitt aprílgabbið en svo var því miður ekki.  Þrátt fyrir að Gísli Marteinn væri orðinn nýr fjármálaráðherra og Hannes Hólmsteinn sérlegur ráðgjafi hans þá tókst ekki að bjaga ríkiskassanum.

Það er búið að segja upp 50% af lögreglunni en til að mæta auknum áhyggjum almennings af vörubílstjórum og erlendum dópsölum hefur dómsmálaráðherra fengið leyfi fyrir 1100 manna óeirðalögrelgu með nýjustu græjum.  Búningarnir minna á venjulega hermannabúninga nema hvað þeir eru með mynd af bleikum grís á bakinu enda býður Bónus betur eins og fram kemur í texta fyrir neðan grísinn.

En gjaldþrot íslands vegna erlendra órúttina auðmanna með Jón Ásgeir, Björgúlf og Hannes Smárason í broddi fylkingar var nú ekki með öllu illt.  Í dag var nefnilega að ganga í gegn aðildarumsókn Íslands að ESB.  Við fengum alveg sérstaklega góðar móttökur þegar Ingibjörg Sólrún bankaði á dyr hjá Lykla Pétri í Brussel.  Við fáum að veiða allan fiskinn sem eftir er í sjónum og þurfum ekki að borga sérstakt andrúmsloftsgjald fyrr en á næsta ári. 

Eftir gjaldþrotið erum við líka orðin fátækasta þjóð Evrópu.  En við eigum líka tvo af 200 ríkustu mönnum veraldar sem er alveg sérstaklega góður árangur miðað við höfðatölu.   Þannig að í  öllum vandræðunum sem Geir, Halldór, Ingibjörg og Davíð eru búin að koma okkur í þá hafa a.m.k. tveir Íslendingar það mjög gott. 

Bónus býður betur!

 

Varstu gabbaður í dag?

Unga fólkið í dag.

Í dag var góður dagur til að gera eitthvað.  Ég vaknaði fullur eftirvæntingar og ljómaði allur þegar ég sá sólina skína bjart inn um vinalega stofugluggann.  Ekki var eftir neina að bíða svo ég skrapp í stuttbuxurnar og bar á mig sólarvörn númer 14.  En ekki var ég búinn að vera lengi í sólbaði þegar síminn hringdi.  Í tólinu var greinilega ung en þó reynslumikil stúlka sem spurði hvort hún mætti leggja fyrir mig nokkrar spurningar sem ég þyrfti þó ekki að svara frekar en ég vildi.

Það er ekki hverjum degi sem ung en þó reynslumikil stúlka truflar mig í sólbaði svo auðvitað leyfði ég henni að spyrja mig spjörunum úr.  Ertu ánægður með bílinn sem þú keyptir af Toyota umboðinu?  Já, já sagði ég.  Ertu ánægður með þjónustu þjónustudeildarinnar hjá Toyota ehf?  Þokkalega sáttur sagði ég nokkuð brattur.  Eftir rúmann klukkutíma kom síðasta spurningin.  Fannst þér þessi könnun of stutt, hæfilega löng eða alltof löng?  Ég var nú á því að þetta hefði verið svona 45min of löng könnun og kvaddi stúlkuna með þeim orðum.

Þar fór sólbaðið fyrir lítið svo ég klæddi mig í kuldagallann og fór út í frostið.  Á leiðinni í vinnuna sá ég tvo lögreglubíla sem höfðu stoppað umferðina til að veita einhverjum tiltal.  Hélt reyndar fyrst að um árekstur hefði verið að ræða en svo var ekki að sjá.  Þegar ég kom í vinnuna rann það enn og aftur upp fyrir mér hversu leiðinleg hún er.  Alltaf það sama, aftur og aftur.  Ég verð að finna einhverja lausn á þessu svo ég haldi sæmilegri geðheilsu út árið.  Þó þetta sé nánast verndaður vinnustaður þá þarf fólk að hugsa og standa sig.

Fyrir rúmum mánuði síðan réð ég nýjan aðstoðarmann fyrir þennan sem hætti í fyrra.  Það var kominn tími á þessa ráðningu en ég hafði misreiknað verkefnastöðuna svo ég þurfti að taka þann sem sótti um fyrstur.  Hann er ekki nema rúmlega 18 ára gamall með sítt krullað hár og strumpanærbuxur upp á mitt bak.  Þetta er víst tískan í dag hjá unga fólkinu.  Þar sem ég er svo góðhjartaður lét ég nærbuxunar hans ekki trufla mig.  

Þetta er voða góður strákur sem gerir það sem maður biður hann um en kannski ekki mikið meira.  Eftir mánaðar vinnu er hann ennþá að spyrja mig sömu spurninguna.  Á þetta að vera svona?  Já, já segi ég alveg rólegur.  Eftir að hafa verið með allskonar fólk í vinnu hefur maður tamið sér æðruleysi og að sætta sig við all margt.  En þetta hefur ekki alltaf verið svona hjá mér.  Fyrir 7-8 árum síðan hefði ég verið rólegur í tvær vikur en síðan farið að svara til baka og sagt "hvort ertu svona vitlaus eða gleyminn?" eða "ertu nýbúinn að klára lyfin þín?".

En ekki í dag.  Nú læt ég allt yfir mig ganga og endurtek rólega sömu hlutina aftur og aftur.  Alveg þangað til ég verð blár í framan eða jafnvel framsóknargrænn.  Það sem fer reyndar mest í taugarnar á mér er hversu svakalega fámáll hann er.  Hann bókstaflega segir ekkert og byrjar aldrei neinar samræður, hvorki við mig né aðra sem vinna með honum.   Ekki það að ég þurfi á löngum eintölum að halda frá starfsfólkinu en kannski meira enn eitt eða tvö orð yfir allan daginn. 

Í fyrra var frændi minn sem er á svipuðum aldri að vinna hjá mér í sama starfi og þessi strákur.  Hann sagði líka ekki neitt nema kannski tvo eða þrjú orð yfir allan daginn.  Báðir þessir strákar eru aldir upp fyrir framan sjónvarpið og í tölvuleikjum.  Svo var annar strákur í vinnu hjá mér sem hafði alist upp í sveit.  Hann var svo sem ekkert gáfaðri en átti ekki vandræðum með að tjá sig og halda uppi smá samræðum.  Hvað hann ætlaði að gera næsta sumar og allt um nýju kærustuna.  Hann hafði greinilega ekki fengið sama skammtinn af sjónvarpsglápi og troðfull pillubox af rítalíni.

 

Samsæri.

Nú glottir Jón Ásgeir allan hringinn.  Þessi sjálfskipaða talskona húsmæðra hefur lengi barist fyrir lægra matarverði.  Með uppkaupum á helstu keppinautum hefur henni tekist að lækka matarverð öllum til hagsbóta.  Hagkaup ásamt 10-11 hafa alltaf gengið á undan með góðu fordæmi og boðið landanum upp á ódýran mat og nammi.  Þessar búðir ásamt nálægt 50% af smásöluverslun Íslendinga hefur Jón sankað að sér með góðmennsku og lágt vöruverð að leiðarljósi.

Ekki nóg með að þessi hógværa talskona eigi búðirnar sem við verslum í heldur á hún líka stóran part af þeim fjármálastofnunum sem þurfa nú að borga skuldir sínar.  Skuldir sem íslenskar húsmæður báðu ekkert sérstaklega um.  Til að Jón geti borgað erlendar skuldir þarf hann júrur sem Seðlabanki Íslands á varla til.  Þetta lækkar gengið og hækkar verðið í búðunum hans.  Í þessu ljósi ætti Jón Ásgeir að segja af sér sem talskona íslenskra húsmæðra.  Hann hefur brugðist.

 

Hækkar matarverð allt að 30%?

Styðjum Kína.

Upphaf óeirða í Tíbet má beint rekja til Dalí Lama og glæpaklíku hans.  Þessir hryðjuverkamenn vilja sundra Kína og eyðileggja menningu þess mikla lands.  Þegar Íslendingar og feitar stelpur frá Hollywood með anorexiu sameinast um að mótmæla eðlilegum viðbrögðum kínverskra stjórnvalda er illt í efni komið.  Staðreyndum er búið að snúa á haus til að vekja athygli á röngum málstað þessara hryðjuverkamanna.  En eins og allir vita styðja stjórnvöld á Vesturlöndum "eitt Kína" stefnuna.  Þess vegna eru aðgerðir glæpaklíku Dalí Lama dæmdar til að mistakast og í raun ekki annað en ódýr auglýsingabrella til að fá fjármagn frá Hollywood og íslenskum bankaræningjum.  Fjarmagn sem síðar verður notað til að efla hryðjuverkamunka og aðra íslamska öfgamenn.

Nú þurfa íslensk stjórnvöld að standa í lappirnar og láta ekki glæpaklíku Dalí Lama plata sig.  Þjóðir heims með Ísland í forystu verða að styðja baráttu Kínverja við hryðjuverkamenn svo þessir sömu hryðjuverkamenn sem hata Vestræn gildi snúi sér ekki næst að okkur.   

Mannréttindabrotum mótmælt

Allt í plati rassagati.

Hvað varð um allan stöðugleikan sem fjölmiðlar voru að greina frá.  Gufaði hann upp eins og buffalópiss?  Sennilega var hann aldrei til staðar nema hjá fréttaþýðendum Morgunblaðsins.  En hvers vegna skyldi ekki bandaríski herinn koma þessum al-Sadr fyrir kattarnef og glæpaklíku hans? 

Ekkert lát á átökum í Írak

Þroskaheftur api gæti gert betur!

Stjórnendur stærstu fyrirtækja svartsýnni en áður

Björn Bjarnason eða illa þroskaheftur api.

John McClane tók hart á glæpamönnunum sem hertóku Nakatomi bygginguna á sínum tíma.  Nú þarf að sýna kjark og ganga frá ljótu köllunum áður þeir ná að ræna aleigunni frá okkur.  Björn Willis, Árni hestalæknir, Geir Harði og Solla sæta þurfa að bæta sitt ráð.  Þó Jón Ásgeir sé orðinn sjálfskipuð talskona fátækra húsmæðra í Breiðholtinu þurfa íslenskir stjórnmálamenn að geta staðið í lappirnar og gætt hagsmuna almennings.

Nú væri John McClane ekki ánægður með einn dugleasta ástmann sinn,  Björn, sem sker og sker meira niður í hverjum mánuði.  Allt stefnir í óefni og glæpamenn vaða uppi, rupplandi og rænandi.  Ekki nóg með að Björn reyni sitt allra besta að skemma lögregluna með lélegu kaupi og vondum mat.  Heldur hefur hann opnað landið upp á gátt fyrir glæpaklíkum. 

Illa þroskaheftur api gerði meira gagn fyrir land og þjóð en Björn Willis.  Birni hefur nokkrum sinnum verið hafnað í kosningum en alltaf dúkkar hann upp í einu valdamesta embætti landsins.  Sú mikla höfnum sem íslenska þjóðin hefur sýnt Birni hefur gert hann bitran og hættulegan.  Hann reynir greinilega að hefna sín á okkur og er sennilega bara rétt að byrja.  Guð hjálpi okkur því ekki gerir Hannes Hólmsteinn það.

 

 

Tollverðir mótmæla