Stríðsátök ábatasöm.

Vegna aukinnar eftirspurnar væri alveg tilvalið að framleiða vopn á Íslandi.  Við höfum mjög ódýra og hreina orku ásamt hæfu starfsfólki.  Hálendið hentar síðan vel til skotæfinga.  Þar má bæði finna gönguhópa og fjölbreytt landslag.

Kanada ver milljörðum í hernað

Dagbókin fimmtudagur, 1.5.2008

Svaf til klukkan tíu og vaknaði þá.  Fór í báða sokkana og burstaði tennur.  Eftir góða byrjun á þessum fagra sumardegi ákvað ég að senda Birni Bjarnasyni dómsmálaráðherra enn eitt tölvubréfið.

  "Kæri Björn

Ég vona að þú birtir ekki nektarmyndirnar af mér sem ég sendi fyrir viku síðan.  Þær voru bara ætlaðir þér og engum öðrum.  Mér brá þegar þú birtir nokkur ástarbréf frá óðum trukkastjórum sem voru greinilega bara for your eyes only!  En hvernig líst þér á?  Ég er búinn að missa tvö kíló af áhyggjum vegna ástands lögreglumála í landinu.  Þessar bréfaskriftir og myndsendingar eru vel meintar af minni hálfu.  Ég skal reyndar játa, og þú mátt ekki verða öfundsjúkur, að ég sendi líka Sólveigu Péturs. svona myndir og bréf á sínum tíma.  Henni leyst svo vel á að hún setti upp fullt af óvopnuðum pappalögreglum til að fylgjast með mér.  Jæja, verð að hætta en skrifa aftur á morgun.  KISS, kiss."

Skrapp í 10-11 og ætlaði að versla í matinn fyrir 500kr.  Allur þessi peningur dugði fyrir smurðu rúnstykki og svala.  Það var meira að segja smá afgangur sem ég bað afgreiðslustrákinn með síða hárið og hringinn i nefinu að gefa Jóni Ásgeiri.  Hann spurði á móti hver þessi Jón Ásgeir væri.  Ég nennti ekki að rökræða og bað hann bara að stinga aurnum í sitt eigið veski.  Með því móti fengi Jón Ásgeir allan aurinn.  Hann hló og sagði að enginn gæti stolið úr sínu veski.  Ég hló á móti og sagði Jón Ásgeir.  Svo hlóum við báðir saman og það var gaman.

 

 

Meirihluti telur aðgerðir lögreglu gegn bílstjórum of harkalegar

Íslenskir Talibanar.

Jæja núna er ég loksins að verða alvöru bloggari.  Eftir margar heiðarlegar tilraunir til að komast á bannlista hjá ýmsum moggablogurum hefur það tekist.  Sérstaklega hef ég reynt að kanna þanþolið hjá fulltrúum okkar uppáhalds stjórnmálaflokka.

Sjálfstæðismenn hafa lent ílla í því.  Hjá nokkrum hef ég hraunað yfir Davíð Oddsson, stefnu flokksins o.s.fr.  Ég sparaði ekki stóru orðin og í einu tilfelli þar sem síðuhöfundur tók fram að engin dónaskapur væri leyfður setti ég comment með yfir 50 persónulegum fúkyrðum.  En allt kom fyrir ekki sjálfstæðir Sjálfstæðismenn hafa ekki ennþá sett mig á svarta listann.

Frjálslyndir hafa líka fengið að kenna á mér.  Þá Magga og Jón lögmann hef ég ýtrekað lamið í hausinn með grófum fúkyrðum og dónaskap.  Báðum hef líkt við Hitler og hreindýraskít.  En allt kemur fyrir ekki þeir eru greinilega desperat og vilja ekki fæla mig frá flokknum.

Framsóknarmenn hafa líka fengið nokkrar gusur.  Ég hef passað að gera bara grín að útliti þeirra og formanni.  Þeir hafa allir með tölu tekið þessu létt og kunnað að meta skítkastið.  Enda í sömu stöðu of Frjálslyndir mega ekki við að fæla fleiri kjósendur frá sér.  Þeir brosa framan í mig núna en eftir kosningar fæ ég örugglega þetta borgað margfalt til baka.

Samfylkingin og dverganir sjö hafa heldur betur lent ílla í því.  Þegar ég heimsæki blogsíður stuðningsfólks hennar vanda ég mig alveg sérstaklega.  Gleymi aldrei að hreyta nokkrum vel völdum ónotum í Ingibjörgu og hennar vini.  Þrátt fyrir margar og ítarlega tilraunir til að fá mig bannaðan hefur það alls ekki tekist.  Hér hef ég orðið fyrir vonbrigðum enda hvernig ætlar þessi flokkur að standa í lappirnar þegar ESB byrjar að vaða yfir okkur.

Vinstri grænir hafa nánast alveg sloppið við innlit frá mér þar sem ég hélt að þeir væru umburðalyndastir allra.  Frjálsar ástir, Falum gong, Ísland úr NATO herinn burt, öll dýrin í skóginum eiga að vera vinir o.s.fr.  En ooboj ooboj hafði ég rangt fyrir mér.  Það þurfti bara þrjú innlit og engan dónaskap til að komast á svarta listann hjá MANNRÉTTINDA fulltrúa VG.  Nokkuð ljóst að löggi og netlöggan hans eru ekkert grín.

Eftir þessa yfirferð er ljóst að allir stjórnmálaflokkarnir bera virðingu fyrir skoðunum og dónaskap annara nema Vinstri grænir.  Í því ljósi fá þeir hin eftirsóttu íslensku Talibanaverðlun.  Sem verða hér eftir veitt mánaðarlega öllum Moggablogurum sem takmarka málfrelsið og annað dónatal.

 

Björn Bjarnason eða Össur?

Aldrei hefur Sjálfstæðisflokkurinn boðið mér í Húsdýragarðinn.  Eina sem hann hefur gert fyrir mig er að Björn Bjarnason bauð mér á Litla Hraun.  Ég var fljótur að afþakka þau leiðindi.  Þurfti reyndar að borga ónefndum lögfræðingi væna summu undir borðið en það var vel þess virði.  Hef reyndar heyrt að maturinn sé alveg ágætur en má ég frekar biðja um Vín og skel eða Holtið.

Kvöld eitt fyrir nokkrum árum horfði ég á Batman og fékk þessa eitursnjöllu hugmynd.  Berjast gegn glæpum og óréttlæti í Reykjavík.  Mamma saumaði á mig grænan Batman búning sem var nú ekki alveg rétti liturinn en þetta var eina efnið sem hún átti.  Ég horfði framhjá þessu smáatriði og kallaði mig Froggy the crimefighter.

Fór síðan beint upp í Öskjuhlíð og faldi mig þar bakvið stóran stein.  Eftir góða stund hafði ég ekki orðið var við neinn glæp.  Hafði reyndar séð tvo skeggjaða karlmenn láta vel hvor að öðrum en það er víst alveg leyfilegt.  Eftir þetta litlausa ævintýri fór ég heim.  Stytti mér leið í gegnum nokkra bakgarða bæði til að fólk sæi mig ekki í þessum asnalega búning og til að athuga hvort fólk væri að fremja glæpi heima hjá sér.

Eftir að hafa legið á nokkrum gluggum sá ég eldri hjón sem létu vel hvort að öðru.  Maðurinn var kviknakinn fyrir utan glansandi hermannahjálm og verkfærabelti utan um sig miðjan.  Konan var handjárnuð við rúmið og gretti sig ógurlega.  Þegar leikar stóðu sem hæst var ég snúinn niður í grasið og tveir lögregluþjónar drógu mig inn í bílinn sinn.

Eftir þessa lífreynslu þó hún sé ekki alveg rétt munuð hjá mér ætla ég aldrei að kjósa Björn Bjarnason eða Sjálfstæðisflokkinn.  Össur og Solla fá mitt atkvæði, kannski.

 

 

 

Samfylkingin býður í Fjölskyldu- og húsdýragarðinn