Ný auglýsingastofa.

Nokkrir kunningjar mínir fóru á fund markaðsmanna hjá auglýsingastofu og spurðu hvað það kostaði að fá nýtt fyrirtækja logo.  Fyrsti fundurinn átti að kosta 500.000 kr.  Á þeim fundi yrði farið yfir verkefnið og áttað sig á umfangi þess.  Síðan væri hægt að fara að tala um kostnað.  Það kostaði semsagt litlar 500.000 kr. að fá verðtilboð/hugmynd.  Svona auglýsingamenn vinna ekki fyrir kaupinu sínu.

 

 

N4 kannar réttarstöðu sína vegna nafns og firmamerkis N1

Athugasemdir

[TómasHa, 17.4.2007 kl. 07:43]

http://www.fyrirtaeki.net þar er hægt að kaupa flott logo fyrir rúmlega100 dollara, ég hef nokkrum sinnum gert það og yfirleitt verið ánægður.

[Einar (IP-tala skráð) 17.4.2007 kl. 07:56]

Hvaða stofa var þetta? Ég þekki vel til í bransanum og hef aldrei heyrt um svona. Það væri gaman að vita hvar þetta var.

[Jens Guð, 17.4.2007 kl. 09:47]

  Þetta hefur verið grín.  Ég er lærður auglýsingateiknari og vann árum saman við að teikna lógó.  Þó að ég hafi snúið mér að öðru fyrir nokkrum árum þá þekki ég að þetta stenst ekki.  Þar fyrir utan kannast ég ekki við að rukkað sé fyrir fundi á auglýsingastofum.

  Ég treysti mér til að fá gott lógó hannað á auglýsingastofu fyrir 30 - 50 þúsund kall.  Þá er ég ekki bara að tala um flott lógó heldur lógó sem er hannað út frá auglýsingasálfræðinni,  sérsniðið að ímynd fyrirtækis þíns.

  Það er alltof algengt að fólk í rekstri láti amatöra (góðan teiknara í ættinni eða vinahópnum) teikna fyrir sig lógó.  Lógóið getur litið vel út en alltof oft vinnur það gegn ímynd fyrirtækisins.  Eða styður hana ekki.      

[Jens Guð, 17.4.2007 kl. 10:02]

  Ég kíkti aðeins á lógó-dæmið sem Tómas bendir á.  Ekki líst mér á.  Þarna er um myndskreytingar að ræða en ekki góða lógó-vinnslu.  Gott lógó er einfalt tákn en ekki myndskreyting.  Gott lógó þarf að skila sér jafn vel svart-hvítt og í lit.  Það þarf að skila sér jafn vel sem óskír gúmmístimpill eins og prentað í hæstu prentgæðum.  Gott lógó verður að samanstanda af örfáum formum.  Eftir því sem formin eru færri "flassar" lógóið oftar og stimplar sig fastar inn í vitund fólks.  Bestu lógóin getur hver sem er endurteiknað án teiknihæfileika.

  Dæmi um góð lógó eru Mercedis Benz,  hakakrossinn,  "peace" merkið og þess háttar.  Það er engin tilviljun að Benz merkið er það bílalógó sem almenningur þekkir best.  Á sama hátt er ekki tilviljun að hakakrossinn er best þekkta lógó tengt við pólitík.  Og það þrátt fyrir andúð almennings á nasisma.

  Sömuleiðis er engin tilviljun að "peace" merkið hafi valtað yfir önnur friðartákn.  Merkið stendur ekki einu sinni fyrir frið heldur No Nukes (samsett úr stöfunum NON). 

  Þegar kemur að lógói er meira áríðandi að fagmaður annist verkið heldur í flestu öðru sem snýr að fyrirtækjarekstri.  Gott lógó getur skilað árangri á við margar dýrar auglýsingaherferðir.    

[Björn Heiðdal, 17.4.2007 kl. 21:19]

Ég er nú frekar latur að skrifa.  Þetta var ekki bara spurning um nýtt logo.  Það átti að hanna nýtt og ferskt lúkk á allt dæmið.  Þessi fyrsti fundur var svona brainstorm session með nokkrum gúrúum frá auglýsingastofunni.

Það getur vel verið að verðið sé ekki rétt.  En hátt var það og þessir menn hættu við.

[Jens Guð, 18.4.2007 kl. 00:10]

  Það er töluverður munur á einu litlu lógói eða nýju heildarlúkki.  Samt er 500.000 króna pakkinn út úr korti.  Þar fyrir utan hafa rannsóknir ítrekað sýnt að "brainstorming" er óheppileg aðferð við hugmyndavinnu.  Hún skilar miklu verri afrakstri en þegar menn vinna einir út af fyrir sig að tillögum og bera síðan saman bækur.  "Brainstorming" varð tískufyrirbæri sem stóðst ekki samanburðarrannsóknir. 

  Það kemur fyrir að auglýsingastofa missir tök á yfirbyggingu.  Þegar fámenn framleiðsludeild (teiknarar,  hugmyndasmiðir og þess háttar) þurfa að standa undir rekstri á fjölmennri skrifstofuhaldi (síma"dömu",  gjaldkera,  framkvæmdarstjóra,  forstjóra,  bókhaldara og þess háttar).  Þá þarf útseldur tími að verðleggjast hátt.  Ég man eftir einni slíkri stofu sem tók upp nokkuð hátt startgjald.  Hún stóðst ekki samanburð í verðlagningu við stofur með litla yfirbyggingu.  Og fór á hausinn. 

  Ef þú ert með frekari pælingar um hönnunardæmi fyrir lítinn pening get ég vísað þér á nokkra aðila sem ég leita til.  Netfangið mitt er [e-mail].   

[Tómas Þóroddsson, 18.4.2007 kl. 01:20]

Mér finnst nú Kjarval búðinar eitt best heppnaðasta lógó dami í sögunni.

[Jens Guð, 18.4.2007 kl. 02:18]

  Ég man ekki hvernig Kjarvals-merkið er.  En svínið hjá Bónus er nokkuð gott.  Ekki það allra besta (sparibaukur) en litavalið er sterkt í ímynd Bónusar. 

[Jenný Anna Baldursdóttir, 19.4.2007 kl. 11:31]

Það er svo dýrt þegar fagfólk hugsar.  Gleðilegt sumar!

[Steingerður Steinarsdóttir, 19.4.2007 kl. 19:47]

Og ég sem hélt að tannlæknar væru dýrir.