Kæri Guð.

Ég veit að þú ert vanur að hreinsa til hjá okkur mönnunum á nokkra áratuga fresti.  Sérstaklega þar sem spilling og dauðasyndirnar sjö fá að grassera.  En ekki tortíma Bandaríkjunum alveg strax ég á nefnilega eftir að heimsækja þau.  Mér þætti alveg svakalega vænt að fá eitt tækifæri til að skoða þetta stórkostlega land.  Skoða Disney, Yellowstone og synda í tjörninni í Washington DC.

Hvers vegna þú tortímir borgum og jafnvel heilu menningarsamfélögunum ef þau gerast of gráðug eða spillt hef ég ekki alveg áttað mig á.  En Bandaríkin í dag eru spilltasta ríki veraldar ef marka má fréttaflutning þaðan.  Þú  mættir alveg skoða lönd eins og Zimbabe eða Hvíta Rússland með öðru auganu.  Bara svona til að gæta sanngirnis.

Þú hefur sennilega móðgast þegar forseti kirkjusambands Evangelikka í Bandaríkjunum keypti sér karlhóru til að pota í bossann á.  En það eru nú smámunir í samanburði við alla spillinguna í Washington DC.  Þú getur kannski horft fram hjá svarta gaurnum sem Bush réð og var stelsjúkur, kallinum sem gat ekki hjálpað New Orleans en hvað með Írak og Halliburton.

Láttu mig bara vita áður en þú tortímir þessu helsjúka landi svo ég geti verið sofandi upp í íslensku rúmi.

 

Kynlífshneyksli í uppsiglingu í Washington

Athugasemdir

[Jenný Anna Baldursdóttir, 29.4.2007 kl. 12:25]

Ég á líka eftir að heimsækja þetta land frelsis og hugrekkis. Skömm að því hvað maður er illa sigldur í þá átt.  Þú kemur mér alltaf til að hlægja.

[Margrét St Hafsteinsdóttir, 29.4.2007 kl. 12:56]

Ég hef komið til USA og ferðast talsvert þar. Bush er beinlínis hataður þar víða og næstum óskiljanlegt að margra mati hvernig hann komst til valda. Hef reyndar ekki komið til Texas og þeirra fylkja sem styðja hann hvað mest. Í Texas eru börn sett í fangelsi eins og frægt er orðið. Það fólk sem styður Bush er upp til hópa bókstafstrúarfólk/öfga hópar kristinna og það segir allt sem þarf. Þegar maður fer til USA er eins og maður sé að lenda í hasarmynd og að maður sé álitinn mögulegur hryðuverkamaður. Við innritun í flugið fær maður langan spurningalista og þarf að svara ótrúlegustu spurningum. Maður þarf að fara í gegnu miklar gegnum lýsingar. Tekin er mynd af manni og fingraför. Svo er eins gott að skilja ekki töskuna sína eða bakpoka eftír í meira en metersfjarlægð, annars koma sprengjusveitir og vopnaðir verðir og hreinsa svæðið til að geta aftengt sprengjuna. 

Annars er gaman að koma þangað og mjög gaman að versla þar

[halkatla, 29.4.2007 kl. 22:38]

komment Margrétar er fyndið ég man eftir spurningalistanum góða, ég hef sko farið einu sinni til USA og það er svo langt síðan að listinn hefur ábyggilega lengst töluvert. Ég man að ég svaraði vitlaust á einum stað, merkti já við að vera stríðsglæpamaður úr síðari heimsstyrjöldinni - óvart - af því að ég var svo skjálfhent og stressuð yfir þessum fáránlegu spurningum. Hinar voru um dóp, kynsjúkdóma osfrv. 

En varðandi pistilinn, þá er það mín persónulega skoðun að Guð skipti sér ekki af spillingarmálum í ríkisstjórnum, menn uppskera einfaldega einsog þeir sá og þessir gaurar í kynlífshneykslinu eru að kynnast því núna. Þannig er það með alla. Það er fínt að vita að andleg lögmál eru stöðugt að hreinsa til.

[Linda, 29.4.2007 kl. 23:16]

Margrét hefur þú heyrt þetta "þeim er best að þegja sem hafa ekkert gott að segja" ..Enn friður til þín.

BNA menn eru ekki veruleikafirtir eins og hins ofsaekkitrúar Margrét vill reyna að koma á framfæri, þetta er gott fólk sem býr við forseta sem hefur komið þeim í víti.  Enn að það hati forseta sinn er algjör fyrra BNA menn hata ekki forseta sína, þeim líkar misvel við þá    Enn hollusta þeirra er við forsetann, því forsetinn er BNA.  Þér ætti að líða vel að vita til þess að hann veður ekki kosin aftur, er ekki leyfilegt.  Ég á vona að ´því að demokrati verður næsti forseti, eða ekki úr úr skápnum muslimi að nafni Obama. enn auðvitað veistu þú þetta þar sem þú er altvitur og full af kærleika og umburðalindi til allra..ummm sorry næstum alla.

[Linda, 30.4.2007 kl. 00:41]

Oh nota bene Margrét, ég bjó það sem þú heimsóttir.

[Gunnsteinn Þórisson, 30.4.2007 kl. 01:12]

Talandi um trúmál og pólitík ;) Var það ekki Drottinn okkar kæri sem pullaði tíu plágum yfir þegna Faraós í Egyptalandi fyrir Móse þar í forðum yfir há-pólitísku máli? Eða ja, talandi um spillingu og "glæpaverkum", er ekki löngu kominn tími fyrir annað flóð samkvæmt biblískum standördum? :)

Annars um fréttina sjálfa, kemur ekki á óvart, satt að segja beið ég eftir svona atviki. Spillingin er svo gífurleg, það er án efa mikið meira og vafasamra í gangi þarna úti, við erum rétt svo að finna þefinn af því sem er verið að baka þar í landi. Vonandi átta hinu trúföstu sig á því að þeir eru ekkert nema leikmenn í alsherjar spili spillingar og ofsatrúar, bæði þar úti og brátt hérlendis.

Friður til ykkar allra, óháð trúar, hörundslit, uppruna eða kynhneigð :)

[Margrét St Hafsteinsdóttir, 30.4.2007 kl. 12:47]

Heyrðu Linda! Viltu ekki reyna að lesa það sem ég sagði en ekki segja að ég hafi verið að segja eitthvað sem ég sagði ekki.

[Margrét St Hafsteinsdóttir, 30.4.2007 kl. 12:49]

Já Anna Karen..........Listinn hefur lengst mikið! Fór þangað árið 2005.

[Linda, 1.5.2007 kl. 19:46]

Margrét, þú sagðir " their hata forseta sinn" þeir skilja ekki hvernig hann var kosin" þeir er ofsatrúar öfgja hópa kristinnar trúar sem segir allt sem segja þarf" þín orð ekki mín.  Mín orð "BNA eru ekki veruleikafyrtir eins og ofstækisekkitrúar Margrét vill koma á framfæri"

Mér er spurn, með þínum orðum dæmir þú þá sem heimska og hatrama öfgatrúar einstaklingar sem sitja núna naga á sér negglurna og segja duh we just don´t know how this happend. duh...yes we voted but "duh" how can this happen duh þar með gefur þú í skin að þeir séu "veruleikafyrtir"

Enn visulega er gott að hvað það er gaman að versla þar "svo framarlega væntanlega að þú þurfir ekki að búa þar" mín orð ekki þín" síðari hlutinn. 

Ég fór með "the pledge of alligence í nær 20 ár" vinir mínir eru þarna, fjölskilda mín er þarna svo ég tek því mjög alvarlega þegar fólk alhæfir eins og þú hefur gert.

En enginn er fullkominn hvort sem þeir búa þar eða hér eða annarstaðar. 

[Margrét St Hafsteinsdóttir, 2.5.2007 kl. 00:39]

Ok Linda. Auðvitað hefur fólk kosið Bush í góðri von. Enginn vissi fyrirfram  hvernig þetta færi allt. Ég sagði aldrei að mér líkaði illa við Bandaríkjamenn. Á þar fullt af góðum og yndislegum vinum. Það er hins vegar vitað að margir þeirra sem kusu Bush eru kallaðir öfga kristnir. Sumir voru meira að segja að halda því fram að hann væri kominn til að frelsa heiminn, kannski vegna þess að hann blekkti fólk. Ég sagði ekki að allir væru þannig. Margir þeirra sem kusu hann hefur nú snúist hugur og verður þeirri stund fegið þegar hann fer frá völdum. Ég sagði heldur ekki að ég gæti ekki hugsað mér að búa þar. Það sem mér finnst hvað best við Bandaríkjamenn er hvað þeir eru miklir dýravinir. Það virðist fylgja þeim flestum. Svo Linda mín, hafðu það sem best.

[Linda, 2.5.2007 kl. 01:58]

Phew, ok Margrét þakka þér fyrir að skíra orð þín.  Og bara svo ég segi þér eitt til viðbótar, þegar ég sá fréttirnar að Bush hafi verið kosnin sagð ég "núna fer allt til fjandans" vildi óska þess að ég hefði ekki verið sanspá."

Friður til þín.