Vitlaus maður framseldur.

Í þessari frétt segir að bandaríkjamenn vilji fá Hamsa framseldan vegna stuðnings við al-kæda og að  hann hafi tekið þátt í alheimssamsæri um heilagt stríð gegn Vesturlöndum.  Það getur vel verið að Hamsa og nokkrir óharðnaðir smástrákar blautir bak við eyrun vilji taka þátt í heilögu stríði gegn Vesturlöndum.  En sú ógn sem almenningi stafar frá þessu liði er lítil.  Okkur stafar meiri ógn frá köllum eins og Dick Cheney, George Bush, Richard Pearl, Sarkozy Frakklandsforseta, Olmert forsætisráðherra Ísraels, Barak Íslandsvin, Tony Blair, Robert Mordoch og listinn er nokkuð langur.

Ellefta september 2001 flugu tvær flugvélar á tvíburaturnana í New York.  30 mínútum síðar var búið að tilkynna bandarískum almenningi að gamall maður búsettur í helli einhverstaðar í Afganistan að nafni Bin Laden væri sökudólgurinn.  Nánast á sömu mínútu og fyrsti turninn hrundi voru vel valdir sérfræðingar komnir á allar stærstu sjónvarpsstöðvar vestanhafs og lýstu af mikilli þekkingu hvernig turninn gat hrunið.  Allir með keimlíku orðalagi.

Þessi atriði fá mann til að hugsa.  Meðan á þessum ósköpum stóð horfði ég ekkert á sjónvarpið enda í vinnunni.  En núna sex árum seinna þegar maður hefur allar sjónvarpsupptökur fyrir framan sig i gegnum netið sér maður tímaröð atburða.  Það var algjörlega útilokað fyrir þessa svokölluðu sérfræðinga að vita 30 mínútum eftir árásina hver stóð að baki henni.  En samt vissu þeir hver gerði þetta.  Ég hélt hreinlega að Bin Laden hefði verið bendlaður við þessar árásir 2-3 dögum eftir þær.  En svo var ekki í bandarískum fjölmiðlum.

Stuttu eftir fall turnanna fóru myndir í dreifingu á vestrænum fréttastöðvum sem sýndu Palenstínuaraba fara út á götur, dansandi og dreifandi nammi til vegfaranda.   Allt til að gleðjast yfir dauða og eyðileggingu í New York.  Ég man að ég hugsagði hvurslags asnar þetta væru.  Svo kom í ljós að þetta voru tilbúnar myndir sem Ísraelska leyniþjónustan hafði látið gera áður en árásin var gerð.  Hvernig skyldi standa á því að fréttamiðlar Robert Mordoch sýndu sviðsettar myndir af aröbum í Palenstínu með nammi í pokum fagna þessum árásum.

Ekki dettur mér í hug að þessar myndir hafi verið sýndar til að gera málsstað Palenstínuaraba einhvern greiða.  Þvert á móti hljóta þær að hafa verið sendir út til að draga úr samúð á málstað Palenstínumanna og sverta múslima almennt í augum Vesturlandabúa.  Tvær flugur í einu höggi.

Síðan er það spurningin um þessa 19 flugræningja sem hvergi voru skráðir á farþegalista.  Þeir skildu eftir sig kreditkortaslóð  á allar bestu strippbúllur Bandaríkjanna, brennivínsbúðir og hórukassa.  Þeir notuðu sín eigin nöfn og skráðu sig í flugskóla bara til að læra að taka á loft en ekki lenda.  Þeir skyldu eftir sig Jihad bæklinga og erfðaskrár sem lögreglan fann auðveldlega.  Svokallaður höfuðpaur, Mohammed Atta, hefði ekki ekki verið með í árásunum ef tengiflugi hans hefði bara seinkað um nokkrar mínútur.  Samt tókst þessum hópi að fremja best skipulagða hryðjuverk sögunnar.  

Síðan á maður að trúa að allir sem skipulögðu, fjármögnðuðu og framkvæmdu eitt magnaðasta hryðjuverk sögunnar hafi látist um borð í flugvélunum.  Allir nema einn asni sem vissi ekkert og bandaríska lögreglan fann eftir litla leit.  Afhverju er ekki búið að birta opinberlega einhver gögn sem renna stoðum undir þessa opinberu skýringu.  Afhverju eru ekki til flugvallamyndir af öllum ræningjunum? Hvers vegna voru nöfn þeirra ekki á farþegalistum?  Afhverju fundust engar líkamsleifar úr tveimur stórum farþegaþotum, ekki einn putti?  Afhverju gufuðu þoturnar upp sem réðust á Pentagon og Pensilvaníu? 

Það er allt sem bendir til þess að miklu fleiri hafi komið að þessum hryðjuverkum.  Menn sem kunna sitt fag og vilja þröngva vilja sínum upp á almenning.  Stórfyrirtæki og ríkisstjórnir sem svífast einskins til að græða á stríði og dauða annara.

Smá lesning fyrir áhugafólk um sannleikann http://www.commondreams.org/views04/0802-06.htm 

 

 

 

  

 

   

Bretar heimila framsal róttæks múslímaklerks

Athugasemdir

[Salmann Tamimi, 16.11.2007 kl. 01:40]

Nú til dags er Múslimi sekur þangað til sakleysið hans er sannað. Ekki megum við gleyma Guantinamo og leynileg fangelsin sem eru rekin í Evropa og annað staðar með fullt af saklausum múslimum. Israel og Bandaríkin eru að reyna telja okkur trú um það að Islam er ögnin til að rettlæta þeirra glæp, yfirgang og strið í miðausturlöndum og Afganistan.

[Björn Heiðdal, 16.11.2007 kl. 10:57]

Ég er alveg sammála þér.  Þetta er bara svo vitlaust að það nær ekki nokkru tali.  En samt tala margir eins og þetta sé í lagi því múslimar lemji og drepi konur sér til skemmtunar.  Allt til að þóknast Guði og góðum síðum.

[Loopman, 16.11.2007 kl. 21:50]

Abu Hamsa :) það er einn ruglaðasti maður sem ég veit um. Ég hlaut þá ánægju að tala við hann úti á götu fyrir sirka 10 árum í London. Og maðurinn er rosalegur. Kolvitlaus. Ég mæli með að þið lesið bók sem heitir Londonistan eftir Melanie Philips. Þar er mikið fjallað um Hamsa.

 Loopman