Hvar er Hannes Smárason?

Afhverju er ekki Hannes Smárason þarna.  Hann gæti haldið fyrirlestur um íslenska efnahagsundrið og gott gengi FL Group.  Farið í saumana á gáfulegum fjárfestingum í AmAir og B&O ásamt því að kynna íslenska lambakjötið, besta kjöt í heimi.

En nú blasir við að verð á lambakjöti muni hækka vegna ákvarðanna sem eru teknar í reykfylltum bakherbergjum.  Þar eru líka teknar ákvarðanir um að koma íslenskum rafmagns- og hitaveitum í eigu fárra auðmanna, ekki endilega íslenskra.

Fyrst verður innlendum aðilum, ekki þó mér og þér, seldur hlutur ríkis og sveitarfélaga í veitunum.  Því næst þarf að hækka verðið á þjónustunni til að borga kaupinn.  Svo koma erlendir aðilar og kaupa sig inn í þessi alþjóðlegu félög.  Og þá þurfa Íslendingar að borga heimsverð á raforku og vatni!

Skiptir ekki máli hver framleiðslukostnaðurinn er því eigendur vilja ekki fá lakari ávöxtun á pundið sitt en þeir geta fengið annarstaðar.   

Blikur og tækifæri rædd í Davos

Athugasemdir

[Gullvagninn (IP-tala skráð) 27.1.2008 kl. 11:01]

Tek svo heilshuga undir með þér um orkumálin.  Þetta er verkefni sem við eigum að berjast fyrir, halda þessu í "almannaeign", og breyta þessu í félög til almannaheilla, það er að segja, það er ósiðlegt að þessi félög taki að sér skattheimtu umfram framleiðslukostnað á þeim vörum sem við búum til handa okkur sjálfum.

Þeir mega okra á auhringjunum, en almenningur á þessar veitur, og á rétt á orku seldri á kostnaðarverði.