No news like bad news!

Ég er búinn að fá algjört ógeð á þessum leiðinda fréttum sem Morgunblaðið birtir dag eftir dag.  Það getur ekki verið að nánast einu fréttirnar utan úr heimi séu morð og dráp á saklausum borgurum.  Ekkert jákvætt eða uppbyggilegt til að segja fréttir af.  Ein og ein furðufrétt um stærstu rjómabolluna eða heimskasta þjófinn en varla mikið meir.

Hver er skýringin á þessu?  Sennilega er þetta gert meðvitað og hugsað til að skapa ótta og kvíða.  Óttaslegið fólk sem kvíðir framtíðinni er ekki líklegt til að kjósa nýja valdhafa.  Í okkar tilfelli hentar það  Morgunblaðinu best að gamli og góði Sjálfstæðisflokkurinn sé við völd.  Allar fréttir og greinarskrif Moggamanna þarf að skoða í þessu ljósi.

En ekki fá öll lönd sama skammtinn.  T.d. hefur Íran fengið alveg sérstaklega veglega útreið hjá heimspressunni og Mogganum undanfarið.  Frásagnir af aftökum, glæpum og öðrum kvillum samfélagsins er haldið að okkur án sýnilegrar ástæðu.  Vandamálin eru stærri og aftökunnar fleiri í Kína en lítið heyrist um það á sama tíma.

Þessar slæmur fréttir eru ekki bara "góðar" til að tryggja valdhöfum áframhaldandi völd heldur líka alveg tilvaldar til að skemma fyrir ímynd landa þaðan sem fréttirnar koma.  Tvær vænar flugur í einu höggi og tilkostnaðurinn smá blek og kannski örfáar krónur.  

Nokkrir gyðingar hafa fengið sig fullsadda af slæmu fréttunum um Ísrael og meðferð þeirra á frændum sínum og nágrönnum.  Þeir hafa í framhaldinu stofnað bloggsíður þar sem eingöngu slæmar fréttir birtast frá þeim stöðum sem þeir vilja kenna lexíu.   Sá sem byrjaði á þessu skrifum vildi sýna fram á hvernig neikvæðar en sannar fréttir geta gefið ranga mynd af ástandi.

En þetta er nákvæmlega það sem öll heimspressan er að gera um þessar mundir.  Tóm leiðindi allstaðar og síðan er stækkunarglerinu beint á vissa staði sem Murdoch og félagar vilja níðast á. 

Þrír særðust á Gasa í aðgerðum Ísraela

Athugasemdir

[Gullvagninn (IP-tala skráð) 6.2.2008 kl. 19:09]

Það er eins og mig minni í frásagnir af fóboltavöllum í afganistan, sem "við" fjármögnuðum fyrir þá, en þeir notuðu svo bara sem "aftökuvelli"...

er þetta ekki bara stríðstromman, verið að demoniza þann sem á svo að ráðast á? 

[Björn Heiðdal, 6.2.2008 kl. 19:53]

Ætli það ekki bara.

[halkatla, 11.2.2008 kl. 22:39]

ef vandamál íslenskt samfélags yrðu dæmd útfrá því hvernig hér er tekið á nauðgurum og þvílíkum glæpamönnum þá værum við ekki í mjög góðum málum  mér hefur skilist það á fréttaflutningi um slíkt að það sé í raun ekki það mikill glæpur að nauðga á Íslandi, hvað þá að limlesta aðra trekk í trekk, nema í ákveðnum jaðartilfellum. Einhver erlendis gæti vel hugsað: "oj, sprengjum svona pakk" 

Reyndar hef ég ógeð á mjög mörgum villimannslegum siðum annarra þjóða (og ég bað þess í mörg ár að einhver hjálpaði afghanistan áður en 9/11 kom til), en það er staðreynd að engin hefnd, hvað þá sprengjuhefnd, getur hjálpað in the end...

[Björn Heiðdal, 11.2.2008 kl. 23:19]

Alveg hárrétt hjá þér.