Samsæri.

Nú glottir Jón Ásgeir allan hringinn.  Þessi sjálfskipaða talskona húsmæðra hefur lengi barist fyrir lægra matarverði.  Með uppkaupum á helstu keppinautum hefur henni tekist að lækka matarverð öllum til hagsbóta.  Hagkaup ásamt 10-11 hafa alltaf gengið á undan með góðu fordæmi og boðið landanum upp á ódýran mat og nammi.  Þessar búðir ásamt nálægt 50% af smásöluverslun Íslendinga hefur Jón sankað að sér með góðmennsku og lágt vöruverð að leiðarljósi.

Ekki nóg með að þessi hógværa talskona eigi búðirnar sem við verslum í heldur á hún líka stóran part af þeim fjármálastofnunum sem þurfa nú að borga skuldir sínar.  Skuldir sem íslenskar húsmæður báðu ekkert sérstaklega um.  Til að Jón geti borgað erlendar skuldir þarf hann júrur sem Seðlabanki Íslands á varla til.  Þetta lækkar gengið og hækkar verðið í búðunum hans.  Í þessu ljósi ætti Jón Ásgeir að segja af sér sem talskona íslenskra húsmæðra.  Hann hefur brugðist.

 

Hækkar matarverð allt að 30%?

Athugasemdir

[Ellý (IP-tala skráð) 30.3.2008 kl. 00:56]

Jón Ásgeir hefur gert meira fyrir fátæka Íslendinga en öll ríkisstjórnin til samans.  Þessu gleyma margir í hita leiksins.  Svo er hann líka bráð myndarlegur og segir svo skemmtilegar sögur.  Ekki má gleyma brúðkaupinu sem hann hélt og lét flytja allt draslið, nema kannski gestina, inn til landsins.  Þar var gjaldeyrinn ekki sparaður!!

[Gullvagninn (IP-tala skráð) 30.3.2008 kl. 08:24]

Það var nú faðir hans, Jóhannes, sem byrjaði með bónes.  Bónes menn lækkuðu verð þegar þeir komu í den, en síðan hafa liðið mörg ár...

Í dag er verð í bónes örugglega ekki lægra en það var í haxkaup, þegar haxkaup var bónes síns tíma.

Með allri auðhringjavæðingu matvælamarkaðsins er orðið afar erfitt fyrir nýgræðinga að koma inn og keppa við gömlu keppina, þeir keppast bara við að svæla samkeppina í burtu. 

Komi svo einhverntíma nýr Bónes, sem þeir geta ekki svælt niður með tímabundnum tilboðum, þá verður reynt að samræðisvæða hann, á sama hátt og Bónes er nú orðið hluti af Baug, eða Högum eða hvað þeir heita allir þessir auðhringir. 

Það er nefnilega galli kapitalismans, að æðsta stig hans er einokun, og það form af verslun er okkur einhvernvegin eðlislægt, ... og svo auðvitað nennir enginn að berjast fyrir einu eða neinu lengur, bara vinna (eins og þræll) á daginn, og grilla (sífellt lélegra hráefni) á kvöldin. 

[Björn Heiðdal, 30.3.2008 kl. 10:18]

Jón var heilinn á bak við Bónus.  En hann var ekki með nein erlend viðskiptasambönd þegar grísinn byrjaði að keppa við Hagkaup.  Þar kom annar maður inn í dæmið sem síðar hrökklaðist út úr samstarfinu þegar Jón sá ekki not fyrir hann lengur.  Án þessara viðskiptasambanda hefði nákvæmlega ekkert gengið hjá Jóni.  Innkaupaverð Bónus var miklu lægra en það verð sem Hagkaup fékk frá framleiðendum.  Hagkaup átti aldrei séns.

Í dag væri séns að flytja vörur inn frá Kína, Póllandi o.s.fr. og endurmerkja "framleitt fyrir Gullvagninn". Til að fara í samkeppni við Bónus.