Áhugamaður um landráð.

Eiríkur Bergmann er einn af þessum útrásarköllum sem hafa farið mikinn í að selja land og þjóð.  Eiríkur hefur að vísu ekki efnast eins og Jón Ásgeir eða Hannes Smánarson en hann hefur verið duglegur að selja landanum himnavist í Brussel.  Þar mun víst allt vera fagurgrænt og smábörn fæðast með gullskeiðar í munninum og fleiri stöðum sem ekki þykir við hæfi að nefna. 

Eiríkur hefur verið í essinu sínu að flytja ræður út um alla Evrópu í boði ESB.  Þar hefur hann komið fram sem fulltrúi litla Íslands sem langar alveg ofsalega að vera með stóru krökkunum í gullfiskaleik.  Þegar heim kemur hendist Eiríkur í næstu útvarpsstöð eða beint í sjónvarpið og dásamar hið nýja Rómarríki.  Sölumaður sambandsins kann ekki að skammast sín þegar hann fullyrðir að Íslendingar fengju bara að fiska sinn fisk í friði fyrir skriffinum og hvalavinum.  Þvílík della og áróður sem þessi launamaður sambandsins ber á borð fyrir venjulegt fólk á Íslandi.

Hann gengur út frá því að fólk sé fífl.  Reyndar er það ekkert skrítið því kappinn umgengst mest fólk úr Samfylkingunni.  En þar eru allir á því að bankakerfið góða, hóst, hóst, sé framtíðin og fiskveiðar gamaldags.  Þessari vitleysu trúa víst margir enn þó kerfið sé komið í þrot og það allt í BOÐI ESB og IMF og hvað þetta allt heitir.  

 
Siðleysi Eiríks er með ólíkindum þegar hann reynir að telja fólki trú um að ESB beri engan ábyrgð á bankakerfi álfunar og þeim hörmungum sem lenda á Íslandi.  Þetta er einmitt allt ESB og vinum hans að kenna.  Fjálst flæði fjármagns er einn af máttarstólpum ESB og EES.  Frjálst flæði er einmitt vinur þeirra sem eiga peningana og það eru í fæstum tilfellum skuldsett heimili og smáfyrirtæki.  ESB gengur út á að setja hamlandi reglur fyrir litla aðila og kostnaðarsamt eftirlitskerfi sem bara alþjóðleg stórfyrirtæki hafa efni á.

Sú staðreynd gerir Eirík að talsmanni stórkapitals og óvini einstaklinga og smáfyrirtækja númer eitt á Íslandi.   

Grimmúðlegt og úthugsað auglýsingabragð

Athugasemdir

[Valsól (IP-tala skráð) 14.10.2008 kl. 02:01]

Ef ég væri hægri maður í dag á Íslandi, þá myndi ég láta það eiga sig að vera kenna okkur hinum hvað er rétt og hvað er rangt pólitískt séð. Það er stefnu Sjálfstæðisflokksins að kenna sem þessi þjóð á nú í vanda, ef við hefðum verið búin að gera eins og Samfylkingin vildi, þ.e. að fara í ESB og taka upp evru þá væri staðan ekki nálægt því eins slæm. Svo má bæta því við, að þó svo þið þessi 40% þjóðarinnar sem hafið haldið þessum frjálshyggjuhugsandi sjálfstæðis mönnum við völd, viljið borga hæstu vexti í heimi og hæsta matarverð, þá höfum við hin ekki beðið um það. Réttast væri að Sjálfstæðisflokkurinn yrði leystur upp með lögum frá Alþingi, enda ekkert nema bæli fyrir spillingu. Það er svo með ólíkindum að halda því fram að Íslenska bankakerfið hafi hrunið út af ESB.

[Páll Jónsson, 14.10.2008 kl. 08:45]

Já þetta er allt fjórfrelsinu að kenna. Við erum aumir kettlingar sem ætti að banna að flytja til annarra landa, stofna þar fyrirtæki og nota peningana sem við græðum þar til að stofna enn önnur fyrirtæki.

Nei fyrirgefðu, þetta  var víst helvítis kjaftæði í þér.

[Gullvagninn (IP-tala skráð) 14.10.2008 kl. 20:40]

er maður nú orðinn sjálfstæðismaður (þvílík markleysa, nafnið á þeim flokki), ef maður er á móti ESB og IMF??