Íslensk tunga dauðadæmd án ESB.

Við verðum bara að viðurkenna að án ESB aðildar getum við ekki lifað af í þessu landi.  Þegur við verðum uppiskroppa með mat og vatn.  Peningalaus og allslaus, hvað ætlum við að gera þá.  Biðja Færeyinga um hjálp eða detta í það með Grænlendingum.

Ég segi nei og aftur nei, ESB aðild mun færa okkur meira af öllu.  Meiri peninga, meiri mat og meiri visku sem á eftir að hjálpa okkur að skilja tilgang okkar innan ESB.  En til þess verðum við að ganga í ESB og meðtaka þau meðöl sem þar eru notuð með góðum árangri.

Í ESB er t.d. engin fjármálakreppa, engin vandamál með gengi, lítil spilling.  Raunar er spillingin svo lítil að mörgum eftirlitsstofnunum þar á bæ leiðist.  Ekkert að gera nema horfa á franskar sjónvarpsmyndir daginn út og inn.  Ef Íslendingar vilja láta fólk með viti stjórna sér og segja fyrir verkum verðum við að ganga í ESB.   

Kom á óvart hvað framkvæmdastjórnin er lítil

Athugasemdir

[Sturla (IP-tala skráð) 9.1.2009 kl. 08:50]

Það hefur verið byggð í þessu landi síðan amk 874 og hér er nóg af vatni og mat þannig að ég held að við þurfum ekki að örvænta hvað það varðar. Og það er vissulega bullandi fjármálakreppa í ESB, ekki jafn stór og hér, en það eru nóg af gjaldþrotunum og atvinnuleysinu. Í ESB var meðalatvinnuleysið um 7% FYRIR kreppuna. Við erum að fríka út hérna á Íslandi vegna þess að atvinnuleysið var að ná 7% í kreppunni.

Persónulega hef ég ekki tekið afstöðu með eða á móti ESB, en ég geri mér hins vegar fullkomlega grein fyrir því að innganga í ESB er enginn töfralausn. 

[Dóra, 9.1.2009 kl. 09:01]

Það endar með að Ísland fer í ESB en hvenær ... hvað þarf að ganga mikið á til þess að þessir þversíupúkar fatti hvað þeir eru búnir að gera þjóðinni...

kærleikur til þín Dóra

[axel (IP-tala skráð) 9.1.2009 kl. 09:37]

Nú skulum við fara að lesa smáa letrið.

[Gullvagninn (IP-tala skráð) 9.1.2009 kl. 10:31]

ég óttast vatnsskortin sérstaklega nema vernd komi til með járnköldu en afar réttlátu reglugerðaverki og fullkomnum eftirlitsstofnunum.

ESB hefur sterabættann eftirlitsvöðva sem bjargar okkur frá rugli, sjá t.d. hvernig þeir meðhöndluðu glæpamenn sem reyndu að pranga gölluðum kiwi ávöxtum inn á sauðheimskann almúgann, sem ekki veit hvað er best fyrir sjálfan sig, en kiwi ávextirnir voru heilum 1 mm of litlir miðað við staðla ESB.

[Þorvaldur (IP-tala skráð) 9.1.2009 kl. 11:18]

Við skulum ganga í ESB þegar það verður vatnslaust á íslandi og við þurfum að fá byrgðir sendar frá Slóvakíu. Við skulum kynna okkur regluverk ESB áður en við fullyrðum á þennan hátt. Innganga í ESB bara á þeim forsendum að hér sé fjármálakreppa og íslendingar eru of óþolinmóðir til að vinna úr sínum málum sjálfir eins og þeir eru oftast vanir (t.d. þorskastríðin og fyrri kreppur) er af og frá.