Þurfum að hugsa um hag ESB

Á tímum samvinnu og Samfylkingar þurfa Íslendingar að horfa framan í sjálfa sig og spyrja.  Hvað getum við gert fyrir ESB.  Svarið er einfalt.  Við þurfum bara að ganga í sambandið og framhaldið kemur sjálfkrafa.  Hættum allri sjálfselsku og hagsmunavörslu og göngum ESB á hönd eins og Ingibjörg Sólbjört vill gera.

 

 

ESB myndi stjórna hafsvæðinu

Athugasemdir

[Muddur, 11.1.2009 kl. 23:59]

Ég er alveg sammála. Þetta er bara bölvuð frekja og sjálfselska í okkur Íslendingum að ætlast til þess að fá að halda í okkar dót, þegar öll hin börnin vilja líka fá að leika sér með dótið okkar. Allir krakkarnir eiga að leika sér saman með allt dótið, það sagði mamma mín allavega. Að vísu kom það nú oft fyrir að stærstu og sterkustu krakkarnir sönkuðu að sér öllu besta dótinu og létu ljóta og lélega dótið til minni krakkanna. Að öllum líkindum myndi það sama gerast hér ef við værum innan ESB, þ.e. að stóru og sterku krakkarnir (aðallega Þjóðverjar og Frakkar) myndu vilja leika sér með okkar dót á meðan við fengjum voða lítið í staðinn, en hey! Svona er nú bara lífið, og við eigum að taka því með bros á vör og láta ekki bugast þó á móti blási, heldur bjóða bara hinn vangann. Alveg eins og Jesú.

[Björn Heiðdal, 12.1.2009 kl. 00:09]

Reyndar held ég að Íslendingar geta orðið að herraþjóð innan ESB.  Fáum allt fyrir ekkert eins og kallinn með hattinn sagði!

[Fannar frá Rifi, 12.1.2009 kl. 00:35]

við verðum að hefja útrás til Brussel. Við getum orðið herrar Evrópu og keypt bara upp alla ESB þingmennina á lánum sem við fáum svo ódýrt þegar við verðum komnir með evruna. því þá fyrst getur banka útrásin hafist og alþjóðlega fjármálamiðstöðin í reykjavík risið.