Kreditkort hf. bulla og mbl.is bullar með.

Í þessari frétt er haldið því fram að Kreditkort hf. sé búið að mýkja og endurskoða allt innheimtuferlið hjá sér!  Þessi er nokkuð góður eiginlega bara helv. góður.  Því ég veit fyrir satt að þetta fyrirtæki hefur hert alla innheimtuferla og það verulega.  Hef reynt það á eigin skinni þó ég borgi alltaf!  Bara ekki áður en ég fæ útborgað.  En þetta fyrirtæki hefur verið ófáanlegt til að breyta því sökum tegundar af korti sem ég er með.  Þjónustulipurðin þegar kemur að einhverju öðru en að hækka heimildina er ekki upp á marga gullfiska.  "Nei, þetta er ekki hægt.", "Þú verður að tala við annan um þetta." o.s.fr. eru þau svör sem ég fæ.  Orðið sveiganleiki er ekki til hjá starfsfólkinu og örugglega ekki hjá þeim sem stjórna þessu fyrirtæki.

Ef ég borga ekki á gjalddaga eða fyrir gjalddaga fæ ég hótun um löginnheimtu alveg um leið.  Fyrir bankahrun tók þetta ferli um tíu daga og ekki var hótað lögfræðingum alveg strax.  Þeir komu í bréfi númer tvö ef ég man rétt.  Sem kom þó bara fyrir einu sinni fyrir þegar ég var ekki á landinu til að borga!  Í dag er bréfið komið 2-4 dögum eftir gjalddaga í lúguna hjá mér.  Manni er ekki gefinn neinn séns til að borga aðeins of seint.  

Ótrúlegt hvað mbl.is lætur nota sig til að ljúga að venjulegu fólki.  Kannski er þetta eitt af því sem rætt var á "leynifundunum" sem DV mátti ekki taka þátt í.  Voru fjölmiðlar þar beðnir um að birta ósannar fréttir til að blekkja almenning?  

„Kreppukortið“ kemur á markað

Athugasemdir

[eyþór (IP-tala skráð) 3.6.2009 kl. 12:53]

þú ert greinilega vanur að vera of seinn að borga þannig ég skil alveg þessa hörðu rukun sem þú hefur feingið . svo er nú ekki erfit að loka kortinu eða hætta nota það á meðan þú borgar þetta upp og svo skifta um tegund af korti . samt má vel vera að þetta sé bara bull frétt enda væri það ekkert nýtt af mbl.is

[Isis, 3.6.2009 kl. 13:27]

Það er nú bara þannig að fyrirtækjum ber samkvæmt lögum að senda út bréf um leið og reikningar hjá því fara á eindaga. helst degi áður, svo það er ekkert undarlegt við það að þú fáir bréf strax....

[Bara ég (IP-tala skráð) 3.6.2009 kl. 13:43]

Ér hef verið í vandræðum sjálfur og ekki getað borgað upp kortið síðan í febrúar og hef ekki mætt neinu nema liðlegheitunum til dæmis er kortið mitt enþá opið þannig að tryggingar og annað borgast þaðan (hef reyndar lagt inn kortið en það var eigið frumkvæði)

Þetta svokallaða "ódýrara" kort skli ég ekki!! Eina sem þeir geta gert ódyrara er ársgjaldið er það ekki? ekki ráða þeir hvað vörurnar kosta :)

[Georg O. Well (IP-tala skráð) 3.6.2009 kl. 20:16]

Þetta er áreiðanlega ekki 'ódýrara' kort, e-kortið var (er?) ókeypis, bara muna að breyta því yfir í að borga alltaf allt (ekki velta), þá fæst endurgreiðsla einu sinni á ári og engin gjöld.

En kreppulausnin er að losa sig við kreditkortið og losa sig úr skuldum með öllum ráðum.  Kreditkort, jafnt sem debitkort auka kostnað fyrir neytendur, því þá kostar að nota þau, ýmist færslugjöld eða prósenta af sölu sem söluaðilar verða að greiða til kortafyrirtækjanna.

[Björn Heiðdal, 3.6.2009 kl. 21:07]

Svona til að árétta þá er ég borgunarmaður fyrir mínum skuldum við Kreditkort hf.  En þar sem ég hef borga alltaf eftir gjalddaga ekki eindaga eins og stendur hér að ofan þá fæ ég núna alltaf rukkunarbréf en fyrir bankahrun fékk ég einstaka sinnum ef greiðsla dróst fram úr hófi. 

Þetta kallar maður hertar innheimtuaðgerðir ekki mýkra innheimtuferli.