Ekki fleiri gagnaver, takk!

Það er komið allt of mikið af þessum gagnaverum.  Álver eru miklu betri valkostur og þau menga líka minna.  Þau skapa fleiri og betri störf ásamt því að borga hærri skatta í ríkissjóð sem ekki veitir af nú á þessum síðustu og verstu.

 

Nýtt gullæði á Íslandi?

Athugasemdir

[joi (IP-tala skráð) 10.10.2009 kl. 12:12]

Eru einhver gagnaver komin yfir höfuð? Hvar eru þau þá?

Þetta gagnaver á Keflavíkurflugvelli er í eigu Björgólfs Þórs, þess hins sama og gat ekki staðið í skilum með afborganir á Landsbankanum. Þess hins sama og keypti Actavis á metfé, tók það af markaði og er fyrirtækið skuldsettasta fyrirtæki á Íslandi í dag. Líklega er það búið að hlaða svo miklum skuldum og kostnaði á sig að ekkert fæst fyrir það í dag umfram skuldir.

Það er nokkuð ljóst að Verne Global er fyrirtæki sem menn ættu að taka með miklum fyrirvara.

Síðan verða menn að skoða stefnu Samfylkingar. Álver á Bakka, í Helguvík, gagnaver hingað og þangað, kísilverksmiðjur, stækkun álvers í Straumsvík..... Allir sem hafa kynnt sér orkumál vita að það er ekki til næg raforka á Íslandi á næstu árum til að drífa þetta allt áfram. Jafnvel þó farið yrði í að virkja Gullfoss og Dettifoss, þá yrðu menn að velja og hafna.

Ég geri nú fastlega ráð fyrir að jafnvel heimskustu samfylkingarmenn myndu nú segja stopp þegar kæmi að Gullfossi og Dettifossi. Og þó, kannski væri það bara eins og að pota prikinu í óðan hund?

[Haraldur Rafn Ingvason, 10.10.2009 kl. 15:36]

Æðisleg framtíðarsýn að binda alla orkuöflunarmöguleika þjóðarinnar í álverum...

[Finnur Bárðarson, 10.10.2009 kl. 17:37]

Úr einu æði í annað æði. Dæmigert Ísland.

[Eðvarð Hlynur Sveinbjörnsson, 10.10.2009 kl. 19:12]

Ekki fleiri gagnaver takk, ekta dæmi um það þegar fólk með enga þekkingu á málunum er að tjá sig á blogginu. Það er ekkert gagnaver á Íslandi eins og staðan er í dag.

[Björn Heiðdal, 10.10.2009 kl. 21:47]

Stóriðjustopp VG gengur ekki lengur.  Þjóðin verður að skíta í lófana og byrja að framkvæma.  Álver eru þær framkvæmdir sem skila mestu og þess vegna ætti ríkið að beita sér fyrir þeim.  Tvö álver í Helguvík og eitt í Reykjavík hið minnsta.