Gamli grautur

20.11.2009 | 07:39

Hagvöxtur 2010 :)

Allar helstu stofnanir heims sem garfa í peningamálum telja að mikill hagvöxtur sé á næsta leyti og bara jafnvel kominn. Á næsta ári verði hjól atvinnulífsins farin að snúast á fullum krafti og árið 2011 verði allir búnir að gleyma hruninu. Þessi speki er síðan matreidd ofan í venjulegt fólk af fjölmiðlum og ríkisstjórn Íslands lofar þessu líka.

OECD, IMF, UN, Alþjóðabankinn, Seðlabanki ESB, Seðlabanki USA, flestir seðlabankar heimsins, aðrir bankar, fjármálaráðherrar Evrópu og annara iðnríkja. Allir lofa hagvexti 2010 og næstu ár þar á eftir! Engar raunverulegar tölur eða hagstærðir gefa þetta samt til kynna heldur þvert á móti. Þó störfum fjölgi í einn eða tvo mánuðu miðað við sama tíma og í fyrra eða tímabundar niðurgreiðslur til bílakaupa í Þýskalandi auki neyslu almennings þá hefur það ekkert að segja til lengri tíma.

Undirstöður þjóðfélaga eru að bresta með ríkisvæðingu á útlánatöpum bankakerfisins. Vel valdir einstaklingar hirða gróðan en flestir tapa og ríkið tapar stórt. Sem þýðir til lengri tíma kerfishrun og eymd fyrir venjulega launamenn. Þetta er að gerast á Íslandi, Bretlandi, USA og fleiri hagkerfum út um allan heim.

Þegar fólk tapar öllu tapar það sér, sagði Gerald Celente framtíðarrýnir. Hann spáir skattaóeirðum í heiminum á næstu árum. Grænu sprotanir sem allir þykjast sjá í garðinum hjá sér eru ekki þar. Heldur blóði drifnar götur og glæpir. Allt sem er vont á eftir að versna en í þessu liggja tækifæri fyrir einstaklinga sem gera sér grein fyrir stöðunni. T.d. á matvælaframleiðsla eftir að færast nær neytendanum og sala á gæðavörum á sanngjörnu verði eftir að aukast.