Gamli grautur

13.12.2009 | 10:22

Fallega fólkið í Brussel

Þegar VG var í stjórnarandstöðu fengu þeir uppnefnið NEI fólkið. Sögðu alltaf nei ef aðrir komu með góðar hugmyndir og voru á móti öllu. Á móti álverum, á móti bönkum og á móti öllu góðu og vel meinandi fólki. Stjórnarflokkarnir á þeim tíma lýstu því yfir að ekki þyrfti að ræða gagnrýni VG því þeir væru bara á móti ÖLLU. Þessi umræða virkaði svo vel að í dag hafa stuðningsmenn ESB tekið hana yfir. Kalla alla þá sem gagnrýna ESB bara NEI fólk sem er á móti öllu og bæta smá skammti af útlendingahatri við.

Málflutningur Moggabloggarans, Ómars Valdimarssonar, er ágætt dæmi um þetta. Hann fer mikinn í pistlum sínum og sakar alla sem hafa efasemdir um ESB um neikvæða afdalamennsku. Í hans huga er dæmið einfalt. Þú tekur þátt í alþjóðasamstarfi með fallega fólkinu eða lokar þig inni með íslenskum rollum sem skíta á þig við öll tækifæri. Ómar er á móti styrkjum til íslenskra bænda. Hann er á móti allri haftastefnu og fylgjandi frjálsum viðskiptum. Hann er líka á móti spillingu og sí gjammandi stjórnmálamönnum.

En hvað mundi blasa við Íslendingum ef Ómari og félögum tækist að opna gullna hliðið í Brussel. 50 prósent af núverandi fjárlögum ESB fara í styrki til bænda en ekki 1 prósent eins og hjá Íslendingum. ESB er með tolla á innflutt matvæli og bannar innflutninng á ferskum kjötvörum. ESB er með fleiri og strangari reglur fyrir atvinnustarfsemi í aðildarlöndum. Evrópuþingið er með 750 sí gjammandi valdalausa stjórnmálamenn sem ekki borga skatt. Rúsínan í ESB endanum er síðan öll spillingin sem þrifst við kjötkatlana í Brussel. T.d. þurfti öll stjórn ESB að segja af sér fyrir nokkrum árum.

Má ég nú frekar biðja um 1% styrki en 50% og 63 þingmenn í stað 750 að ógleymdu 100% völdum í stað 0.5%, kannski.

Flokkur: Bloggar | Breytt s.d. kl. 10:30 | Facebook

Athugasemdir

Afsakið, en er ekki dálítill svipur með þessum manni á myndinni og honum Smeagol

Gunnar Rögnvaldsson, 13.12.2009 kl. 11:31

Mér finnst hann líkari The Grinch.

Björn Heiðdal, 13.12.2009 kl. 21:49

Ómar var ágætur þegar flaug flugvél.

Góður pistill og hárréttur. Ég bý nú í ESB landi, Svíþjóð, og það eru blendnar tilfinningar til ESB í dag. Nú vill meirihluti úr ESB. Algjörlega misheppnað mál.

Í eina skiptið sem öll sænska þjóðin reis upp á móti ESB reglugerðarapparatinu, var þegar það átti að banna snus í Svíþjóð. Það lá við borgarastyrjöld. ESB bakkaði, og Svíar fengu að halda snusinu sem er bannað í öllum öðrum löndum. Reyndar líka á Íslandi.

Harðfiskur gæti t.d. verið bannaður á Íslandi, svið, hákarl og kæst skata yrði úrskurðuð sem hættulegt efnavopn.

það er ekkert mál að dreifa fólksfjölda með að henda á það kæstri skötu...kemur í stað táragass...

Óskar Arnórsson, 20.12.2009 kl. 23:50