Já, já, Ingvi Hrafn :)

Samkvæmt yfirlýsingu sjónvarpsstjóra átti þessi þáttur að vera leðjuslagur fáklæddra frambjóðenda.  Miklu hafi verið tilkostað s.s. leðjubúr, tvær auka myndavélar og hvít baðhandklæði.  Þegar svo annar frambjóðandinn mætti ekki "átti að hætta við þetta allt saman enda ekki boðlegt fyrir fjölskyldufólk að sjá bara einn frambjóðanda veltu sér upp úr drullu."

Aðspurður neitar Ingi Hrafn alfarið þeim ásökunum að standa með öðrum frambjóðandanum.  "Ef svo væri hefði ég einfaldlega tekið viðtal við sjálfan mig og logið einhverju upp á þennan asna."  

Átti að vera skoðanaskipti

Ekkert smá ljótt.

Þetta er kannski ljótasta hús landsins?

JP Lögmenn í turninn við Höfðatorg

Strípuð og stríðshrjáð þjóð.

Það er stríð í gangi sem margir vita ekki af eða vilja ekki vita af.  Fólk lokar augunum, hættir að hlusta á fréttir eða lesa blöðin.  Segir við sjálft sig, þetta lagast á næsta ári.  En af hverju ætti ástandið að lagast.  Á fólk von á verulegri launahækkun, lægra matarverði, ódýrari neysluvarningi eða að lán lækki.

Atvinnuleysi heldur niðri launum.  Lágt gengi heldur verðlagi uppi og dregur úr fjárfestingu.  Vaxtaokur ásamt tregðu banka til að lána lamar síðan alla atvinnustarfsemi og drifkraft þjóðfélagsins.  Þetta eru þær forsendur sem nýja Ísland byggir á.  Þær forsendur sem ráðherrar notast við þegar þeir segja að betri tíð sé á næsta leyti.

Í stríðsátökum er sannleikurinn alltaf fyrsta fórnarlambið.  Þannig er það einnig í þessu stríði sem fagfjárfestar, bankafólk og stjórnmálamenn eru í á móti venjulegu fólki með kennitölur.  Kennitölur sem ekki er hægt að skipta um eða láta gufa upp.  Kúlulánafólkið breyttist í kennitöluflakkara og fremst í fríðu föruneyti fór Þorgerður Katrín.  Hún sagði, ekki hengja mig heldur Steingrím.  Þetta er bara honum að kenna.

Steingrímur sagði, ég er bara í vinnunni minni og get ekki annað.  Allt saman lygi og aftur lygi.  Hér sannast að sannleikurinn er fyrsta fórnarlambið.  Næsta fórnarlamb eru óbreyttir borgarar.  Þeim var gefin gálgafrestur fyrir ári síðan en nú fá hausar að fjúka, lögfræðingaherinn sér til þess.

Sannleikurinn er einfaldlega að ráðandi öfl á hverjum tíma og eigendur banka hugsa eingöngu um sjálfa sig og vini.  Þeir hugsa ekki um hag annara.  Heldur líta á mig sem óvin sem þarf að uppræta með öllum tiltækum ráðum.  

"Óvæntur skortur", ha ha.

Söluaðilar bóluefnisins og vinir þeirra ræða um leiðir til að auka vilja almennings á sprautunni. Besta leiðin, jú, tilkynna um skort.  Það hefur sýnt sig að þá lengjast biðraðir og engin vill verða síðastur.   Þetta er ekki grín.  Hlustið á upptökuna sjálf!

 

 

http://infowars.net/articles/november2009/031109CFR.htm

50 þúsund hafa veikst af inflúensu

CCP eyðileggur æsku Bretlands!

Það verður vart litið undan þeirri staðreynd að tölvuleikir skemma æsku þjóða.  Þeir stuðla að félagslegri einangrun, ofbeldi og trufla matartíma.  Krakkar eru hættir að leika sér saman og sitja bara á rassinum fyrir framan tölvuskjáinn.  Skjótandi hvort annað í hausinn eða keyrandi yfir gamlar konur í Grand Theft Auto. 

Íslenskir bankamenn með Björgólf Thor í fararbroddi fóru rænandi og ruplandi um bankainnistæður aldraðra öryrkja og hjálparsamtaka í Bretlandi.  Ófædd börn eiga eftir að lifa í fátækt vegna Icesave og vildarvina Sjálfstæðisflokksins og Ingibjargar Sólrunar.  Heilu kynslóðirnar fara í ruslið og glæpi.

Það er því eins og að sturta salti í sárið þegar CCP selur óhörðnuðum breskum unglingum tölvuleiki.  Kunna þessir menn ekki að skammast sín.  Vilja þeir bendla íslensku þjóðina enn og aftur við vafasama iðju svo ekki sé meira sagt.  Eitt stærsta vandamál Breta er lélegt uppeldi á börnum sínum.

Fastir matartímar heyra sögunni til og allur agi líka.  Tölvuleikir hafa m.a. stuðlað að þessari þróun og ofbeldisleikir með CCP í fararbroddi eru alveg sérlega hættulegir.  Í sýndarheimum CCP læra krakkar að myrða og drepa hvort annað.  Svindla og stela án réttlætis eða samkenndar.

Ekki meir, ekki meir!

 

 

CCP ræður 180 manns árið 2010

Flensulyf sérstaklega holl fyrir ófædd börn.

Hér er frétt um hollustu H1N1 sprautunnar sem væntanleg kemur í kjölfar frétta um að yfirvöld í nokkrum löndum vari ófrískar konur við að taka hana.

 

By Maggie Fox, Health and Science Editor

WASHINGTON (Reuters) - When pregnant women get vaccinated against flu, their babies are bigger, healthier and less likely to be premature, researchers reported on Thursday.

Flensan í sókn á landsbyggðinni

Er ekki of seint að bólusetja núna?

Samkvæmt fréttum telur yfirdýralæknir, Haraldur Briem, að flensan sé í rénum eða verði það líkalega bráðum.  Svona um það bil sem ég get bólusett mig verður hálf þjóðin dauð eða var þetta kannski bara góð markaðssetning og flensan hættulítil?

Almenn bólusetning í nóvember

Má ég nú biðja frekar um álver!

Tölvuleikir eru hættulegir og skaðlegir heilsu barna.  Þeir draga úr félagsfærni og búa til brenglaða heimsmynd.  Hvort þeir séu hættuminni en sjónvarpið er síðan önnur umræða.  Þeir eru a.m.k. skaðlegri en bækur og snú snú.

Álver eru hins vegar þjóðleg og skaðlaus börnum með öllu.  Þau skemma ekki samverustundir fjölskyldunnar eða trufla matartíma.  Með þetta í huga er forkastanlegt að stjórnvöld leyfi CCP að starfa hér á landi.  Var ekki nóg að leyfa bankamönnum að stela frá gömlu fólk í Evrópu viljum við líka vera þekkt fyrir að eyðileggja æsku þessara þjóða.

Minna CCP og meira ál!

CCP auglýsir eftir starfsmönnum

Fær almenningur að kjósa?

???

 

??

 

?

 

 

Bruton gegn Tony Blair

Helvíti á næsta leyti?

Gerald Celente gefur reglulega út blað sem nefnist The Trends Journal.  Þar stikklar hann á stóru og lýsir því sem hann sér fyrir að gerist á næstu árum.  Í nýjasta tölublaðinu nefnir hann nokkra þætti sem eiga eftir að verða fyrirferðamiklir.

1. Save Haven Contries
2. Whole Health Healing
3. Selective Technology
4. Micro Farming
5. The Greatest Depression

Allt fyrirbæri sem tengjast síðasta atriðinu eða númer fimm.  Gerald vill nefnilega meina að í dag standi Vesturlönd frammi fyrir mestu efnahagsvá síðan svangir mallakútar hættu að æpa á feita hamborgararassa.  Árið 2012 verða þjóðir heims komnar að þröskuldi helvítis.  Stríðsöskur hljóma í eyrum jarðarbúa.  Bandaríkin verði orðin eins og Mexíkó í dag sem verður eins og Kongó.  Kína og Indland verða aftur orðin að þróunaríkjum.  Í stuttu máli verður vaxandi spenna í öllum samskiptum þjóða.

Fólk hættir að velja meira og stærra en í staðin sættir það sig við minna sem gerir sama gagn.  Fólk innan borgarmarka gerist bændur og fer að rækta matinn sinn sjálft.  Það sendir verksmiðjumat fingurinn og hugsar betur um heilsuna.  Fólk tekur líka heildrænt á heilsueflingu, hvað svo sem það þýðir.

Gerald rakkar niður bjartsýni fjölmiðla sem segja að kreppan verði búin á næsta ári.  Hann tekur dæmi með Larry Fink sem stjórnaði 1.3 trilljón dollara vogunarsjóði.  En Larry þessi Fink lofaði fjárfestum sínum að bandaríski hlutabréfamarkaðurinn hefði náð botninum í mars 2008.  Þá stóð hann í 12000 stigum en ári seinna var hann kominn niður fyrir 6600 stig.  Í kjólfar tapsins á Wall Street kom ríkissjóður USA til bjargar og dældi skattpeningum inn í þessa botnlausu hít.  

Of stórir til að fara á hausinn var slagorðið.  Í augum Celente er þetta bara rán um hábjartann dag sem er stjórnað af eigendum bankana.  Enda hafa þeir sína menn á öllum stöðum sem skipta máli,  Fjármálaráðherra, efnahagsráðgjafa o.s.fr. ríkisstjórnar USA.  Máli sínu til stuðnings vitnar hann í Hitler sem skrifaði:

"Í einfeldni sinni fellur fólk oftar fyrir stórri lygi en lítilli lygi, því það skrökvar stundum sjálft en dytti aldrei í hug að búa til stórfelldar lygasögur um eitthvað sem skipti máli.  Þess vegna vegna hvarflar ekki að því að öðrum dytti slíkt í hug.  Jafnvel þótt að staðreyndir málsins lægju fyrir þá ætti það bágt með að meðtaka sannleikann og reyna að finna aðrar skýringar." 

Bloomberg lýsti því yfir að kreppan væri búin þann 5. október 2009.  En þá voru fluttar fréttir af því að þjónustuiðnaðurinn hefði vaxið í fyrsta skipti í heilt ár.  En Gerald segir að þetta sé bara lygi því atvinnulausum hafi fjölgað og nú séu sex umsækjendur um hvert laust starf.  Einnig eru 52% atvinnulausir í aldurshópnum 16-24.  En stóra lygin sem leikur um fjölmiðla er að þetta verði viðsnúningur með atvinnuleysi.  Hlutir fara að ganga betur en allir verða á atvinnuleysisbótum!  Hljómar kunnuglega eða hvað?

Gerald segir að fólk verði að átta sig á að stjórnvöld reyni ávalt að viðhalda völdum eða efla þau.  Bankarnir reyni síðan að hámarka hagnað sinn.  Alveg sama hvaða góðu dygðir þessir aðilar básúni út um allt þá hugsa þeir fyrst og fremst um völd og peninga.  Hagsmunir heildarinnar eru aukaatriði.  Þetta gildi um öll lönd og tímaskeið.  Bara með þessa vitneskju í fararteskinu sé hægt að skilja gjörðir stjórnvalda og hvert stefni.

Í þessu blaði veltir Gerald sér upp úr ást fjölmiðla á dauða Michael Jackson.  Á meðan heimsveldið stendur í ljósum logum kemst fátt annað að en slúður um Paris Hilton, Britney Spears, O.J. Simpson og nú síðast andlát Jaksonar.  "Matur fyrir heilann." er ekki bara samlíking heldur þýðir að fólk sem matar heilann sinn á rusl fréttum hugsar óskýrar hugsanir um eitthvað sem skiptir ekki máli.  Alveg eins og þeir sem borða skyndabita verða feitir og slappir.

Í vangaveltum sínum segir Gerald að Evrópubúar væru allir farnir út á götur til að mótmæla en Bandaríkjamenn væru of feitir og latir til þess.  Héldu að raunveruleikaþættir væru raunveruleikinn og stjórnmálamenn væru að passa upp hagsmuni heildarinnar.  Þessi orð gætu passað við okkur Íslendinga líka.  

Þó bálið brenni glatt verða ennþá staðir og lönd sem hafa það ágætt.  Þetta gefur framtakssömum aðilum tækifæri til að útvega þeim ríku og frægu griðarstaði.  Þegar þú getur keypt þér ríkisborgararétt í öðru landi hvað varðar þig um ástandið í þínu gamla heimalandi.  Hljómar kunnuglega?

Bati í augsýn um mitt ár 2010