Lofar skattalækkunum ef þjóðin samþykkir.

Össur lofaði fréttamönnum að lækka skatta ef Ísland kæmist inn í ESB á mettíma.  Ef þjóðin samþykkti síðan aðild yrðu skattar lækkaðir verulega og kreppan skreppa saman.  Spurður út í væntanlega gjaldtöku og tollahlið í kringum höfuðborgina sagði Össur að sér litist vel á þá hugmynd.  Sérstaklega ef gjaldið væri milljón á bíl því þá væri hægt að lækka skatta og borga allar skuldir Íslands á nokkrum mánuðum.  T.d. myndi tollahlið á Miklubrautinni skila 26.000.000 í kassinn dag hvern.

Eftir árið væri þjóðin skuldlaus og ríkissjóður ætti svo ógeðslega marga peninga að Íslendingar þyrftu ekki borga skatta eða neitt næstu tíu árin.  Sannkölluð velferðarbrú, bætti Össur við.

Á methraða inn í ESB?

Sérstakt klósettgjald á Alþingismenn

Klósettgjald fyrir hvert skipti hefur verið nefnt í tengslum við endurbætur á Alþingishúsinu.  Gjaldið verður innheimt fyrirfram og þeir sem ekki getað borgað þurfa að gera í buxurnar.  Pétur Blöndal sagði að þetta væri góð hugmynd og í anda sjálfstæðisstefnunnar.  Fé án hirðis væri aldrei til friðs.  Jóhanna Sigurðardóttir lagði til að allir landsmenn þyrftu að borga líka fyrir hvert skipti.  Þannig mætti fá lífeyrissjóðina til að fjármagna nauðsynlegar endurbætur á holræsum landsmanna. 

Indriði H. Þorláksson, aðstoðarmaður fjármálaráðherra, sagði að vel kæmi til greina að setja upp eftirlitsmyndavélar við hvert losunarop og sérstakn mæli.  Tryggja þyrfti að persónugreinanleg gögn yrðu meðhöndluð af fagfólki.  Indriði sagði að fjöldi fólks gæti fengið vinnu við eftirlit og viðhald á myndavélakerfinu.  Þannig mætti draga úr atvinnuleysi og stuðla að auknum hagvexti.

 

Hugmyndir um vegtolla

Fjárglæframenn vilja hingað!

Gylfi Magnússon lýsti yfir ánægju með þann mikla áhuga sem ýmsir bankar og fjárfestingasjóðir sýndu landinu um þessar myndir.  Mikilvægt skref í að laða að erlent fjármagn væri samstarf Íslands og AGS.  Þannig skapaðist ákveðinn trúverðuleiki sem hvorki hann né hrunið bankakerfi gætu veitt.  Gylfi sagði að þessir aðilar hefðu áhuga á að kaupa fasteignir, orkufyrirtæki og skuldir landsmanna á þeim góðu kjörum sem í boði væru.

 

Erlendir bankar með áhuga á Íslandi

Hrun krónunnar og óðaverðbólga á næsta leyti?

Erlendar skuldir þjóðarbúsins (ríkið+allir aðrir) eru nálægt sex þúsund milljörðum.  Hér er um að ræða skuldir sem flestar bera vexti.  Þá þarf að borga nema hvað og það kostar þjóðarbúið gjaldeyri.  Margir erlendir sérfræðingar hafa lýst því yfir að í raun sé Ísland gjaldþrota.  Það ráði hreinlega ekki við að borga þessa vexti og þá ekki heldur afborganir af höfuðstól.  Til þess þurfi innflutningur hreinlega að leggjast af með tilheyrandi gjaldþrotum og fátækt.

En hvað segja ráðamenn landsins.  Já, þetta er raunveruleg hætta sem þarf að bregðast við?  Nei, þeir segja bara sama og fyrir bankahrunið.  Þetta er allt í lagi og gæti ekki verið betra!  Jóhanna og Samspillingin halda áfram að ljúga og Steini stuð bullar með.  Guð hjálpi okkur öllum eða var það Guð blessi Ísland?

Tólf mánaða verðbólga tæp 10%

Ég skráði Jóhönnu í Sjálfstæðisflokinn.

Eftir allt gjammið í heilagri Jóhönnu um ást, lýðræði og ESB ákvað ég að skrá hana í Sjálfstæðisflokinn.  Þar getur hún tekið þátt í að mynda bandalög með óvinum Davíðs og haft raunveruleg áhrif á stefnu flokksins.  Tekið til máls á landsfundi flokksins og stýrt hópavinnu um réttindi blökkufólks.  Hún gæti jafnvel séð um veitingarnar ef hún er í stuði.

Með sína reynslu væri hún líka tilvalin í starf framkvæmdastjóra flokksins.  Séð til þess að allir borgi reikningana sína.  Gengið milli fyrirtækja og sníkt pening fyrir hverjar kosningar.  Því Jóhanna kann sko betur á símann en margur annar í flokknum.  

Nú kann einhverjum að þykkja þessi ráðstöfum hjá mér ólýðræðisleg og ekki sjálfgefið að hæstvirt Jóhanna taki þessu mjög vel.  Við þá vil ég segja að ráðgefandi þjóðaratkvæðagreiðsla kæmi vel til greina.  Þá fengist úr því skorið á lýðræðislegan hátt hvort þessi ráðstöfum væri í lagi eða ekki.

Ég var svo ánægður með þetta framtak hjá mér að ég pantaði eina pizzu með pepperoni og skinku.  Þegar kom að því að borga bað ég um að reikningurinn yrði sendur heim til Jóhönnu.  Henni er síðan auðvitað velkomið að biðja um þjóðaratkvæðagreiðslu um hvort hún þurfi að borga pizzuna.

 

Aukið samstarf smærri aðildarríkja mikilvægt

Svíar vilja frekar Albani en Íslendinga.

Á Norðulandaþingi í dag sagði Fredrik Reinfeldt, forsætisráðherra Svía, að þrátt fyrir allt stæði Íslendingum enn til boða að ganga í sambandið.  Íslendingar væru vel menntuð þjóð með miklar auðlindir.  En þrátt fyrir þessi fögru orð vildi Reinfeldt frekar fá Albani inn með hraði en íslenska þjófa.  Íslendingar yrðu að greiða skuldir sínar við alþjóðasamfélagið með vöxtum og vaxta vöxtum áður en til endanlegrar afgreiðslu kæmi.

 

Fagnaði ESB-umsókn Íslands

Hvað sagði Hitler.

"Í einfeldni sinni fellur fólk oftar fyrir stórri lygi en lítilli lygi, því það skrökvar stundum sjálft en dytti aldrei í hug að búa til stórfelldar lygasögur um eitthvað sem skipti máli.  Þess vegna vegna hvarflar ekki að því að öðrum dytti slíkt í hug.  Jafnvel þótt að staðreyndir málsins lægju fyrir þá ætti það bágt með að meðtaka sannleikann og reyna að finna aðrar skýringar."

Stúdera menn Hitler hjá ÁSÍ?

Botni náð í byrjun næsta árs

Framtíðarsýn sjáanda

Gerald Celente gefur reglulega út blað sem nefnist The Trends Journal.  Þar stikklar hann á stóru og lýsir því sem hann sér fyrir að gerist á næstu árum.  Í nýjasta tölublaðinu nefnir hann nokkra þætti sem eiga eftir að verða fyrirferðamiklir.

1. Save Haven Contries
2. Whole Health Healing
3. Selective Technology
4. Micro Farming
5. The Greatest Depression

Allt fyrirbæri sem tengjast síðasta atriðinu eða númer fimm.  Gerald vill nefnilega meina að í dag standi Vesturlönd frammi fyrir mestu efnahagsvá síðan svangir mallakútar hættu að æpa á feita hamborgararassa.  Árið 2012 verða þjóðir heims komnar að þröskuldi helvítis.  Stríðsöskur hljóma í eyrum jarðarbúa.  Bandaríkin verði orðin eins og Mexíkó í dag sem verður eins og Kongó.  Kína og Indland verða aftur orðin að þróunaríkjum.  Í stuttu máli verður vaxandi spenna í öllum samskiptum þjóða.

Fólk hættir að velja meira og stærra en í staðin sættir það sig við minna sem gerir sama gagn.  Fólk innan borgarmarka gerist bændur og fer að rækta matinn sinn sjálft.  Það sendir verksmiðjumat fingurinn og hugsar betur um heilsuna.  Fólk tekur líka heildrænt á heilsueflingu, hvað svo sem það þýðir.

Gerald rakkar niður bjartsýni fjölmiðla sem segja að kreppan verði búin á næsta ári.  Hann tekur dæmi með Larry Fink sem stjórnaði 1.3 trilljón dollara vogunarsjóði.  En Larry þessi Fink lofaði fjárfestum sínum að bandaríski hlutabréfamarkaðurinn hefði náð botninum í mars 2008.  Þá stóð hann í 12000 stigum en ári seinna var hann kominn niður fyrir 6600 stig.  Í kjólfar tapsins á Wall Street kom ríkissjóður USA til bjargar og dældi skattpeningum inn í þessa botnlausu hít.  

Of stórir til að fara á hausinn var slagorðið.  Í augum Celente er þetta bara rán um hábjartann dag sem er stjórnað af eigendum bankana.  Enda hafa þeir sína menn á öllum stöðum sem skipta máli,  Fjármálaráðherra, efnahagsráðgjafa o.s.fr. ríkisstjórnar USA.  Máli sínu til stuðnings vitnar hann í Hitler sem skrifaði:

"Í einfeldni sinni fellur fólk oftar fyrir stórri lygi en lítilli lygi, því það skrökvar stundum sjálft en dytti aldrei í hug að búa til stórfelldar lygasögur um eitthvað sem skipti máli.  Þess vegna vegna hvarflar ekki að því að öðrum dytti slíkt í hug.  Jafnvel þótt að staðreyndir málsins lægju fyrir þá ætti það bágt með að meðtaka sannleikann og reyna að finna aðrar skýringar." 

Bloomberg lýsti því yfir að kreppan væri búin þann 5. október 2009.  En þá voru fluttar fréttir af því að þjónustuiðnaðurinn hefði vaxið í fyrsta skipti í heilt ár.  En Gerald segir að þetta sé bara lygi því atvinnulausum hafi fjölgað og nú séu sex umsækjendur um hvert laust starf.  Einnig eru 52% atvinnulausir í aldurshópnum 16-24.  En stóra lygin sem leikur um fjölmiðla er að þetta verði viðsnúningur með atvinnuleysi.  Hlutir fara að ganga betur en allir verða á atvinnuleysisbótum!  Hljómar kunnuglega eða hvað?

Gerald segir að fólk verði að átta sig á að stjórnvöld reyni ávalt að viðhalda völdum eða efla þau.  Bankarnir reyni síðan að hámarka hagnað sinn.  Alveg sama hvaða góðu dygðir þessir aðilar básúni út um allt þá hugsa þeir fyrst og fremst um völd og peninga.  Hagsmunir heildarinnar eru aukaatriði.  Þetta gildi um öll lönd og tímaskeið.  Bara með þessa vitneskju í fararteskinu sé hægt að skilja gjörðir stjórnvalda og hvert stefni.

Í þessu blaði veltir Gerald sér upp úr ást fjölmiðla á dauða Michael Jackson.  Á meðan heimsveldið stendur í ljósum logum kemst fátt annað að en slúður um Paris Hilton, Britney Spears, O.J. Simpson og nú síðast andlát Jaksonar.  "Matur fyrir heilann." er ekki bara samlíking heldur þýðir að fólk sem matar heilann sinn á rusl fréttum hugsar óskýrar hugsanir um eitthvað sem skiptir ekki máli.  Alveg eins og þeir sem borða skyndabita verða feitir og slappir.

Í vangaveltum sínum segir Gerald að Evrópubúar væru allir farnir út á götur til að mótmæla en Bandaríkjamenn væru of feitir og latir til þess.  Héldu að raunveruleikaþættir væru raunveruleikinn og stjórnmálamenn væru að passa upp hagsmuni heildarinnar.  Þessi orð gætu passað við okkur Íslendinga líka.  

Þó bálið brenni glatt verða ennþá staðir og lönd sem hafa það ágætt.  Þetta gefur framtakssömum aðilum tækifæri til að útvega þeim ríku og frægu griðarstaði.  Þegar þú getur keypt þér ríkisborgararétt í öðru landi hvað varðar þig um ástandið í þínu gamla heimalandi.  Hljómar kunnuglega?

 

 

 

 

Spáði fyrir um kreppuna árið 2001

Sjálfstæðismenn bulla.

Eftir að hafa hlustað á Bjarna Ben, Þorgerði Katrínu og fleiri spillingarpésa verð ég bara að segja eitt.  Þetta fólk er gjörsamlega veruleikafirrt og illa meinandi.  Þau hafa bæði sagt að Icesave sé eitt versta böl þjóðarinnar og þeim dytti ekki í hug að samþykkja svona vitleysu.  Þó gerðu þau það bæði á sínum tíma með bros á vor þegar díllinn var mun lélegri.  Stóra vandamálið í dag er samt ekki Icesavesamkomulagið við Breta og Hollendinga heldur að VG tali ekki EINNI RÖDDU!  Partur af VG er í stjórnarandstöðu sem rýrir trúverðuleika ríkisstjórnarinnar.  Fólkið sem er sammála þeim að AGS sé að kúga þjóðina ásamt Bretum og Hollendingum er vandamálið!

Hvaða helv. fífl heldur Þorgerður og Bjarni Baun að Íslendingar séu.  Ef eitthvað væri að marka spillingarpésana hefðu þau gagnrýnt þá sem vilja samþykkja Icesave nú en ekki þá sem eru "sammála" þeim og á móti.  

Gera þarf róttæka breytingu á efnahagsáætlun AGS

Kosningabarátta Samfylkingarinnar hafin.

Eitthvað hefur textinn við þessa frétt skolast til en hér kemur réttur texti.

"Við erum ánægð með hvernig til tókst.  Þetta vakti tilætlaða athygli," segir Steinun Þórhallsdóttir, sem situr í stjórn Samfylkingarinnar fyrir Hlíðar, Holt og Norðurmýri er stóð fyrir mótmælum við Miklubraut í dag.  

Stjórnarmenn í Samfylkingunni stöðvuðu síðdegis umferð á Miklubraut í um átta mínútur með því að strengja borða yfir Miklubrautina og senda bílstjórum puttann.  Á borðanum átti að standa: "Verum góð og borgum Icesave.  Hærri skattar, meiri lífsgæði." En sökum tæknilegra mistaka stóð annar texti á borðanum.

Steinun vildi meina að rangur texti hefði ekki skemmt fyrir því bílstjórarnir hefðu hvort sem er blótað og bölvað henni í sand og ösku.  Einn reyndi meira að segja að keyra yfir hana á nagladekkjum.  "Nagladekk eru hættuleg og alveg sérstaklega ef mótmælendur lenda undir þeim." Sagði Steinun.

Að sögn Steinunnar er tilefni mótmælanna að gefa fréttamönnum tækifæri til að fjalla um eitthvað jákvætt sem er að gerast í Reykjavík.  

 

Íbúar mótmæltu svifryksmengun