Bush, Pútin og herra Chavez.

Alveg merkilegt hvað þú ert sofandi!  Þessir þrír kallar hafa sömu markmið handa sér og sínum.  Algjör völd yfir þegnum landa sinna.  Það sem herra Chavez er að gera í Venesúela er Bush og vinir að dunda sér við heima í Washington. 

Chavez er með rauðu varðliða sína sem eru vopnaðir og til að fórna lífi sínu fyrir forsetan.  Bush er með Blackwater tilbúna til að bæla niður uppreisnir og skjóta á alla "hryðjuverkamenn".  Chavez og Bush hafa líka herinn á bakvið sig.  En það er betra að hafa fleiri möguleika því stundum óhlýðnast hermenn. 

Öll þessi ríki eru á góðri leið með að verða að fasistaríkjum.  Öllum þessum köppum leiðist stjórnarandstaða.  Pútin á ekki í neinum vandræðum með að lemja á andstæðingum.  Chavez finnst það líka bara vera partur af prógramminu.  En herra Bush er víst stórtækastur í þessum skeppnuskap þú bara færð ekkert að vita af því. 

Bush og Dick hafa breytt eðli og inntaki stjórnarskrár USA.  Með svokölluðum Patriots Acts og breyttri stjórnaskrá hefur forseti Bandaríkjanna mun meiri völd en hann hafði áður.  Hann getur tekið sér alræðisvald af minnsta tilefni.  Tilefnið þarf ekki einu sinni að vera innan landamæra USA!

Rússland hefur aldrei verið lýðræðisland og þess vegna skipta aðfarir Pútins okkur litlu.  En öðru máli gegnir um Bandaríkin.  Þau hafa frá stofnun verið útvörður frelsis og einstaklingsframtaks.  Þangað sækjum við okkur fyrirmyndir og viljum líkjast þeim sem mest.  Samkvæmt konu að nafni Naomi Wolf, gyðingur vopnuð krítarkorti og mikilli þekkingu, þá eru Bandaríkin að breytast í fasista ríki.

Hún heldur því fram að þegar fasistar komast til valda í "lýðræðisríkjum" þá séu alltaf sömu 10 skrefin notuð til að sölsa undir sig allt vald.  Sér til mikillar hrellingar eru Bandaríkin á góðri leið með klára þessi 10 skref.  Eitt þessara skrefa er tilkoma vopnaðra sveita sem heyra beint undir "valdaræningjana".  Naomi vill meina að nýlegur samingur Bush við Blackwater um löggæslu innan landamæra Bandaríkjanna sé partar af þessu.

Annað skref sem hún nefnir eru svartir listar sem stjórnvöld halda utan um.  Þar sem allir gagnrýnendur og andstæðingar stjórnvalda eru settir.  Svona listar eru síðan notaðir til að koma í veg fyrir að viðkomandi sé óvart ráðin í einhverjar stöður, til að meina sumum að fara úr landi og margt fleira skemmtilegt.

Ég vissi af svona listum sem Bandaríkjamenn nota til að meina öllum sem heita Múhammed að koma til landsins.  En Naomi segir að listin sé miklu víðtækari og á hann séu allir settir sem gagnrýna Bush og félaga.  Hún er t.d. á þessum lista og í hvert skipti sem hún þarf að fljúga er merkt við hana sem sérstaklega hættulegan farþega!  Lítil gyðingakona sem skrifar bækur og tilheyrir háskólasamfélaginu.   

Naomi Wolf og Bin Laden eru á sama lista!  Þetta er ekki grín þó þú sért að hlæja núna.  Eftir 11. september 2001 er bandaríska ríkisstjórnin farin að setja menntamenn, listamenn, verkalýðsleiðtoga, kvikmyndastjórnur, fréttamenn og þáttastjórnendur á svartan lista.  Ef einhver segir múkk og mótmælir hægfara valdaráni Bush og félaga eiga þeir og fjölskyldur þeirra von á að lenda á svarta listanum.

Hún tekur dæmi um stríðshetjur og sérfræðinga í stjórnarskrá Bandaríkjanna sem hafa lent á listanum góða og ekki bara þeir heldur fjölskyldur þeirra. 

Naomi nefnir líka tilkomu leynifangelsa sem eitt af þessum tíu skrefum.  Þau byrja smátt en þenjast síðan út eftir því sem fleiri og fleiri eru skilgreindir sem óvinir ríkisins.  Í Þýskalandi Hitlers voru það fyrst bara hommar, kommar, Sígunar og Gyðingar sem fengu gistingu á þessum leynihótelum.  En eftir því sem á leið voru það bara allir sem voru á móti.

Eitt skrefið er síðan lögleiðing pyntinga.  Hver hefur ekki heyrt talað um leynifangelsi og pyntinar á föngum sem part af svokölluðu stríði gegn evil-doers sem bush talaði fyrst um í ræðu fyrir nærri sex árum.  Öll skrefin sem Naomi nefnir eru nánast búin það þarf bara eina hryðjuverkaáras í viðbót og Bandaríkin sem okkur hefur þótt vænt um verða send á öskuhauga sögunnar.   

 

http://www.youtube.com/watch?v=RjALf12PAWc

 

Kjörstaðir opnaðir í Moskvu

Gervisprengjur og Latibær

Íslenska útrásin heldur áfram eða ætti maður að segja innrásin í Kanada í þessu tilviki.  Það er mjög líklegt að þetta mál verði fyrirferðamikið í Kanadískum fjölmiðlum.  Saksóknari reynir sennilega að fá hámarks refsingu handa þessum hæfileikaríka íslenska listamanni.  Á seinni stigum málsins mun síðan Ólafur forseti vor blanda sér í þetta mál og biðjast vægðar fyrir hönd allra íslenskra listanema.  Ef Þórarinn lendir síðan í fjögra ára fangelsi þá getur hann litið á þá lífsreynslu sem part af þessum gjörning.  Er ekki lífið dásamlegt þegar Ísland er á allra vörum fyrir gervisprengjur og Latabæ.  

Getur búist við 4 ára fangelsi

http://www.vald.org

http://www.vald.org

Versti mánuður í Kauphöllinni

Voða leiðinleg mistök.

Þurfti ekki CNN líka að biðja forseta Írans afsökunar fyrir ranga þýðingu á orðum hans?  Alveg rosaleg mistök eða hitt og heldur.  Síðan ruglaði einn af aðalköllunum á CNN Obama forsetaframbjóðenda saman við Osama bin Laden.  Alveg voða leiðinlegt.

 

CNN biður Chavez afsökunar

Er Garrí Kasparov nýnasisti?

Ég veit ekkert um það en ef stjórnvöld telja að þau þurfi að stoppa Kasparov hljóta þau að hafa góða ástæðu.  Ef hann var að óhlýðnast yfirvöldum getur það varla verið til eftirbreytni eða hvað.  Hvað ef ég skipulegði mótmæli fyrir framan Alþingi og lögreglan segði að ég mætti mótmæla öllu sem ég vildi upp á Akranesi eða í Grafarvogi.  En fyrir framan Alþingi mætti ég ekki vera með læti.  Ef ég síðan tæki ekki mark á yfirvöldum og mótmælti samt fyrir framan Alþingi.  Síðan væri ég tekin fastur fyrir að sinna ekki tilmælum lögreglu.  Væri líklegt að bandaríski sendiherran á Íslandi færi að mótmæla þessu.  Varla og sennilega væri hann sá sem reddaði íslensku lögreglunni þjálfun í hópstjórnun eða hvað það nú heitir þegar lögregla lemur saklausa borgara og gefur þeim táragas að borða.

Bandaríkin gagnrýna Rússa

Þetta skaltu lesa, sjálf framtíð barna þinna er að veði!

Í fréttinni segir að ólíklegt sé að hærra verð fáist síðar!  Til hvers er verið að kaupa þetta drasl?  Á virði félagsins þá bara eftir að lækka.  Munu "umhverfisvænir" orkugjafar lækka í verði á sama tíma og olía hækkar og hækkar.  Ég held að þarna sé verið að selja eigur almennings á lágu verði til fyrverandi ráðherra og ráðamanna á Filippseyjum.  Svona svipað og þegar bankar eru seldir Finni Ingólfs eða einokunarfyrirtæki einkavædd.

Á heimasíðu First Gen Corp kemur fram að margir sem eru í stjórn þess hafi reynslu af lagningu "toll road".  Sem í stuttu máli þýðir að þessir aðilar eru að leggja vegi og rukka fyrir notkun.  Þetta eru því gaurarnir sem eiga malbikuðu vegina á Filippseyjum.  Er ekki verið að tala um einkaframkvæmdir í vegamálum hér á Íslandi.  Var ekki síðan frétt um að EU ætlaði að skylda alla bílaframleiðendur að hafa GPS tæki í bílum.  

Síðan er sagt að þessi vöktun sé fyrst og fremst til að bæta öryggi og gögnin verði ekki notuð til að fylgjast með ferðum fólks.  Bara blekking handa auðtrúa almenningi.  Auðvitað verður fylgst með þér og þér síðan sendur reikningur frá Jóni Ásgeiri, Björgúlfi Thor eða Finni Ingólfs sem eiga vegina, vatnið og rafmagnið sem þú notar.  Og mundu að samkeppnin verður alveg rosaleg, þjónustan frábær og verðið miklu lægra en í dag. 

Græðgi er ekki gæði heldur böl. 

Fákeppni er ekki samkeppni.

Einokun er þjófnaður.

Amen. 

Íslenska tilboðið það hæsta í filippseyska orkufyrirtækið

Dómsdagur nálgast, hvað verður um Jón Ásgeir?

Ekki ætla ég að gera lítið úr raunum hellabúanna.  Það dettur mér bara alls ekki í hug en þeirra bíður sæluvist á himnum.  Því sælir eru fátækir og fara beint til himna en ríkt fólk á ekki séns.  Þeirra bíður eilífð vist í helvíti þar sem hverirnir frjósa og Finnur Ingólfsson sér um allt skemmtanahald.  Helvíti er vondur staður og allt annað er miklu betra.  Hvernig skyldi nú standa á því að margt ríkt fólk keppist nú við að lengja lífdaga sína með heilsuátaki, hollu mataræði og gjöfum til vísindamanna sem lengja lífdaga rotta og annara kvikinda. 

Við sem minna eigum þurfum ekki að óttast helvíti því okkar er mátturinn og dýrðin.  Eilíf himnavist er skammt undan og því skulum við segja upp vinnu okkar, slá lán og lifa eins og milljarðamæringar fram á næsta vor.  Söfnum skuldum, sukkum og höldum flottari veislur en Jón Ásgeir þanning verðum við alveg gulltryggð með himnavist.  Amen.

 

Dómsdagssöfnuður bíður eftir heimsendi ofan í helli

Nokkrar pissumyndir í viðbót.

 

 

 

 

 

  

 

Sprænir í tebolla til að auglýsa London

Moggabull, Morgunblaðið lætur nota sig.

Hvenær ætla Moggamenn að hætta að spúa bandarískum lygum og hatri yfir saklausa lesendur Morgunblaðsins.  Þetta minnir mann bara á gereyðingavopn Saddams.

Segir Írana viðbúna árás

Musharraf leppur Bandaríkjanna?

Þessi geðugi kall hefur alltaf virkað á mig eins og afi gamli.  Alltaf tilbúinn að gera gott úr öllu og aðstoða fólk í neyð.  En samt tilbúinn að taka erfiðar ákvarðanir þegar á þarf að halda.  Í dag virðist Musharraf vera að missa tökin á stjórn mála og þessar fréttir um stöðuga fundi með fulltrúa Bush fylla mig áhyggjum.  Ef Bush og félagar halda að það að senda Bútto til Pakistans annað hvort til að hjálpa Musharraf eða taka við af honum munu leiða til stöðugsleika eru þeir á algjörum villigötum.  Búttó er talin gjörspillt og það eru bara nokkrar milljónir sem styðja hana en Pakistan er ein fjölmennasta þjóð heims. 

Árið 2003 var Bhutto og eiginmaður hennar dæmd fyrir að taka við mútum frá tveimur svissneskum fyrirtækjum.  Eiginmaður hennar er líka sakaður um að hafa keypt hús í Bretlandi fyrir ólöglegt fé, húsi sem hann hefur alltaf neitað að eiga þangað til nú nýlega.  Síðan er frú Búttó líklega tengd ólöglegum viðskiptum við Saddam Hussein.  Svokölluð matur fyrir olíu viðskipti sem Sameinuðuþjóðirnar héldu utan um.  En það mál hefur Bush notað m.a. sem afsökum fyrir að ráðast inn í Írak og tala illa um ríkisstjórnir sem vorum honum ósammála um innrásina.  

Ef Bhuttó var flækt í stærsta spillingarmál sem Sameinuðuþjóðirnar hafa lent í þá er nokkuð ljóst að hún er leppur Bandaríkjanna.  Því Bush og Dick geta hvenær sem er kippt teppinu undan henni. 

Bandaríkjamenn reyna að sætta Musharraf og Bhutto