Nektarmyndir af Birni Bjarnasyni dómsmálaráðherra

Ég rakst á nokkrar myndir af Birni Bjarnasyni eða ég held allavega að þær séu af honum á netinu.  Tilefnið er náttúrulega þessi glæsilega frammistaða hans í að skipa aðstoðarmann sinn og son fyrrverandi einræðisherra yfir Íslandi í embætti dómara.  Það verður náttúrlega að teljast hið besta mál að hafa vini og vandamenn í dómarastöðum. 

En hér kemur besta myndin sem ég fann af Bjössa á netinu:

 Hér er einnig mynd sem ég fann af Þorsteini Davíðssyni:

Hvað fram fór þarna á milli veit ég ekki en allavega var þessi mynd tekin í útlöndum.

 

Mistök, ha ha!

Ingibjörg er bara eitthvað rugluð, þetta voru engin mistök.  Svona virkar kerfið hjá Bush og vinum og virkar bara fínt. 

Mál Erlu Óskar vekur athygli

Þú næst!

Til að koma í veg fyrir að vera tekin fyrir of hraðan akstur er best að keyra á 20-50km undir hámarkshraða.  Ég keyri t.d. á bilinu 5-35km á Miklubraut og í Þingholtinum.  Einu sinni var ég reyndar stoppaður af löggunni fyrir að taka fram úr reiðhjóli en það leystist sem betur fer með vænni sektargreiðslu.  Í dag passa ég mig alltaf að keyra hægar en reiðhjól svo ég lendi ekki aftur í þessari óskemmtilegu reynslu.

 

 

Hraðasektirnar fleiri en ökumennirnir

Opið bréf til George Bush.

Kæri Bush

Mér þykir alveg svakalega vænt um þig og þú ert alveg frábær.  Hvernig þú stendur þig í stykkinu og passar upp á bandarískan almenning er alveg til fyrirmyndar.  Mikið vildi ég óska að þú kenndir Birni Bjarnasyni hvernig á að koma upp gagnabönkum og eftirlitskerfum til að passa upp á frelsið sem okkur er svo öllum dýrmætt.  

En frelsi, fegurð og mannréttindi eru jú einmitt kjarninn í stefnu þinni í öllum málum.  Stríð til að frelsa kúgað fólk, stríð til að gera fólk fallegra og fleiri stríð til að tryggja að allir hafi sömu mannréttindi hvar sem er í heiminum.  

Hvort við erum hvít, svört, gyðingar, múslimar eða bara frá besta landi í heimi, Íslandi, þá eiga allir rétt á dvöl í bandarísku fangelsi.  Allir eiga rétt á líkamsleit og læknisskoðun við komuna til Bandaríkjanna.  Allir eiga líka rétt á yfirheyrslum á sínu eigin tungumáli.  Allt þetta hefur þú barist fyrir frá fyrsta degi.

Fyrir hönd íslensku þjóðarinnar vil ég þakka þér fyrir allt þetta góða sem þú hefur gefið okkur í skóinn.  Ég vil þakka þér fyrir að hafa ekki ráðist inn í landið okkar fyrir mistök og fölsuð sönnunargögn.  Þetta með írak er náttúrlega bara smá æfing fyrir það sem koma skal en ég lofa að segja ekki neinum frá því.

Þín leyndarmál eru í öruggum höndum hjá mér.  Ég lofa að segja ekki neinum frá því að þú og vinir þínir vilja draga úr borgaralegum réttindum.  Efla njósnir með almennum borgurum og ráða óhæfa kunningja í öll opinber embætti sem losna.  Skerða ferðafrelsi með hertum lögum og drápum á saklausum borgurum óvart.  Allt þetta og meira til þarf engin að frétta.

Ég vona bara að þú aðstoðir Björn okkar Bjarnason til að koma upp almennilegu eftirlitskerfi hér á Íslandi svo við getum passað upp á okkur sjálf.  Við vitum nefnilega ekki hvernig best er að berjast við þessa hryðjuverkamenn sem eru víst á leiðinni í þessum töluðum orðum.  En svona íslensk leyniþjónusta með Stasi/CIA gagnabanka gæti hjálpað okkur mikið. 

Við gætum haldið utan um alla sem fá vafasamar bækur lánaðar á bókasöfnum.  Séð hverjir eru ósammála stjórnvöldum og hvað þeir borða.  Síðan gæti greiningardeild ríkisins látið starfsbræður sína í þínu landi vita og svo mætti bara handtaka þessa hryðjuverkjamenn og senda þá úr landi til Kúbu í sólina.  En eins og þú veist eða veist ekki þá dreymir alla Íslendinga um að komast í sólina ólíkt arabískum starfsbræðum sínum.

 

Kær Kveðja,

Björn 

Mál Erlu til rannsóknar

Dapur endir á frægðarför.

Gordon Brown eða Brúnki eins og ég vil kalla hann er syndandi í sama skítnum og Tony Blair.  Ekkert gengur og lítill árangur.  Brúnki mælir árangurinn í fjölda hermanna sem ekki látast.  Þvílík della og sýnir hversu veruleikafirrt breska stjórnin er með Brúnka í brúnni.  Shit happens eða þannig.

Brown í óvænta heimsókn til Íraks

Ríkisstarfsmönnum er ekki teystandi!

Þetta vita allir Alþingismenn sem eru líka ríkisstarfsmenn.  Þeir vita að þeir eru óhæfir til að fara með peninga annara rétt eins og starfsmenn heilbrigðiskerfisins.  Þess vegna er best að leggja Alþingi niður og koma á fót einræðisstjórn sem sækir vald sitt til síns sjálfs og flokkast þess vegna ekki undir ríkisstarfsmenn.  Bara með því að einkavæða allt saman er hægt að spara alvöru upphæðir fyrir ríkið.  Leggjum ríkið niður í núverandi mynd og spörum peninga.

 

VG: Einkavæðing heilsugæslu framundan

Þú vildir ekki vinna í Kína!!

Þetta er bara fyndið að halda því fram að starfsfólkið sem framleiðir vörurnar sem þessi íslensku fyrirtæki eru að selja hafi það gott.  Það hefur hvorki í sig né á eftir að hafa borgað skatta og skyldur til yfirvalda.  Ég skora á alla sem eru að selja dót og gallabuxur að kynna sér þessi mál eða bara halda kjafti í staðin fyrir að ljúga að kaupendum hér á Íslandi.

Svo mætti nú Baugur alveg hætta að styrkja svokallað landrán og fjöldmorð Ísraela á litlum voða sætum aröbum.  Hættið að versla í verslunum Baugs því það jafngildir stuðningi við óbreytta stefnu Ísraela á svokölluðum sjálfsstjórnarsvæðum Palenstínuaraba.  Sem eru varla neitt annað en stórt fangelsi.

 

Varhugaverðar vörur

Coca Cola jafn óhollt og sígarettur?

Það eru flestir sammála um að Coke sé verulega óhollur drykkur.  Dagleg neysla hans leiðir til sykursýki sem getur leitt til blindu, aflimunar og síðan dauða.  Neysla Coca Cola er varsöm og ætti undir öllum kringumstæðum að vera í samráði við heimilislækni.  Sennilega er Coca Cola hættulegra en sígarettur og margt ólöglegt dóp. 

Hvernig stendur á því að þegar Dagfinnur dýralæknir er orðinn borgarstjóri skuli honum detta í hug að leyfa slíka dauðalest.  Hann ætti að banna þennan ófögnuð og leyfa frekar ávaxtabílnum með Latabæ í eftirdragi að aka um götur borgarinnar.  Eins og allir ættu að vita þá varð Coca Cola fyrst vinsælt út um allan heim og á Íslandi líka í Síðari heimstyrjöldinni.  

Þá var Coca Cola skilgreint sem ómissandi hluti af stríðinu og með því losnaði eigandi Coca Cola undan sykurskömmtun.  Coca Cola gerði venjulega syni Bandaríkjanna að morðóðum stríðsvélum.  Þetta vissi bandaríski herinn og passaði upp á að allir hermenn hefðu greiðan aðgang að Coca Cola hvar sem er.

 

Jólalest fór um höfuðborgina

Smábjarnakám

Þarf ekki bara að einkavæða þessar stöðvar eða eru þær kannski einkavæddar nú þegar.  Samkvæmt RSE (rannsóknarmiðstöð um þróunar og efnahagsmál) er bara eina vitið að einkavinavæða allt sem hægt er.  Þannig spari ríkið og einstaklingar græði fullt.  Sem sagt tvær stórar randaflugur í einu höggi. 

Ríkið spari með því að þurfa ekki að borga fyrir þjónustu sem það veiti ekki og einstaklingar græði með því að selja öðrum einstaklingum sömu þjónustu með meiri álagningu en ríkið hefði þor til.  Svo eru einstaklingar duglegri að spara og hagræða sem þýði meiri gróða handa þeim. 

Rök RSE fyrir einkavæðingu auðlinda, sjúklinga, vega o.s.fr. eru eftirfarandi:  Ef ríkið afsalar verðmætum eignum og réttindum í hendurnar á einstaklingum græða allir meira.  Ég græði meira, þú græðir meira og þessi þarna græðir líka meira. Græða, græða, græða og græða meira.  

Græða meira kostar peninga því þeir vaxa víst ekki á trjánum heldur í buxnavösum neytenda. Neytendur borga meira til að græða meira.  Einfalt ekki satt.  Svo á meðan þú ert einstaklingur eða fyrirtæki en ekki neytandi græðir þú meira.  Eða svo segja einstaklingarnir sem standa á bakvið RSE.

Þeir segjast líka vera óháðir.  Þiggja ekki peninga frá íslenska ríkinu en fá smá í gogginn frá einstaklingum og fyrirtækjum sem engin veit hver eru.  Það vantar bara orðin heiðarlegur(ekki þó snyrtir) og síðan hlutlaus.

Yfirlæknar leggja til sparnað

Opið bréf til Egils Helgasonar

Svona grín segir sig sjálft.  Auðvitað er betra að sem flestir búi saman, noti saman bíla o.s.fr.   En þarf ekki að taka á feita fólkinu.  T.d. þarf Egill Helgason meira pláss en flestir, hann borðar meira, þarf meira súrefni, notar meira vatn o.s.fr.  Ég held að það ætti að víkka hugmyndir Ómars Ragnarssonar og nota þær á feitt fólk og Egil Helgason alveg sérstaklega, því hann er svo áberandi fyrirmynd.  Ómar vill að þeir sem eigi stóra bíla borgi hærri skatta en þeir sem eru á smátíkum.  Þetta er allt gott og blessað ef þú vilt vera umhverfisvænn.  En ég segi göngum alla leið og setjum skatta og gjöld á feita fólkið. 

Egill Helgason er gangandi tímasprengja.  Besta leiðin fyrir samfélagið til að hjálpa honum er að skattleggja fituna.  Þannig mætti bæði hvetja hann til að minnka spikið og afla ríkinu talsverða tekna.  Offita er eitt algengasta vandamál sem nútímamaðurinn glímir við.  Beinn kostnaður af feitu fólki fyrir samfélagið er gríðarlegur.  Egill Helgason á eftir að fá sykursýki, hjártaáföll og margt fleira skemmtilegt.  Þetta kostar peninga.  Ég veit að Egill er á góðum launum en þrátt fyrir það lendir mest allur kostnaður af offitu hans á mér og þér.

Kæri Egill mér þætti alveg rosalega vænt um að þú misstir eins og svona 70 kíló af skrokknum þínum.  Færir úr stjarnfræðilegum tölum niður í kannski eins og tvo íslenska glímukappa.  Þú mundir spara samfélaginu útgjöld og þér myndi líða sjálfum svo miklu betur.  Íslenska ríkið gæti síðan notað peninga til að hækka örorkubætur handa frænku minni sem ekur um á 10 milljón króna Lexus og á lítið 400fm sumarhús á Flórída. 

Óumhverfisvænir skilnaðir