Eru Gyðingar í Ísrael gott eða vont fólk?

Sem áhugamaður um vatn og gott veður hefur Ísrael alltaf heillað mig.  Þegar ég var lítill stóð ég í þeirri meiningu að Ísrael væri partur af Evrópu.  Ætli ég hafi ekki fengið þessi hugmynd við að horfa á söngvakeppni Evrópska sjónvarpsstöðva.  En dag einn þegar ég opnaði stóru landabréfabókina hans pabba komst ég að því að Ísrael var nú ekki alveg í hjarta Evrópu.  Það voru meira að segja nokkur lönd sem stóðu okkur nær en ekki fengu að vera með í þessari spennandi keppni.  Hvernig gat staðið á þessu.  Ekki nóg með að Ísrael væri aðskilið frá Evrópu landfræðilega heldur bjó þar fólk sem átti meira sameiginlegt með Banaríkjamönnum og Íran en nokkurn tíma Svíþjóð eða Noregi.

En með árunum hef ég fengið það á tilfinninguna að samviskubit Þjóðverja sé sennilega ástæðan fyrir þessum mjög svo skringilega ráðahag.  En hvort Ísrael eigi að vera partur af Júróvísion eða ekki er lítið mál miðað við hvað er að gerast þarna suður frá um þessar mundir.  Svo virðist sem að áætlun Ísraels um að reka Arabana frá heimilum sínum gangi eitthvað illa eða a.m.k. taki lengri tíma en gott þykir.  Nú kann vel að vera að það standi hvergi í stjórnarskrá Ísraelsríkis að reka eigi Arabana af þeirra landi en það er sú stefna sem ræður öllu í samskiptum þessara tveggja frændþjóða.  Lítið dæmi um þessa stefnu eru árásir landtökumanna í Hebron á nágrana sína.  Í þessu tiltekna dæmi sem ég er að hugsa um voru þeir að framkvæma ólöglega aðgerð samkvæmt því sem ráðamenn í Ísrael sögu.  En það hafði ekkert að segja og hermennirnir sem voru með varðstöð 20 metra frá hlógu bara þegar einhver blaðamannaræfil spurði hvort þeir ætluðu ekki að skerast í leikinn.

En svona leikir eru víst daglegt brauð þar sem landtökugyðingar og Arabar búa saman.  Arabarnir drepa einn og einn gyðing sem síðan senda börnin sín og stórfjölskylduna út að henda grjóti í hús Arabana.  En það er víst mjög sjaldgæft að landtökugyðingar og Arabar búi hlið við hlið.  Yfirleitt búa gyðingarnir í víggirtum hverfum sem minna helst á bandarískt úthverfi á Norður-Írlandi.  Öll nútímaþægindi og sundlaugar eru handa landtökugyðingunum en nágrannar þeirra fá ekki einu sinni að bíta grasið fyrir utan gluggan þeirra.  Því þar er svokallað öryggisvæði Ísraelska hersins.  En Ísraelski herinn elskar alla menn og sérstaklega Palenstínuaraba.

Bæjarstjórinn í einni landtökubyggðinni sagði við blaðamann að allir Arabarnir ættu að fara frá Ísrael því nóg væri plássið annarstaðar.  Það fylgdi reyndar ekki sögunni hvort þeir ættu að fara til Íraks og láta skjóta sig þar eða til Írans og bíða eftir loftáras.  En allavega þá vildi bæjarstjórinn ekki hafa svona Araba í kringum sig.  Hjón sem höfðu misst son í áras Araba voru spurð hvort þau gætu skilið tilfinningar nágranna sinna sem hefðu misst börn sín í árásum Ísraelska hersins.  Svarið lét ekki á sér standa.  Það var einfaldlega eitt stór nei.  Gátu ekki skilið það því herinn væri að verja þegna sína og allt sem hann gerði væri þess vegna réttlætanlegt en Arabarnir hefðu barað verið að drepa til þess að drepa.

Spurning blaðamannsins var bara hvort hjónin gætu skilið tilfinningar nágranna sinna, hann var ekkert að reyna bera þessa hluti saman.  En nei landtökugyðingarnir gátu ekki skilið hvernig fólkinu hinum megin við girðinguna leið.  Þetta litla dæmi sýnir skýrt að gyðingarnir bera nákvæmlega enga virðingu fyrir Aröbum eða skoðunum þeirra.  Fyrir þeim eru nágrannar þeirra ómerkilegri en geitur og fiðurfé.  Þetta minnir mig á frétt sem ég sá í sjónvarpinu fyrir nokkru þegar Ísraelski herinn flutti landtökufólk frá Gasa.  Síðan fylgdu myndavélarnar einni fjölskyldi eftir á nýjan stað sem nýbúið var að byggja handa þessu fólki.  Konan var vel feit og hafði greinilega fengið of mikið að borða.  Þegar hún var spurð hvort hún væri ekki ánægð með nýja húsið sagði hún að svo væri hreint ekki.  Á gamla staðnum var hún með stórt einbýlishús en á þeim nýja þurfti hún að sætta sig við 100fm kofa.  Síðan vantaði sundlaugina og garðurinn var alltof lítill.  Eftir þessa upptalningu fór hún að gráta yfir óréttlæti heimsins.  Það kom fram í fréttinni að hún hafði varla borgað krónu fyrir bæði húsin.

En svona frekja og vanþakklæti sem þessi kona sýndi er vandi Gyðinga og Ísraels í hnotskurn.  Þeir telja sig eiga eitthvað án þess að hafa til þess unnið og ekkert er nógu gott fyir þá.  Ekki man ég hvort þessi kona var nýflutt frá New York eða hafði búið allt sitt líf í Ísrael en fýlusvipnum gleymi ég aldrei þegar hún skammaðist yfir þvi að þurfa að búa í 100fm kofa án sundlaugar.  Ég hefði ekkert á móti því að Geir Haarde reddaði mér einbýlishúsi með sundlaug og helst líka nýjan Lexus LS460 eða Ferrari.  Vandi Gyðinga í Ísrael er að þeir vilja alltaf meira og meira.  Ekkert er nógu gott fyrir þá, engin Arabi nógu góður til að tala við eða semja um eitt eða neitt.  Allir geta átt sig og alveg sérstaklega þeir sem ekki eru sammála ásamt Norðmönnum.

Kosningasigur Hamas hentaði Ísrael mjög vel því þá gátu þeir stimplað alla Palenstínuaraba hryðjuverkamenn.  Í framhaldinu heimtað að Vesturlönd settu viðskiptabann á helvítis múslimana og vegna þess að siðaðar þjóðir semja aldrei við hryðjuverkamenn þurftu þeir ekki að tala við þá.  Í staðin var hægt að skjóta þá og nota jarðýtur.  En svoleiðis aðgerðir eru skemmtilegri en langir samningafundir sem oft skila litlu.  Nú er bara að sjá hvort betra sé að eiga óvini eða vini.  

 

 

 

 

 

Haniyeh segir Hamas stefna á sigur eða píslarvætti

Pólitískt leikrit Steingríms J.

Það er alveg á hreinu að lætin í Steingrími J. og skammir hans í garð Framsóknar eru bara sjónarspil.  Gert til að villa um fyrir Geira og Þorgerði, sætustu stelpunni á ballinu.  Framsókn, VG og Ingibjörg verða í næstu ríkisstjórn Íslands.  Til hamingju eða þannig.

Ekki grundvöllur fyrir áframhaldandi samstarfi stjórnarflokkanna

Borðar Björn börn?

Björn heldur mikið upp á litla bónusgrísi og finnst þeir góðir á bragðið.  Hann grillar þá hægt yfir heitum eldi.  Vill helst hafa þá mikið grillaða.  Skemmtilegast finnst honum að veiða þá í matinn.  Eldamennskan er síðan punkturinn yfir i-ið.  En einhæft fæði hefur yfirleitt slæm áhrif á heilsuna eins og Björn fékk að kynnast nú rétt fyrir kosningar.  Ég skora á Björn að láta börn Sjálfstæðismanna í friði og borða t.d. skyr og ávexti í staðin. 

 

Björn lýsir áhyggjum af þróun stjórnmálastarfs og réttarríkisins

Við erum allir Björn.

Ég hef alltaf haldið mikið upp á Björn Bjarna í gegnum tíðina.  Allt frá fyrsta degi í pólitík hef ég fylgst með honum.  Ég man að hann kom í skólann til mín þegar hann var að stíga sín fyrstu skref.  Þá virkaði hann mjög feiminn og óframfærinn.  Vissi ekki hvort hann ætti að horfa upp eða niður.  Fannst best að fittla við puttana á sér og gat varla mannað sig upp í að horfa framan í krakkana.

Sem betur fer breyttist þetta viðmót hjá karli.  Smátt og smátt gat hann horft framan í fólk og á tímabili vann hann vinnuna sína vel.  Bjössi svaraði öllum sem til hans leituðu ólíkt öðrum ráðherrum.  Hann vaknaði eldsnemma fullur af bjartsýni og góðum fyrirheitum.  Ekkert mál var svo aumt að hann gæti ekki liðsinnt því.    

En þetta breyttist og Björn fór að skipta öllum í með eða á móti.  Hann sá púka í hverju horni sem voru að plotta gegn sér.  Jón Ásgeir þar fremstur í flokki með sinn eitraða Bónusgrís.  Þessi paranoja var ekkert grín hún dró mátt úr kalli sem hafði varla tíma lengur til að sinna fólkinu í landinu.  Núna er Björn að hreinsa stjórnkerfið af óæskilegum hugmyndum og fólkinu sem hugsar þær.  Fólkið í landinu, segir hann, það eru bara Pólverjar og litlir grísir sem skipta mig ekki máli.

 

 

Geir: Útstrikanir hafa ekki áhrif á stöðu Björns

Ég er á góðri leið með að klúðra þessu.

Vikan er búin að vera býsna góð.  Þrátt fyrir hjónaskilnað, veikindi og bílavesen hefur þetta gengið alveg ágætlega.  Vinnudagurinn líður hraðar með hverjum deginum svo hratt að mér finnst varla taka því að vakna.  En svona þankagangur er upphafið af endalokunum og gengur ekki hjá vel hraustum einstaklingi sem fólk stólar á.

Ég er maðurinn á bakvið tjöldin ef svo má að orði komast og alveg ómissandi á vinnustaðnum.  Rétt eftir að ég vakna og áður en ég fer í vinnuna kveiki ég á sólinni.  Yfirleitt tekst það svona skammlaust en í gær svaf ég yfir mig.  Það kom ekki að sök því hún fór sjálf á loft eins og af gömlum vana.  En í staðin kviknaði aldrei almennilega á mér því ekki nóg með sofa yfir mig þá var líka sprungið á bílnum.

Það gekk ekkert að setja varadekkið undir eðalvagninn.  Þrátt fyrir stanslaust puð í fjörutíu mínótur náði ég bara að losa 2 bolta af fjórum og einn var síðan týndur.  Ég sem hélt að það væru bara gamlar kellingar sem gætu ekki skipt um dekk.  En ég er hugrakkur ungur maður og tel mig vera bara í nokkuð góðum félagsskap með gömlu konunum.  Þær eru nefnilega þrátt fyrir allt skárri en gömlu kallarnir með hattana.

Svo var einn Pólverjinn í vinnunni að skilja.  Karlinn hennar er víst voða frekur og leiðinlegur.  Hann hugsar bara um sjálfan sig og ætlast til þess að eiginkonan stjani í kringum sig.  Vinnur síðan allan sólahringinn en kemur þó heim í þjónustuhléum.  Svona til að tékka hvort kerla sé að fara sér og börnunum að voða.  Hann setur þeim líka línurnar og lemur í borðið annað slagið enda ekki annað hægt ef hann ætlar sér að vera alvöru húsbóndi á heimilinu.

En það gengur illa að skilja pólskuna og enskan sem þessir Pólverjar tala er varla boðleg utan Póllands.  Svo ég er ekki með það á hreinu afhverju þessir duglegu Pólverjar eru að skilja.  Einn hjónaskilnaður er létt grín í samanburði við bráðdrepandi veikindi.  Kona nokkur í vinnunni þarf að leggjast undir hnífinn og láta fjarlægja æxli á vondum stað.  Sem betur fer er gott fólk sem getur leyst hana af á meðan.       

 

Tæknileg mistök.

Þetta stríð var bara tæknileg mistök.  Hugmyndin frábær en útfærslan klúðursleg og öll í skötulíki.  Friðardúfurnar breyttust síðan í klasasprengjur made in USA og íslenskir hreinsitæknar þurfa nú að þrífa dúfnaskítinn.  Ég hélt að lönd með McDonald færu ekki stríð við hvort annað.  En mikið hafði ég rangt fyrir mér.  Vonandi lærðu stjörnvöld í Ísrael eitthvað á þessu og ráðast ekki aftur á McDonalds. 

Siniora gagnrýnir skýrslu um stríðið í Líbanon

Má Rove ekki hrækja?

Samkvæmt fréttinni frussaði Rove bara smávegis á ennið hjá þessum fallega söngfugli.  Einu sinni fór ég í bíó og lenti fyrir aftan Björk Guðmundsdóttur.  Sem er nú varla í frásögur færandi nema hvað ég hló svo mikið að blautt poppið þaut í allar áttir en þó alveg sérstaklega beint í hárið á söngkonunni.  Sem betur fer tók hún ekki eftir þessu og engin leiðindi urðu i kjölfarið. En ég hef nánast hætt að fara á kvikmyndir svona til að verða mér ekki til skammar eða valda óþarfa uppnámi.

Ég er algjörlega á móti því að fólk keyri bíla eftir stífa drykkju hvort sem stunduð er í heimahúsum eða á skemmtistöðum.  En ég sé ekkert að því að keyra bíl eftir einn lítinn bjór.  Það er nefnilega alveg svakalega leiðinlegt að keyra ófullur.  Einn bjór gerir aksturinn líka snúnari þannig að maður neyðist til að hafa alla athygli á veginum.  Ef bjór gerir fólk óhæft til að stjórna ökutæki ætti líka að banna öll samtöl við bílstjóra og reykingar.

Fólkið í vinnunni er alveg búið að venjast bjórdrykkju minni.  Allir löngu hættir að kvarta og koma athugasemdum á framfæri við yfirmanninn.  Enda er ég miklu skemmtilegri eftir einn og stundum tvo bjóra.  Samstarsfólk mitt áttaði sig á þessu þegar ég mætti bjórlaus í vinnuna í síðustu viku.  Allir héldu að ég væri veikur og sumir gengu svo langt að gera því í skóna að ég væri með alvarlegan sjúkdóm.  Sem betur fer var þetta bara einn dagur.  Í dag gengur allt vel og vinnufélögunum þykir vænt um mig.

En ég get nú varla sagt það sama um stjórnmálamenn og flokka þessa lands.  Hvað hafa þeir gert fyrir mig síðustu fjögur árin.  Þeir styrktu að vísu Birgið um nokkuð margar milljónir og fengu gott klámmyndband til að horfa á í staðin.  Síðan gáfu þeir gervilimi til Íraks  og hjálpuðu börnunum sem þeim fannst í lagi að sprengja.  Sendu íslenska kvennakyns ökumenn til Sádi Arabíu á ökunámskeið.  Ekki má gleyma stuðningi við dreifingu klasasprengja yfir Líbanon.  En sú aðgerð Ísraels eykur sölu á íslenskum gervilimum.  Ok, ok þeim þykir víst vænt um mig.

  

 

Rove sagður hafa hrækt á Sheryl Crow

Saudi Arabía

Hérna er fróðleg grein sem Anna Karen bendir á í blogi sínu.  Saudi Arabía hefur eitt fáránlegasta stjórnarkerfi sem um getur.  Framkoma karla til kvenna er algjörlega óskiljanleg og verður varla réttlætt með tilvísun í Kóraninn eða önnur trúarrit.  En hvernig stendur á svona rugli.  Rugli sem er þjóðhagslega óhagkvæmt og mannskemmandi.

Svarið er einfalt Hannes Hólmsteinn Gissurarson.  Nei, nei bara smá grín.  Vandamálið eru karlar með skrítnar hugmyndir um lífið og tilveruna.  Karlar sem eru vel að sér í fræðunum en geta varla reimað skóna hjálparlaust.  Svona menn hafa mikil völd í Sádi Arabíu.  Þeir eru ekki prinsar eða kóngar heldur fræðimenn sem hafa vald til að túlka Kóraninn.  En Kóraninn er ekki bara trúarrit heldur líka lögbók og stjórnarskrá.

Ég hef ekki lesið Kóraninn en fullyrði samt að þar stendur ekkert um bíla og bílpróf.  En samt hafa þessir fræðimenn fundið það út að Guð vilji ekki að konur keyri um á stórum amerískum bílum á götum Jedha.  Sjálfur skil ég vel þessa afstöðu enda konur og gamlir kallar með hatta ein hættulegustu fyrirbærin í umferðinni.  En afhverju eru kallarnir með hattana ekki bannaðir á götum Sádi Arabíu. Það er vegna þess að þeir sjálfir búa til þessi fáranlegu lög.  Ekki Guð eða konur.

Með þessu litla bíladæmi er alveg á hreinu að Guð skrifaði ekki Kóraninn í gegnum Múhammeð.  Því sem alvitur og alsjáandi guð hefði hann ekki gleymt að setja inn sér kafla um ökuréttindi kvenna.  Karlanir með hattana sem eru vel að sér í fræðunum hafa því "óvart" sannað að Kóraninn er bara mannleg bók.

 

Burt með bindin kæri Geir Haarde.

Ég veit að þú ert ekki ánægður með gang máli í Írak en það skiptir ekki máli.  Enda bara hálfvitar og stjórnarandstaðan sem kvarta yfir stuðningi þínum við þá innrás.  En hér er komið mál sem við getum verið algjörlega sammála um.  Ósmekklegur klæðnaður íslenskra karla og kvenna sem hefur áhrif á almenna þjóðarvitund og siðferði.  Þess vegna er nauðsynlegt að koma böndum á þessa bera nafla og nærbuxur upp á bak tísku.

Þó þú fáir ekki sætustu stelpuna með þér heim þá er alltaf hægt að nota einhverja sem er vel tilhöfð og gerir sama gagn.  En við viljum ekki þetta gleðikonu útlit sem trollríður íslensku þjóðfélagi og hinum vestræna heimi um þessar mundir.  Nei og aftur nei við viljum hafa þær í virðulegum dressum þar sem lítið sést.  Í flestum tilfellum er það betra fyrir okkur því ekki eru allar skvísunar með líkama fyrirsætu.  Það er ekkert eins ógeðslegt og sjá 130kg stelpu klæða sig eins og hollenska gleðikonu, í pínupilsi með holdið bert og stríðsmálningu í framan. 

Bindi og slaufur eru líka vafasamur fatnaður svona a.m.k. ef fólk er ekki í neinu öðru.  En svo fátæklegur klæðnaður er varla vandamál í okkar kalda landi.  En til að fyrirbyggja algjört siðleysi ráðlegg ég þér að setja lög sem skylda karlmenn að vera í einhverju öðru en bara bindum eða slaufum. 

P.s.v. Virkilega smekklegt comment þitt um stelpurnar í Birginu.  Áttu myndbandið?

Tískulöggan í Íran sker upp herör gegn slifsum

Kæri Guð.

Ég veit að þú ert vanur að hreinsa til hjá okkur mönnunum á nokkra áratuga fresti.  Sérstaklega þar sem spilling og dauðasyndirnar sjö fá að grassera.  En ekki tortíma Bandaríkjunum alveg strax ég á nefnilega eftir að heimsækja þau.  Mér þætti alveg svakalega vænt að fá eitt tækifæri til að skoða þetta stórkostlega land.  Skoða Disney, Yellowstone og synda í tjörninni í Washington DC.

Hvers vegna þú tortímir borgum og jafnvel heilu menningarsamfélögunum ef þau gerast of gráðug eða spillt hef ég ekki alveg áttað mig á.  En Bandaríkin í dag eru spilltasta ríki veraldar ef marka má fréttaflutning þaðan.  Þú  mættir alveg skoða lönd eins og Zimbabe eða Hvíta Rússland með öðru auganu.  Bara svona til að gæta sanngirnis.

Þú hefur sennilega móðgast þegar forseti kirkjusambands Evangelikka í Bandaríkjunum keypti sér karlhóru til að pota í bossann á.  En það eru nú smámunir í samanburði við alla spillinguna í Washington DC.  Þú getur kannski horft fram hjá svarta gaurnum sem Bush réð og var stelsjúkur, kallinum sem gat ekki hjálpað New Orleans en hvað með Írak og Halliburton.

Láttu mig bara vita áður en þú tortímir þessu helsjúka landi svo ég geti verið sofandi upp í íslensku rúmi.

 

Kynlífshneyksli í uppsiglingu í Washington