Til hamingju Ísland.

Mikið svakalega var ég stoltur þegar Sjálfstæðisflokkurinn og Framsókn ákváðu að styðja innrásina í Írak.  Loksins eitthvað spennandi í sjónvarpinu síðan 1991 og við litla Ísland gerendur.  Framlag okkar var nú ekki sérstaklega mikið bara nokkur hundruð milljónir.  Það fæst varla nothæft klóset í nýja Tónlistarhúsið fyrir þann pening.  En öll framlög voru vel þegin svo má ekki gleyma Íslendingunum sem voru næstum búnir að finna öll gereyðingavopnin.

Mér finnst full ástæða til að þakka núverandi stjórn með þessa vel heppnuðu innrás.  Geir Hilmar Haarde og Björn Bjarnason fá alveg sérstakar hamingju óskir í tilefni dagsins.  Svo vil ég líka þakka Þorgerði Katrínu fyrir hennar störf í þágu látinna barna í Írak.  Hennar stuðningur hefur svo sannarlega glatt margar sálir.

Við skulum vona að allir Írakar kunni að meta þennan glaðning og gefi okkur svipaða gjöf þegar fram líða stundir.  Samkvæmt mínum heimildum hafa Írakar það miklu betra en þegar Saddam var við völd.  Nú eru t.d. yfir tvær milljónir Íraka að leggja land undir fót og skoða heiminn.  Eins og allir vita fylgja miklar tekjur ferðamönnum og sérstaklega frá ríkum löndum.  Hérna er tækifæri fyrir íslenskar ferðaskrifstofur og Jónína Bjartmars gæti boðið nokkrum Írökum íslenskan ríkisborgararétt svona til að sýna að litur Framsóknar er grænn en ekki blóðrauður.

 

 

Þess minnst að Saddam Hussein hefði orðið sjötugur í dag

Hefur Jónína Bjarta áhrif á niðurstöður.

Kæra Jónína B.

Mikið var nú gaman að horfa á þig í Kastljósinu rétt áðan.  Þú geislaðir af hamingju og sjálfsöryggi.  Ég fékk bara smá gæsahúð þegar leikar æstust og þú tókst á loft og lést skítnum rigna yfir aumingja umsjónarmanninn.  Hann var að vísu í dökkum jakkafötum sem bjargaði því sem bjargað varð.  En það var nú pínu dónalegt af þér að gefa honum ekki tækifæri til að spyrja þig spjörunum úr.  Ekki er ég að gefa í skyn að þú sért fatafella þó ég efist ekki um að þú skiptir reglulega um föt.  Annars væri lyktin sennilega óbærileg. 

Reyndar fannst mér spyrillinn vera að segja að það væri ennþá töluverð skítalykt í framsóknarfjósinu.  Þrátt fyrir nýjan fjósamokara virðist lyktin ekkert skána.  Hún hreinlega sést.  En þetta er bara svona létt grín hjá mér.  Þú þarft ekkert að taka þessu persónulega þvi þú ert fín kelling.   

Ef sonur þinn vill hafa það svart og sykurlaust þá er það í lagi mín vegna. Skil reyndar ekkert í þér að segja ekki vinum þínum í þessari blessuðu nefnd frá tilvonandi tengdadóttur.  Um hvað er eiginlega spjallað á kaffistofu Alþingis.  Svo eitt að lokum kæra Jónína, veit fólkið sem þú vinnur með ekki hvar þú átt heima?

 

Fylgi Samfylkingar og VG jafnmikið

Allt í plati rassagati.

Samkvæmt nýjustu fréttum frá vinum okkar í Ísrael átti sér stað smá misskilningur síðasta sumar.  Tilgangur stríðsins var ekki að ná hermönnunum tilbaka heldur að koma þungi höggi á Hissbollur.  Þennan leiða misskilning endurtóku talsmenn Ísraels hvað eftir annað meðan á stríðinu stóð. 

Skemmtilegustu ummælin rötuðu út úr munni talsmanns utanríkisráðuneytis Ísraels.  En hann sagði m.a. "Við erum bara að verja okkur." og "Við stöndum bara í þessu stríði til að fá strákana okkar til baka."

En samkvæmt þessari frétt var þetta ekki alveg svona.

Hizbollah hengir upp myndir af ísraelsku hermönnunum

Heildsala eða smásala.

Ég hef stundum velt því fyrir mér afhverju gyðingum vegnar betur í viðskiptum og öðru en gengur og gerist.  Hvað gæti verið einföld skýring á því.  Það eru fjórar mögulegar skýringar að mínu mati. 

1) Þeir eru gáfaðri og hæfileikaríkari en gengur og gerist.

2) Gyðingar halda hópinn, klíkuskapur.

3) Þeir notast ekki við milliliði í samskiptum sínum við Guð.

Fyrsta skýringin er augljós og þarfnast ekki frekari umræðu.  Klíkuskapurinn skýrir t.d. afhverju gyðingar stjórna demantasölu heimsins.  Ef Gyðingur kemst í aðstöðu til að hygla einhverjum velur hann yfirleitt aðra gyðinga.  Það er ekkert vafasamt við það að velja fólk sem maður treystir og þekkir fram yfir ókunnuga.  En þetta útilokar aðra hópa frá auð og völdum.

Þriðja skýringin gæti líka haft sitt að segja.  Að versla við heildsala frekar en smásala tryggir oftast betra verð.  En gyðingarnir láta sér ekki nægja að versla við heildsalann þeir snú sér beint til framleiðanda.  Með því tryggja þeir sér vöruna ferska og ómeingaða.  Losna við allar auglýsingar og vafasama sölumenn.  Þeir kaupa mikið magn af vörunni og tryggja sér ennþá betra verð en nokkur heildsali gæti boðið hvað þá smásöluaðili.

Fjórða skýringin er að þrjár fyrri séu allar réttar.  Íslendingar eiga margt sameiginlegt með Gyðingum.  Við erum bestir á öllum sviðum miðað við höfðatölu, við elskum klíkuskap en þurfum sennilega að gerast gyðingatrúar til að fá allan pakkann.  Reyndar gæti brúðkaup Ólafs og Dorritar ásamt íslenskum ríkisborgararétti Fisher hjálpað okkur.  Aldrei að vita nema Guð kunni virkilega vel að meta þetta og hækki einkunnagjöf okkar um nokkra flokka. 

 

Þessi frétt er Morgunblaðinu til skammar!

Að Mogganum skuli detta í hug að endursegja svona grínfréttir.  Vægast sagt ábyrgðarlaust og til skammar.  Starfsmenn Morgunblaðsins ættu að einbeita sér að eigin fréttaöflun og láta svona áróður eiga sig.  Ef Mogginn þarf endilega að birta svona ekkifréttir þá væri gott að taka það fram í fyrirsögn.  "Ekki frétt heldur áróður!"  Starfsmenn Moggans láta nota sig og taka þátt í áróðrinum gegn Írönsku teppakörlunum.

 

 

 

Al-Qaeda í Írak sagt vera að undirbúa umfangsmiklar árásir

Íslenskir Talibanar.

Jæja núna er ég loksins að verða alvöru bloggari.  Eftir margar heiðarlegar tilraunir til að komast á bannlista hjá ýmsum moggablogurum hefur það tekist.  Sérstaklega hef ég reynt að kanna þanþolið hjá fulltrúum okkar uppáhalds stjórnmálaflokka.

Sjálfstæðismenn hafa lent ílla í því.  Hjá nokkrum hef ég hraunað yfir Davíð Oddsson, stefnu flokksins o.s.fr.  Ég sparaði ekki stóru orðin og í einu tilfelli þar sem síðuhöfundur tók fram að engin dónaskapur væri leyfður setti ég comment með yfir 50 persónulegum fúkyrðum.  En allt kom fyrir ekki sjálfstæðir Sjálfstæðismenn hafa ekki ennþá sett mig á svarta listann.

Frjálslyndir hafa líka fengið að kenna á mér.  Þá Magga og Jón lögmann hef ég ýtrekað lamið í hausinn með grófum fúkyrðum og dónaskap.  Báðum hef líkt við Hitler og hreindýraskít.  En allt kemur fyrir ekki þeir eru greinilega desperat og vilja ekki fæla mig frá flokknum.

Framsóknarmenn hafa líka fengið nokkrar gusur.  Ég hef passað að gera bara grín að útliti þeirra og formanni.  Þeir hafa allir með tölu tekið þessu létt og kunnað að meta skítkastið.  Enda í sömu stöðu of Frjálslyndir mega ekki við að fæla fleiri kjósendur frá sér.  Þeir brosa framan í mig núna en eftir kosningar fæ ég örugglega þetta borgað margfalt til baka.

Samfylkingin og dverganir sjö hafa heldur betur lent ílla í því.  Þegar ég heimsæki blogsíður stuðningsfólks hennar vanda ég mig alveg sérstaklega.  Gleymi aldrei að hreyta nokkrum vel völdum ónotum í Ingibjörgu og hennar vini.  Þrátt fyrir margar og ítarlega tilraunir til að fá mig bannaðan hefur það alls ekki tekist.  Hér hef ég orðið fyrir vonbrigðum enda hvernig ætlar þessi flokkur að standa í lappirnar þegar ESB byrjar að vaða yfir okkur.

Vinstri grænir hafa nánast alveg sloppið við innlit frá mér þar sem ég hélt að þeir væru umburðalyndastir allra.  Frjálsar ástir, Falum gong, Ísland úr NATO herinn burt, öll dýrin í skóginum eiga að vera vinir o.s.fr.  En ooboj ooboj hafði ég rangt fyrir mér.  Það þurfti bara þrjú innlit og engan dónaskap til að komast á svarta listann hjá MANNRÉTTINDA fulltrúa VG.  Nokkuð ljóst að löggi og netlöggan hans eru ekkert grín.

Eftir þessa yfirferð er ljóst að allir stjórnmálaflokkarnir bera virðingu fyrir skoðunum og dónaskap annara nema Vinstri grænir.  Í því ljósi fá þeir hin eftirsóttu íslensku Talibanaverðlun.  Sem verða hér eftir veitt mánaðarlega öllum Moggablogurum sem takmarka málfrelsið og annað dónatal.

 

Tveir góðir

 

Þessir tveir gætu komið Mr. Clinton í vanda.

Vill nýta vinsældir Clintons til að bæta ímynd Bandaríkjanna

Björn Bjarnason eða Össur?

Aldrei hefur Sjálfstæðisflokkurinn boðið mér í Húsdýragarðinn.  Eina sem hann hefur gert fyrir mig er að Björn Bjarnason bauð mér á Litla Hraun.  Ég var fljótur að afþakka þau leiðindi.  Þurfti reyndar að borga ónefndum lögfræðingi væna summu undir borðið en það var vel þess virði.  Hef reyndar heyrt að maturinn sé alveg ágætur en má ég frekar biðja um Vín og skel eða Holtið.

Kvöld eitt fyrir nokkrum árum horfði ég á Batman og fékk þessa eitursnjöllu hugmynd.  Berjast gegn glæpum og óréttlæti í Reykjavík.  Mamma saumaði á mig grænan Batman búning sem var nú ekki alveg rétti liturinn en þetta var eina efnið sem hún átti.  Ég horfði framhjá þessu smáatriði og kallaði mig Froggy the crimefighter.

Fór síðan beint upp í Öskjuhlíð og faldi mig þar bakvið stóran stein.  Eftir góða stund hafði ég ekki orðið var við neinn glæp.  Hafði reyndar séð tvo skeggjaða karlmenn láta vel hvor að öðrum en það er víst alveg leyfilegt.  Eftir þetta litlausa ævintýri fór ég heim.  Stytti mér leið í gegnum nokkra bakgarða bæði til að fólk sæi mig ekki í þessum asnalega búning og til að athuga hvort fólk væri að fremja glæpi heima hjá sér.

Eftir að hafa legið á nokkrum gluggum sá ég eldri hjón sem létu vel hvort að öðru.  Maðurinn var kviknakinn fyrir utan glansandi hermannahjálm og verkfærabelti utan um sig miðjan.  Konan var handjárnuð við rúmið og gretti sig ógurlega.  Þegar leikar stóðu sem hæst var ég snúinn niður í grasið og tveir lögregluþjónar drógu mig inn í bílinn sinn.

Eftir þessa lífreynslu þó hún sé ekki alveg rétt munuð hjá mér ætla ég aldrei að kjósa Björn Bjarnason eða Sjálfstæðisflokkinn.  Össur og Solla fá mitt atkvæði, kannski.

 

 

 

Samfylkingin býður í Fjölskyldu- og húsdýragarðinn

Endalok Frakklands.

Sarkozy vinnur þessar kosningar og verður örugglega duglegur forseti enda víst alveg hrikalega ofvirkur.  Hann fékk bágt fyrir að staðhæfa að gen réðu því hvort við yrðum barnaperrar.  Umhverfi hefði þar ekki svo mikil áhrif.  Þetta er alveg í samræmi við mínar hugmyndir og það sem allir hommarnir segja.  Þeir geti bara ekkert að þessu gert.

Svona í þessu ljósi getum við farið að hlakka til enda Sarkozy með gyðingagen í sér.  Gyðingar eru bestir í öllu (nema körfubolta sbr. white men can´t jump).  Þeim líður illa í friði og Sarkozy á eftir að troða ESB í stríð við einhverja friðelskandi múslima t.d. Sýrland eða Íran.  En eins og allir litlir kallar sem ráðst á önnur lönd þá tapar Sarkozy.  Múslimarnir mæta svo í heimsókn og brenna París sér til skemmtunnar.

Reyndar þurfa þeir ekkert að koma í heimsókn múslimarnir eru þegar búsettir í Frakklandi.  Skemmst er að minnast ólátanna sem ummæli Sarkozy öllu haustið 2005.  Ekki þarf að halda að lætin verði eitthvað minni þegar hann verður orðinn forseti. 

„Ségolène hefur það“

Íslenskir múslimar

Islam snýst ekki bara um að drepa og nauðga kristnu fólki þó það sé eflaust ágæt skemmtun.  Ef þú gerist múslimi þarftu t.d. ekki að borða svínakjöt á jólunum.  Þetta er stór plús fyrir alla sem eru búnir að fá upp í kok af íslensku jólahaldi. 

Síðan leggur Islam réttilega áherslu á að konur eigi að vera undirgefnar mönnum sínum.  Þetta ættu allir kúgaðir eiginmenn að grípa fagnandi og berja eiginkonur sínar með bókinni góðu(Kóran).  Reyndar hef ég aldrei skilið orð Guðna ekkiformanns að staða konunnar væri bakvið eldavélina en kannski má finna eitthvað um það í bókinni góðu.

Ekki má gleyma pílagrímsferðinni sem allir múslimar eiga að fara.  Hún getur bjargað manni frá allra leiðinlegustu brúðkaupum og stórafmælum. Rúsínan í pylsuendanum er nátturulega að þú átt meiri möguleika að komast til himna en ef þú værir kristinn.  Í suttu máli er ýmislegt jákvætt við það að gerist múslimi og nú er bara að drífa sig.