McDonalds eða Holt?

Glími oft við þessa spurningu.  Hvort á að borða hádegismat á Holtinu eða fá sér hamborgara á McDonalds.  Þú færð tvo rétti á Holtinu og þjón sem hellir í glasið þitt en á McDonalds ert þú þjónninn og bara einn réttur. 

Sumir setja 1700 króna verðmun fyrir sig.  Holtið er aðeins dýrar en ekki mikið.  Sem sælkeri og áhugamaður um góðan mat mæli ég með Holtinu frekar en McDonalds.  Þar er engin skyndibiti í boði lágmarks matartími ein klukkustund.   Ef maður vill fá mikið fyrir peninginn og á ekki klukkustund aflögu mæli ég með Carúsó.

Máltíð í hádeginu kostar um 800 kr. á McDonalds, 2500 kr. á Holtinu og 1300 kr. á Carúsó.   

Núna fer þetta að koma.

Jæja kominn yfir 500 heimsókna múrinn.  Þetta gengur bara býsna vel hjá mér.  Ég þarf aðeins að fá 99.500 heimsóknir í viðbót til að ná takmarki mínu.  Lauslega áætlað ætti 100.000 gesturinn að heimsækja síðuna 19. janúar 2011.

Ég talaði við litla frænda minn,  hann gerði bara grín að þessu framtaki og sagðist vera búinn að fá mörg þúsund heimsóknir og hann væri sko bara sjö.  

Kannski verð ég að endurskoða efnistök síðunnar.  Setja inn fleiri myndir og djúsí linka.  Skapa minn eigin stíl sem hittir í mark.  Það virðist samt best að vera frægur og koma fram reglulega í sjónvarpi allra landsmanna.  

Eureka!  Breyti þessari síðu í hjálpartæki fyrir bloggfíkla sem vilja hætta.  Já há þetta er alveg pottþétt hugmynd. 

Allt er fertugum fært.

Birgir Leifur á greinilega mörg góð ár framundan. Hann þarf bara að taka Vijay Singh sér til fyrirmyndar.

Singh fagnaði sigri á Bay Hill

Ísrael og gyðingar.

Eftir smá gagnaöflun á netinu hef ég komist að merkilegri niðurstöðu.  Skrif "stuðningsmanna" Ísraels og þeirrar stefnu sem þar er rekin virðast vera stíluð inn á ákveðinn markhóp.  Þau eru flest sett upp á mjög einfaldan og jafnvel barnalegan máta. 

Tökum dæmi af íslenskri síðu félags Zion vinir Ísraels.  Þar stendur orðrétt "Félagar standa í gegn kynþáttamisrétti hvar sem er, ..."   Önnur erlend síða nefnir möguleikan á útrýmingu gyðinga í Bandaríkjunum.  Þriðja síðan nefnir lygar RÚV sem ástæðu ört vaxandi gyðingahaturs Íslendinga.  Á fjórðu síðunni fann ég viðtal við sendiherra Ísraels á Íslandi.  Þessi huggulega kona tók fram að Ísrael væri lýðræðisþjóð ólíkt Sádi Arabíu og Íran.

Þetta er einn stór lélegur brandari.  Ísrael mismunar þegnum sínum eftir kynþætti, helför gagnvart gyðingum í bandaríkjunum er frekar langsótt, RÚV er ekki ástæða gyðingahaturs á Íslandi og bera saman Sádi Arabíu við Íran er í besta falli villandi.

Dæmi um kynþáttamisrétti í Ísrael er minni stuðningur stjórnvalda við araba.  Þótt sumir fréttamenn á RÚV séu ekki pro Ísrael hefur það lítil áhrif á útbreiðslu gyðingahaturs, hvort er vinsælla Dorrit Moussaieff eða Ástþór Magnússon? Íran er lýðræðisríki með stjórnarskrá, kosningar til þings og forseta.  Sádi Arabía er með kóng og engar kosningar.

 

 

 

Eve Online.

Eitthvað gengur hægt að koma heimsóknum á þessa síðu upp fyrir 100.000.  En það er bara að halda áfram og sjá hvað gerist.  Verst hvað þetta tekur mikinn tíma frá Eve Online leiknum.  Spurning hvort ég ætti að setja eina dirty pictures from Iceland auglýsingu inn á bandarískan Date vef.

Fyrirsögnin gæti verið "Ingibjörg Sólrún lava girl" eða "Valgerður likes it hot".  Ekki má gleyma "Sigurður Kári rock hard and independent".  Þetta gæti farið illa best að finna upp á einhverju öðru. 

 

Íran vs Írak.

Þessi færsla er skrifuð eftir að ég rakst á tuttugu ára gamla grein úr Bandarísku herblaði.  Greinin var mjög nákvæm úttekt á stríði Írana og Íraks.  Í sem skemmstu máli mætti segja að Íran hafi gengið í gegnum hlið helvítis og Írak notið beinnar aðstoðar frá USA og Evrópu.

Flugher Íraks gerði stöðugar árásir á höfuðborg Írans svo vikum skipti og í einni árásinni tóku hátt í 400 flugvélar þátt í veisluhöldunum.  Lofther Íraks lét sprengjum rigna yfir hernaðarlega mikilvæg skotmörk og borgir. Tugir þúsunda létu lífið flestir óbreyttir borgarar.  Þrátt fyrir nýjustu græjur og stóran landher tókst Saddam Hússein ekki að brjóta Írani á bak aftur í þessu ára löngu stríði.

Ekki verður gert lítið úr vilja Saddams til að sigra en hann gerði ekki ráð fyrir þeim fórnum sem Íranir voru tilbúnir að færa.  Í þessu ljósi skilur maður ekki hvernig USA dettur í hug að þeim takist að breyta Íran í Finnland með lofthernaði og kannski smá skriðdrekaleik.

 

 

 

 

Verkefni fyrir íslenska friðargæslu.

Hérna vantar greinilega íslenska friðargæslu. 

Hundruð Íraka undir læknishendur vegna klórgasárása

Ísland og Palenstína.

Í ljósi þeirrar sögulegu staðreyndar að Ísland ber ábyrgð á stofnun Ísraelsríkis eigum við líka að styðja stofnun ríkis fyrir Palenstínuaraba.  Kannski erum við á leið í Öryggisráðið til að uppfylla þessi örlög okkar?

Haniyeh: „Sjálfstætt ríki Palestínu á svæðunum sem hernumin voru 1967"

Vín og skel.

Var á rölti niður Laugarveginn og datt inn á nokkuð spennandi veitingastað.  Staðurinn leggur áherslu á sjávarrétti og girnileg vín með.  http://www.vinogskel.is

 

Klám, tölvur og konur.

Fyrir nokkru skapaðist skemmtileg umræða á póstlista Félag kvenna í atvinnurekstri.  Listinn er aðalega notaður fyrir auglýsingar og fyrirspurnir.  Einn meðlimur félagsins tók frekar stórt upp í sig og sakaði stöllu sína um dreifingu kláms.

Sú var að auglýsa kvennfatnað og heimasíðu sem hét Belladonna.  Þessi sem tók stórt upp í sig hafði slegið inn vitlausa endingu á veffangið.  Setti .com í staðin fyrir .is og fór beint inn á nokkuð góða klámsíðu.   Þar sem Belladonna sýndi listir sínar fyrir sanngjarna þóknun.

Það skemmtilegasta í þessu var ekki upphaflegi ruglingurinn heldur að konan þurfti að samþykkja alveg sérstaklega að hún væri að fara skoða klámsíður.  Sagði já takk til að sjá dýrðina.