Mamma og karlinn í tunglinu.

Ég er svo heppinn að eiga mömmu en þetta eru forréttindi sem allir hafa a.m.k. upplifað einu sinni ef ekki oftar.  Stundum fer hún alveg svakalega í mínar fínustu taugar og jafnvel vinstra nýrað.  Hún á það til að rífast og skammast við fólk útaf engu.  Sem betur fer er hún alveg sérlega ljúf og hjálpsöm þegar kemur að öllum samskiptum við fjölskyldu sína.  Hún lætur bara svona við fólk sem hún þekkir lítið eða ekkert.  

Í litlu rjómaverksmiðjunni sem hún á og rekur kom viðskiptavinur til hennar.  Hann var bara að kaupa sinn rjóma og í tilefni jólanna mætti kappinn með After Eight súkkulaði til að gefa sætu stelpunni sem afgreiðir hann oftast.  En mamma stóð vaktina að þessu sinni og eitthvað gekk henni illa að skafa nægilega mikinn rjóma handa honum.  En þegar hún kemur loksins fram með rjómann byrjar hún að ausa yfir vesalings manninn skömmum.  

Hvernig honum detti í hug að kaupa svona mikinn rjóma rétt fyrir jólinn og verðið sem hann fái sé alltof lágt.  Hún bara geti ekki staðið í þessu fyrir svona lítinn pening og það þurfi að borga öllum jólabónus og yfirvinnu.  Síðan kostar líka rafmagnið og hitinn ásamt húsaleigunni eitthvað.  Ekki séu umbúðirnar ókeypis o.s.fr.   Mamma gamla lætur dæluna ganga yfir kúnnann sem kom með After Eight í góðar 6 eða 7 mínótur.

Sem betur fer varð ég ekki vitni að þessu.  En mamma lætur ekki duga að hrella einhverja viðskiptavini sem sæta stelpan er vön að afgreiða.  Hún hjólar reglulega í starfsfólkið sem býr til rjómann.  Skammar það og hvessir sig þannig að hörðustu harðjaxlar skjálfa á beinunum.  Litlar stelpur fara að gráta og þarf oftar en ekki að hugga þær fram á nótt.  Afleiðingar af þessu eru mun meiri starfsmannavelta og lélegur mórall svona a.m.k. vikuna eftir köstin.

Já þetta eru einhver köst sem mamma fær og þarf að fá útrás fyrir.  Ég hef oft talað við hana út af þessu og alltaf fer hún í vörn og neitar staðfastlega að hafa æst sig og skammast.  Hún segir einfaldlega að fólk bara misskilji sig.  Röddin hennar sé bara í svona æstri tóntegund og einhverjar fleira álíka lélegar afsakanir.  Síðan skammar hún mig fyrir að skamma hana og segir að ég sé ekki fullkominn sjálfur.

Það er rétt hjá henni en kemur málinu ekkert við.  Stundum viðurkennir hún að hafa brunað á jarðýtu yfir strikið og upp á bak á viðkomandi manneskju þó ekki með þessu orðum og hún viti að hún eigi ekki að sinna starfsmannamálum.  En aldrei tekst henni að laga þetta og nýjar tilefnislausar skammarræður hrannast upp í fjallháa hauga.  Ég veit ekki hvað gera skal en eftir síðasta ævintýrið fékk ég mig full saddan og lét hana heyra það.  Hún móðgaðist og sagðist ætla að hætta að mæta í vinnuna og það þýddi ekkert fyrir mig að hringja í sig ef vantað starfsfólk.

En ekki stóð hún við þetta og var búin að gleyma öllu daginn eftir.  Sem er gott því ekki vill maður lifa í fortíðinni.  Ég held að þessi köst sem mamma fær séu arfur frá ömmu sem er ættuð að Vestan.  Þaðan komi þessi geðvonsku gen sem hafa leikið systur hennar miklu verr en hana sjálfa.  Þó mamma sé slæm og taki hlutum illa sem venjulegt fólk getur haldið ró sinni yfir þá eru systur hennar töluvert verri.

Önnur, sem er öryrki á Flórída og keyrir um á 7 milljón króna Lexus, á það til að stela peningum af börnunum sínum ásamt því að neita að tala við þau.  Svona ástand kallar á sálfræðinga og hópþerapíu.  Börnin sem öll eru vel gift læknum og viðskiptafræðingum líður auðvitað illa fyrir vikið.  En það er alveg sama hvað reynt er alltaf þarf systir mömmu að sýna börnum sínum og öðru fólki óþverraskap af verstu sort.

Hin systirin stendur í þeirri trú að hún hafi alltaf rétt fyrir sér ásamt frekju sem helst mætti líkja við eldgosi úr Heklu eða Kötlu.  Hún er almennileg við mann alveg þangað til hennar skoðanir og þínar fara ekki alveg saman.  Þá skaltu passa þig og búa þig undir óveður sem getur varað í mörg ár ef ekki mannsaldra.  En það er einmitt það sem gerðist þegar pabbi þeirra lá á banabeðinu illa haldinn af Alsheimer.  Þá fór systurnar að rífast um allt erfðagóssið sem telst nú varla til mikilla auðæfa en geta borgað einhver sumarhús handa öryrkjum á Flórída og 10 nýja Lexusa.

Til að gera langa og mjög vitlausa sögu aðeins styttri skulum við segja að öll jólaboð séu haldin með breyttu sniði. 

Íslenskir ritskoðarar á Moggablogi.

Jæja, loksins er ég kominn yfir 15.000 heimsóknir.  Það tók lengri tími en bjartsýnustu áætlanir gerðu ráð fyrir en hafðist samt.  Í byrjun setti ég mér takmarkið 100.000 heimsóknir þannig að nú á ég bara eftir 75.000.  Nokkrir hafa gefið sig á tal við mig útaf þessum skrifum mínum.  Flestir af þeim þekki ég vel en í einu tilviki fékk ég ónafngreind sms skilaboð frá leyni aðdáanda.  Ég kann OgVodaphone bestu þakkir fyrir ónafngreind sms skilaboð, þau gera lífið meira spennandi.  Ég þakka mig sæla að hafa ekki fengið líflátshótanir eða eitthvað þaðan af verra.  

Eitt fer reyndar í taugarnar á mér.  En það eru svokallaðir ritskoðarar.  Þetta er fólk sem heldur úti heimasíðum og fær jafnvel sérstaka kynningu í Morgunblaðinu.  Margir heimsækja viðkomandi síður í kjölfarið og vilja rita sína skoðun á viðkomandi grein.  En fuss og svei eigandi heimasíðunnar leyfir ekki öllum að commenta hjá sér.  Sóley Tómasdóttir er þekkt dæmi og hefur margur dóninin eins og t.d. ég verið meinaður aðgangur fyrir dónaskap(dirty talk) eða smá kaldhæðni (cold djoks).  En margir fleiri nota ritskoðun til að stjórna þeim commentum sem birtast hjá sér.  

Ég hef oft spurt mig hver er tilgangurinn með ritskoðun.  Eru síðuhöfundar að refsa einhverjum sem sýnir dónaskap eða kannski að stroka þá út sem eru þeim bara ósammála þrátt fyrir almenna kurteisi.  Í flestum tilvikum sýnist mér viðkomandi ritskoðari vera að refsa fólki fyrir að vera ósammála.  Þeir sem leyfa comment en eru síðan að ritskoða þau eru náttúrlega algjörlega að misskilja tilgangin með þeim.  Sérstaklega þegar viðkomandi virðist þrífast á skoðanaskiptum og ritdeilum við fólk úti í bæ. 

Það er freistandi að nefna fleiri dæmi en ég vil ómögulega falla í ónáð hjá einhverjum.  Þrátt fyrir allt vil ég ekki vera á svörtum listum úti um allan bæ hjá bloggurum. 

Má Rove ekki hrækja?

Samkvæmt fréttinni frussaði Rove bara smávegis á ennið hjá þessum fallega söngfugli.  Einu sinni fór ég í bíó og lenti fyrir aftan Björk Guðmundsdóttur.  Sem er nú varla í frásögur færandi nema hvað ég hló svo mikið að blautt poppið þaut í allar áttir en þó alveg sérstaklega beint í hárið á söngkonunni.  Sem betur fer tók hún ekki eftir þessu og engin leiðindi urðu i kjölfarið. En ég hef nánast hætt að fara á kvikmyndir svona til að verða mér ekki til skammar eða valda óþarfa uppnámi.

Ég er algjörlega á móti því að fólk keyri bíla eftir stífa drykkju hvort sem stunduð er í heimahúsum eða á skemmtistöðum.  En ég sé ekkert að því að keyra bíl eftir einn lítinn bjór.  Það er nefnilega alveg svakalega leiðinlegt að keyra ófullur.  Einn bjór gerir aksturinn líka snúnari þannig að maður neyðist til að hafa alla athygli á veginum.  Ef bjór gerir fólk óhæft til að stjórna ökutæki ætti líka að banna öll samtöl við bílstjóra og reykingar.

Fólkið í vinnunni er alveg búið að venjast bjórdrykkju minni.  Allir löngu hættir að kvarta og koma athugasemdum á framfæri við yfirmanninn.  Enda er ég miklu skemmtilegri eftir einn og stundum tvo bjóra.  Samstarsfólk mitt áttaði sig á þessu þegar ég mætti bjórlaus í vinnuna í síðustu viku.  Allir héldu að ég væri veikur og sumir gengu svo langt að gera því í skóna að ég væri með alvarlegan sjúkdóm.  Sem betur fer var þetta bara einn dagur.  Í dag gengur allt vel og vinnufélögunum þykir vænt um mig.

En ég get nú varla sagt það sama um stjórnmálamenn og flokka þessa lands.  Hvað hafa þeir gert fyrir mig síðustu fjögur árin.  Þeir styrktu að vísu Birgið um nokkuð margar milljónir og fengu gott klámmyndband til að horfa á í staðin.  Síðan gáfu þeir gervilimi til Íraks  og hjálpuðu börnunum sem þeim fannst í lagi að sprengja.  Sendu íslenska kvennakyns ökumenn til Sádi Arabíu á ökunámskeið.  Ekki má gleyma stuðningi við dreifingu klasasprengja yfir Líbanon.  En sú aðgerð Ísraels eykur sölu á íslenskum gervilimum.  Ok, ok þeim þykir víst vænt um mig.

  

 

Rove sagður hafa hrækt á Sheryl Crow

Tveir góðir

 

Þessir tveir gætu komið Mr. Clinton í vanda.

Vill nýta vinsældir Clintons til að bæta ímynd Bandaríkjanna

Það er dýrt að vera ég.

Vonandi á Ingibjörg eftir að rúlla upp komandi kosningum.  Þó hana vanti allan sjarma og virki stundum á mann eins og ljóta nornin í Galdrakallinum í Oz.  En það kemur varla að sök ef málefnin eru góð. 

Annars er bara allt gott af mér að frétta.  Vinnan er ennþá jafn leiðinleg og nýlega var ég sakaður um kynferðislegt áreiti.  En það var bara einn stór misskilningur sem leiðréttist þegar ég var búinn að borga stelpunni 100.000 kall.  Hún hætti við allt saman.

Ég var nýlega gerður að yfirmanni sorphirðudeildar.  Þetta er nú ekki merkilegt þar sem við kaupum alla þjónustu frá Gámaþjónustinni.  Held reyndar að þetta hafi verið djók hjá forstjóranum en ég fékk heilar 780 krónur í launahækkum.  Það er nú eitthvað á þessum síðustu og verstu tímum.

Gaf litla frænda mínum 1000 kall í afmælisgjöf þannig að 780 kallinn dugði skammt.  En ég gat nú ekki farið að gefa litla dýrinu minna.  Mér hefði sennilega ekki verið boðið aftur í afmælisveislur þar á bæ.

Reyndar eru þessar dýru fermingagjafir komnar út í tóma vitleysu.  Ég heyrði af einum sem fékk 7 milljón króna Porche jeppa frá pabba sínum.  Komon krakkinn er ekki nema 14 ára og langt í bílprófið.  Ég held að kirkjan verði að beita sér í þessu og stoppa svona rugl.  Er samt ekkert viss um hún vilji það.  Ef ormarnir fengju ekki svona fínar gjafir nenntu þeir sennilega ekki að ferma sig.

En þetta er orðið gott í bili, meira kannski síðar.

Kær kveðja,

Gyðinga klám

Það verður seint sagt að gyðingum sé ekki margt til lista lagt.  Þeir skara fram úr í vísindum, tónlist, heimspeki, kvikmyndagerð o.fl.  Nöfn eins og Einstein, Spielberg, Jerry Seinfeld og Bob Dylan hljóma kunnuglega. 

Þeir eru líka duglegir að móta mannkynssöguna.  Karl Marx, Leon Trotsky, Winston Churhill, Jack Ruby, Monica Lewinsky og Richard Pearl.

Síðan ráða þeir förinni í blessaðri klámvæðingunni nöfn eins og Ed Powers, Jamie Gillis, Harry Reems,  Mark Stevens, Randy West, Herschel Savage, Steve Hirsch og Ron Jeremy leika þar stórt hlutverk.

Svona í stuttu máli þá er þetta allt gyðingum að kenna, bæði hið góða og slæma.  Guð og Satan eru sennilega nákomnir þeim.

Knús allir.

Offita er ekki sjúkdómur kæri vinur.  Láttu engan telja þér trú um það og kýldu bara þá í andlitið sem halda þessu fram.  Þó ég telji að ofbeldi leysi ekki vandamál gera ég undantekningu í þessu máli.

Annars er líka bara allt gott að frétta af mér.  Vinnan er alltaf eins og frekar leiðinleg.  Sem betur fer er ég að vinna með góðu fólki, knús allir.  Síðan er ég byrjaður að drekka smá í vinnunni til að gera lífið ögn skemmilegra.  Svokölluð danska-leiðin.

Ég vildi gjarnan að ég ætti fleiri vini en flestum finnst ég alveg hundleiðinlegur og skilja ekki húmorinn minn.  Síðasti vinur minn hætti að tala við mig eftir að ég reyndi að drepa hann með hrífu.  Reyndar var þetta alveg óvart en hann kunni samt ekki að meta það.

Ég er líka smá feitur en skammast mín ekkert.  Það er betra að geta falið nammið undir húðfellingum.  Um daginn faldi ég pizzu í þriðju magafelllingunni.  Öryggisvörðurinn í búðinni stoppaði mig og reif úr fötunum en hann fann ekki neitt.  Ekkert smá fyndið.

Pabbi er dáinn svo það gengur frekar illa að ná tala af honum.  Stundum finn ég vonda lykt sem minnir mig á pabba gamla en oftast er þetta bara táfýla af mér.

Bestu kveðjur og knús.

Ég er vinsælli en Hannes Hólmsteinn.

Samkvæmt topp 400 síðunni er ég ennþá vinnsælli en Hannes.  Hef að vísu smá forskot sem klárast sennilega núna á eftir eða í nótt.  Sem leiðir mig að þeirri spurningu hver nennir að lesa blogið hans Hannesar frekar en að eiga góðan nætursvefn.  Ok, Hannes nennir því pottþétt sjálfur og kannski glaði vinur hans.  En hverjir fleiri, nennir þessi glanni því eða pallivareinníheiminum og jafnvel herra Stefán.  Nei annars það er ljótt að gera þessu í skóna.

Reyndar kemur hann með góðan punkt um hlýnun jarðar.  Dýraprump og rotnandi gróður hafa meiri áhrif á hlýnun jarðar en hann sjálfur.  Síðan segir Hannes að þótt margir séu sammála eða bara næstum allir segi það lítið hvort þeir hafi rétt fyrir sér.  Þarna er hann sennilega að vitna í eigin reynslu. 

Hannes segir að ríkisstjórn Davíðs Oddssonar og Co. hafi búið til kerfi sem geri einstæðum fimm barna mæðrum kleift að lifa eins og þreyttar drottningar.  Kerfið borgi drottningunni um 220.000 krónur á mánuði fyrir að vera heima hjá sér eða 327.000 krónur ef hún vinnur úti.  Síðan segir Mr. Hólmsteinn að á Íslandi geti ungt fólk fengið vinnu hjá Bónus eða borið út Moggann og unnið sig úr fátækt í bjargálnir.

Þetta er sennilega mjög stórt hverfi sem þarf að bera blöðin út í.