Til hamingju Ísland.

Mikið svakalega var ég stoltur þegar Sjálfstæðisflokkurinn og Framsókn ákváðu að styðja innrásina í Írak.  Loksins eitthvað spennandi í sjónvarpinu síðan 1991 og við litla Ísland gerendur.  Framlag okkar var nú ekki sérstaklega mikið bara nokkur hundruð milljónir.  Það fæst varla nothæft klóset í nýja Tónlistarhúsið fyrir þann pening.  En öll framlög voru vel þegin svo má ekki gleyma Íslendingunum sem voru næstum búnir að finna öll gereyðingavopnin.

Mér finnst full ástæða til að þakka núverandi stjórn með þessa vel heppnuðu innrás.  Geir Hilmar Haarde og Björn Bjarnason fá alveg sérstakar hamingju óskir í tilefni dagsins.  Svo vil ég líka þakka Þorgerði Katrínu fyrir hennar störf í þágu látinna barna í Írak.  Hennar stuðningur hefur svo sannarlega glatt margar sálir.

Við skulum vona að allir Írakar kunni að meta þennan glaðning og gefi okkur svipaða gjöf þegar fram líða stundir.  Samkvæmt mínum heimildum hafa Írakar það miklu betra en þegar Saddam var við völd.  Nú eru t.d. yfir tvær milljónir Íraka að leggja land undir fót og skoða heiminn.  Eins og allir vita fylgja miklar tekjur ferðamönnum og sérstaklega frá ríkum löndum.  Hérna er tækifæri fyrir íslenskar ferðaskrifstofur og Jónína Bjartmars gæti boðið nokkrum Írökum íslenskan ríkisborgararétt svona til að sýna að litur Framsóknar er grænn en ekki blóðrauður.

 

 

Þess minnst að Saddam Hussein hefði orðið sjötugur í dag

Áskorun til Ingibjargar Sólrúnar.

Kæra Ingibjörg.

Fyrir hönd íslensku þjóðarinnar skora ég á þig að kjósa rétt í komandi kosningum.  Kjóstu stjórnmálaflokk sem hefur metnað og skýra framtíðarsýn.  Sjálfstæðisflokkurinn hefur þessa skýru sýn undir forystu Sigurðs Kára og Gísla Marteins með góðum stuðningi frá Hannesi Hólmsteini.

Sigurður og Gísli eru unglegir og blautir bakvið eyrun en örvæntu ekki bleytan er komin frá Hannesi.  Hann hefur passað að vökva þá reglulega með þessum góða árangri sem allir sjá.  Ekki kaupa köttinn í sekknum kauptu þá Kára og Gísla og fáðu einn Hannes í kaupbæti.

X-D 

„Það þarf konu til að koma jafnaðarmannastjórn að völdum"

Einar K. skammarbréf

 

Einari K. finnst í lagi að ráðast á önnur lönd ef tilgangurinn er að gera fólkinu sem þar býr greiða.  Þetta fannst Saddam Hussein líka og herra Hitler.  Nú er ég ekki að segja að  Einar sé fól eins og þessir tveir kallar.  Bara að þeir eru sammála um eitthvað.

Einar K. sér ekki skóginn fyrir trjánum.  Stríð virðast ekki vera mikið vandamál ef þau eru friðarstríð.  Væntanlega með friðarhermenn að stilla til friðar og koma friðardúfum til valda.  En auðvitað er þetta tóm vitleysa.  Sjáum bara hvað er að gerast í Írak.  Allt í steik og ég er ekki að tala um svínasteik með puru.  Einari finnst þetta stríða réttlætanlegt þó árangurinn sé ekki alveg í samræmi við ítrustu væntingar.

Einar og hans skoðanabræður í Sjálfstæðisflokknum réttlættu innrásina í Írak með orðunum "Saddam er vondur maður og drap voða marga, líka sína eigin þegna."  Stærsta illvirki Husseins var innrásin og stríðið við Íran.  Stríð sem faðir George Bush studdi með ráðum og smá pening.  

Í þessu ljósi verður forvitnilegt að fylgjast með hvaða skoðanir Einar hefur á "hugsanlegri" árás Bandaríkjanna á Íran.  Ef af verður hvort þá sé ekki í lagi að ráðast á USA og fangelsa forsetann.  Skyldi stríð flokkast undir spil og leikir?  

Ráðherrann slapp ómeiddur úr bílveltu

Er Davíð ekki alveg örugglega hættur?

Hvað sagði Davíð Oddsson á blaðamannafundi með George Bush: 

"Ég verð að segja að ég er algjörlega sammála forsetanum varðandi ástandið í Írak.  Framtíð Íraks er, framtíð okkar allra er mun bjartari vegna þessa uppátækis sem Bandaríkin, Bretland og þeirra vinir stóðu að.  Án þess væri ástandið í þessum heimshluta miklu hættulegra en það er nú.  Nú er von.  Það var engin von áður."

Næstu kosningar snúast um hvort Sjálfstæðisflokkurinn hafði leyfi til að styðja innrásina í Írak fyrir hönd Íslands. 

 

Geir nýtur mestra vinsælda

Alcan spalcan

Svo virðist að þeir sem styðja álver geri það út frá eigin hagsmunum og græðgi.  Allir vilja fá álver í garðinn sinn svo hinir fái það ekki.  Hinir mega ekki græða því þá hlýt ég að tapa.  Afhverju smíðum við ekki stærsta álver í heimi á Ísafirði?