Hulunni svipt af blekkingum fjölmiðla. (partur eitt)

Ég verð bara að lýsa algjöru frati á vestræna fjölmiðla!  Ekkert nema lygar og rangfærslur og síðan eitthvað um Britnu Spjérs.  Fjölmiðlar virðast vera í vinnu fyrir ákveðin öfl sem vilja strá hatri, ótta og hlýðni við stjórnvöld yfir sofandi almenning.  Lítið dæmi um þetta er textalínan sem er send út á Fox News frétta stöðinni.  En þar stendur alltaf "aukið hættustig" svona rétt til að minna á að einhver yfirvofandi hætta sé fyrir hendi.  Þó Fox News sé varla fréttastöð fyrir Íslendinga með yfir 5 í greindarvísitölu þá er hún í eiga Roberts Murdoch sem á t.d Sky News, NYtimes, Dow Jones, Times, Wall Street Journal og einhverja 200+ fjölmiðla út um allan heim.  Og Íslendingar fá mikið af erlendum fréttum sínum frá þessum miðlum.

Robert þessi er nú líka besti vinur Tony Blair, George Bush og stríðsins gegn hryðjuverkum.  En hvað skyldu nú öll 174 blöðin sem hann á hafa lagt til málana skömmu fyrir innrásina í Írak.  Þau voru öll sammála að hún væri hið besta mál og hefði verulega góð áhrif á frið og framfarir í landinu.  Já öll með tölu!  Það voru sem sagt 174 ritstjórar sammála um góð áhrif innrásarinnar.  Algjör tilviljun ef þú ert fimm ára og trúir ennþá á jólasveininn.

Hér er kominn skýringin á því afhverju þú færð alltaf sömu helv. fréttirnar á öllum stöðum og allir eru sammála um að stríð séu góð lausn á vandamálum.  Hérna er líka skýringin á því afhverju þú færð aldrei að vita þegar stjórnvöld ljúga að þér.  Menn komast til valda í gegnum fámennar klíkur sem ráða hvað þú sérð og heyrir.  Stjórnmálamenn vinna kosningar með hjálp fjölmiðla sem síðan passa upp á sinn mann.

Sarkozy er nýjasta dæmið um þetta.  Hann komst á toppinn með miklum stuðninga fjölmiðla sem hömpuðu honum sem einu von Frakklands.  Bara Sarkozy gæti bjargað efnahag landsins og endurheimt gleymt stolt.  Auðvitað vann Sarkozy kosningarnar því hinir frambjóðendurnir voru málaðir sem ónothæfir asnar í samanburðinum.  Hvað gerði Sarkozy eftir glæsilegan sigur, jú hann flaug til Bandaríkjanna og þakkaði góðan stuðning.  Ég er Sarkozy hin bandaríski og núna skulum við öll fara saman í stríð við Íran.

Núna er sami leikurinn leikinn og fyrir innrásina í Írak.  Allir fjölmiðlar Murdoch keppast um að segja almenningi að það að ráðast ekki á Íran sé versti mögulegi leikurinn í stöðunni.  Kannski ekki góður leikur en gæti hugsanlega lagað ástandið í Írak!!  Svo eru hin ríkin í kringum Íran hrædd og munu styðja árás.  Allt haft eftir ónafngreindum aröbum sem vilja líka frið og stöðugleika.  Þessari atburðarás er stjórnað frá einu herbergi í öllum heiminum.  Allt matað ofan í okkar eftir kúnstarinnar reglum.  Ert þú líka svangur?

 

 

 

 

 

 

CNN ætlar að fjölga starfsmönnum

Kemur Sarkozy til Íslands?

Sarkozy er geðillur og skapstór.  Hann er vanur að ganga á dyr ef honum líkar ekki eitthvað.  Sem getur nú verið ansi margt í hans tilfelli.  Hvernig Frökkum datt í hug að kjósa þennan fljóthuga, skapstóra og geðilla mann er mér hulin ráðgáta.  Zarkozy kallar sig Ameríkana en finnst síðan í lagi að ráðast á fréttamenn, taka ljósmyndavélar af ljósmyndurum, rífa kjaft við blaðamenn, henda fréttakonu út og margt fleira í þeim dúr.  Svona myndi ekki nokkur bandarískur stjórnmálamaður láta!  En það er nú málið með Sarkozy að hann veit að fólkið sem kaus hann, kaus ekki persónuna Sarkosy heldur einhverja tálsýn um betra og sterkara Frakkland.  Eitthvað bull sem hann og valdamiklir vinir hans matreiddu ofan í svanga frakka. 

En auðvitað er þetta bara bull.  Sarkozy er kominn til að gera þá ríku ríkari og fátæku fátækari.  Síðan ætlar hann með bandarísku vinum sínum að koma Evrópu út í miðjan Persaflóan blóðugur upp fyrir axlir og skellihlæjandi.  Verði okkur að góðu. 

Frakklandsforseta ákaft fagnað á Bandaríkjaþingi

Fyrst gasa svo skjóta.

Stríð eru góð fyrir hagkerfið og draga úr fólksfjölgun.  Reyndar eru ekki allir sammála þessum fullyrðingum en ef eitthvað er nógu gott fyrir gyðinga í Ísrael ætti það að vera nógu gott fyrir Íslendinga.  Til að koma vitinu fyrir þessa aumingja Gasabúa er nauðsynlegt að gasa þá eða skjóta.  En fyrst þarf að mýkja þá og hvað er betra en að skrúfa fyrir vatn, rafmagn, eldsneyti og mat.  Það er vitað mál að svangt og illa nært fólk er auðveldara viðureignar en þeir sem eru hraustir og fengið nægan svefn.  Fyrst gasa svo skjóta eða bara bæði.

 

Rússar fordæma einangrun Gasa

Ingibjörg Sólrún vill kannski verða forseti?

Það stendur ekki til að gera ESB að Bandaríkjum Evrópu eða svo er sagt.  En samt dettur þessum fuglum það snjallræði í hug að búa til embætti forseta og stinga síðan upp á stríðsglæpamanni til að gegna því.  Þegar gamli kallinn meig upp í loft hélt ég að hann væri svona glaður að sjá konu sína en það var misskilningur honum þótti heit rigning bara góð. 

 

 

Blair kann að verða fyrsti forseti Evrópusambandsins

Opið bréf til Hönnu Birnu.

Kæra Hanna.

Ég finn til með þér eftir síðustu atburði á pólitíska sviðinu.  Missa völd og áhrif á einu bretti sem Björn Ingi svikahrappur henti beint í Tjörnina.  Varla þarf að ímynda sér hvað þú ert að hugsa og um hvern þessa síðustu og verstu daga hér í höfuðborg allra landsmanna.  Ég hef fylgst með þér af og til síðan þú steigst upp á stól og lýstir yfir framboði til borgarstjórnar.  Á flestum myndinna sem ég hef séð ertu með smá fýlusvip en á þessari mynd sem fylgir fréttinni ertu brosandi, kannski ekki út að eyrum en svona hálfa leið.

Afhverju þessi gamli meirihluti leystist upp í þrjár frumeindir er greinilega spurning sem þú villt ekki svara með heiðarlegum hætti.  Það þýðir ekkert að kenna Birni svikahrappi um allt ruglið.  Þú hlýtur að bera mikla ábyrgð ásamt lilla Klifurmús og Villa viðutan.  Þegar þú sagðir í fréttum allra landsmanna að Björn svikahrappur hefði nú bara þurft að samþykkja ykkar skoðun til að leysa málið fannst mér það pínulítið fyndið.  Gat Björn svikahrappur ekki bara haft rétt fyrir sér og þú ekki.  Datt þér það aldrei í hug. 

Ef ég skil þetta rétt voru allir sammála um að einkavinavæða OR með óbeinum hætti til að leysa krafta Bónus, FL Group og Magga milljón úr læðingi.  Þú líka ásamt öllum hinum dýrunum í D-lista skóginum.  Fyrst svo var afhverju þurfti allt í einu að selja REI fyrir 10 billur þegar allir eða nánast allir verðlögðu hlut OR á 18 billur(8 billur fé og eignir, 10 billur fyrir 20 ára einkasamning.)  Miðað við þessar forsendur ætlaðir þú ekki að gæta hagsmuna borgarbúa.  

Mín niðurstaða er að hvorki þú né Villi sem vissi ekkert voruð að gæta hagsmuna okkar sem ekki eru í Einkavina group hf. félaginu.  Þú glottir svona fallega af því að þú veist upp á þig skömmina, skamm, skamm.

 

Kær kveðja,  Björn Group hf.

 

„Við sinntum störfum okkar vel"

Gamli góði Villi

Gamli góði Villi lét Björn taka sig í bólinu.  Eitt verð ég að segja um málflutning Villa.  Hann stenst ekki nánari skoðun.  Villi og vinir stofna REI til að flytja út íslenska þekkingu og hjálpa bágstöddum.  Villa og öllum finnst þetta frábær hugmynd.  Stuttu seinna koma nokkrir duglegir bankastrákar og biðja Villa að hætta þessu.  Þeir séu líka í svona hugleiðingum og geti ekki hugsað sér ríkisstyrkta samkeppni. 

Villi er vænsti kall og samþykkir sameiningu við fyrirtæki strákanna.  Topparnir í OR sjá þarna tækifæri til að græða (kaupréttarsamningar) og eru til í þetta.  Allt verður þetta að fara mjög hljótt til að Svandís fari ekki með málið í fjölmiðla og Gísli Marteinn má heldur ekki vita neitt því bankastrákarnir eru ekki hans vinir. 

Svo þegar allt kemst upp á nokkrum huggulegum fundum verður Gísli Marteinn fúll og vill bara selja allt saman.  Villi segir það stóð alltaf til og vill bara líka selja.  Er í lagi að Villi borgarstjóri stofni fjárfestingarfélög með peningum Reykjavíkur og "selji" það næsta kunningja eða bankastrák?  Fjandinn hafi það, þetta er verulega sjúkt.

„Fyrrum minnihluti bjargaði Birni Inga fyrir horn"

Pólitísk útför Villa viðutan.

Aldrei á ævinni hef ég séð Björn Inga fara jafn illa með gamla góða Villa.  Þetta er virkilega leiðinleg framkoma af hálfu eins Framsóknarmanns sem heldur að hann sé vegurinn og ljósið.  Hvernig fjósamafíunni í Framsóknarflokknum dettur í hug að sparka í afturendan á gömlum Sjálfstæðismanni með hártopp er mér hulin ráðgáta.  Er Björn að hefna sín útaf einhverju?  Er Björn svikahrappur eða kynskiptingur?  Dæmi hver fyrir sig.

 

Sviptingar í borgarstjórn

Opið bréf til Björns Inga Hrappssonar.

Kæri nafni,

 

Það dregur engin í efa þinn einlæga áhuga á að gera gott  fyrir Reykvíkinga.  Hvorki ég né mamma eða Siggi frændi höldum annað.  En samt efast ég stundum eins og Júdas forðum.  Hvers vegna ertu að skammta sjálfum þér peninga og völd út á einhverja 250 dauða Framsóknarmenn sem þú særður upp úr gröfum sínum í síðustu kosningum.  Hefði ekki verið betra að leyfa þeim að liggja þangað til Guð kallaði þá til sín til að taka þátt í nýja konungsríkinu þar sem syndin er ekki til.

Það er synd að þú skulir feta í fótspor lærimeistara þíns Finns Ingólfssonar.  Sá gróðapungur kann að taka peninga almennings og fara með heim.  Þú heldur greinilega að góðir og grænir Framsóknarmenn eigi að haga sér eins og Finnur sem finnur alltaf peningana mína.  Auðvitað eiga hjól atvinnulífsins að snúast en þú átt ekki að taka peningana mína ófrjálsri hendi.  Hvort sem það er gert með hagsmuni þína eða vina þinna að leiðarljósi.

Vonandi náðu Kínverjarnir sem þú varst að heimsækja að koma vitinu fyrir þér.  Væri nú ekki nær að taka sér Konfúsíus til fyrirmyndir frekar en Bjarnarbófana í Andrés Önd eða Finn Ingólfs.   

Björn Ingi: Kauprétturinn var mistök

Opið bréf til pabba Bjarkar.

Kæri Guðmundur.

 

Ég vil þakka þér fyrir þitt framlag til íslenskar menningar.  Björk Guðmundsdóttir hefur glatt mitt litla barnshjarta árum saman og framkoma þín í sjónvarpi allra landsmanna hefur gefið mér mikið.  Það er ekki öllum opinberum fígúrum gefið að tala mannamál en þér og dóttur þinni tekst það einstaklega vel.  Svo oft á tíðum er unun að fylgjast með.

En ég verð nú samt að skamma þig pínu pons.  Nektarmyndin sem ég held að þú hafir sent mömmu var nú ekki alveg það sem hún vildi fá frá þér.  Mér skildist á henni að þessi mynd hafi verið frekar vafasöm ef þú veist hvað ég á við.  Mamma var bara að hjálpa Týra bróður með eitthvað klúður Iðnskólans á prófi en ekki að biðja um eitthvað meira. 

Bréfið eða þessi yfirlýsing sem þú sendir frá þér er nú jafnvel vafasamari en myndin góða.  Að halda því fram að líf og limir manna séu í stórhættu vegna þess að einhverjir félagar þínir fengu ekki vinnu og koma ekki fram með neinn rökstuðning er forkastanlegt.  Til að hægt sé að taka mark á svona yfirlýsingum verður þú að rökstyðja mál þitt ekki bara vera með upphrópanir!    

 

Spilað með öryggi 350 ungra fjölskyldna segir formaður Rafiðnarsambandsins

Pólitískt leikrit Steingríms J.

Það er alveg á hreinu að lætin í Steingrími J. og skammir hans í garð Framsóknar eru bara sjónarspil.  Gert til að villa um fyrir Geira og Þorgerði, sætustu stelpunni á ballinu.  Framsókn, VG og Ingibjörg verða í næstu ríkisstjórn Íslands.  Til hamingju eða þannig.

Ekki grundvöllur fyrir áframhaldandi samstarfi stjórnarflokkanna