Hommar og hinsegin, náttúruleg getnaðarvörn.

Nákvæmar rannsóknir gefa til kynna að tveir karlmenn geti ekki eignast barn saman.  Tvær konur sem stunda kynlíf saman eru líka nokkuð öruggar að krakki komi ekki undir.  Kynlíf einstaklinga af sama kyni er því ein öruggasta getnaðarvörn sem völ er á.  Þessari staðreynd er ekki nægilega haldið á lofti og hér virðast íslensk skólayfirvöld hafa brugðist.  Smokkurinn og pillan ásamt öðrum hefðbundnum getnaðarvörnum er það sem krökkunum er kennt að nota.  

Í  Bandaríkjunum hefur þeirri hreyfingu vaxið ásmegin sem vill að ungt fólk noti kynlífsbindindi sem getnaðarvörn.  Þetta er svipað og banna fólki að keyra til að koma í veg fyrir bílslys.  Besta leiðin er að nota bílbelti og keyra varlega.  Og með sömu rökum er besta leiðin til að koma í veg fyrir getnað ef fólk vill á annað borð stunda kynlíf að stunda það með félaga af sama kyni. 

Nú er ég ekki að mæla með kynlífi, síður en svo.  Sameinuðu þjóðirnar hafa gefið út skýrslur sem vara við offjölgun mannkyns sem er nota bene bein afleiðing af kynlífi karls og konu.  Of margt fólk skapar verulega ásókn í gróður, vatn og aðrar náttúruauðlindir.  Sem umhverfisverndarsinna og áhugamanni um stóra bíla skil ég þennan vanda betur en margur.

Ég vil því skora á íslensk stjórnvöld og Sameinuðu þjóðirnar að endurskoða sinn gang ef ekki á illa að fara.  Hér þurfa reyndar fleiri að koma að ef árangur á að nást.  Kirkja, skóli, Rauði hálfmáninn og Alþjóða gjaldeyrissjóðurinn svo einhverjir séu nefndir.  

 

Athugasemdir

[Björn Heiðdal, 2.10.2007 kl. 23:04]

Skúla, áhugamanni um hryðjuverk og ritskoðara, finnst kleinuhringir með súkkulaði eitthvað óviðeigandi og stingur þess vegna upp á snúðum í staðin.  Ég geri mér fulla grein fyrir því að Skúli Skúlason stendur á gati yfir þessum fullyrðingum mínum um öruggt kynlíf.  Hann getur ekki mótmælt þessu efnislega en telur að kynlíf með snúðum sé skárri kostur en kynlíf með samkynja einstaklingi.