Íslenskir ritskoðarar á Moggablogi.

Jæja, loksins er ég kominn yfir 15.000 heimsóknir.  Það tók lengri tími en bjartsýnustu áætlanir gerðu ráð fyrir en hafðist samt.  Í byrjun setti ég mér takmarkið 100.000 heimsóknir þannig að nú á ég bara eftir 75.000.  Nokkrir hafa gefið sig á tal við mig útaf þessum skrifum mínum.  Flestir af þeim þekki ég vel en í einu tilviki fékk ég ónafngreind sms skilaboð frá leyni aðdáanda.  Ég kann OgVodaphone bestu þakkir fyrir ónafngreind sms skilaboð, þau gera lífið meira spennandi.  Ég þakka mig sæla að hafa ekki fengið líflátshótanir eða eitthvað þaðan af verra.  

Eitt fer reyndar í taugarnar á mér.  En það eru svokallaðir ritskoðarar.  Þetta er fólk sem heldur úti heimasíðum og fær jafnvel sérstaka kynningu í Morgunblaðinu.  Margir heimsækja viðkomandi síður í kjölfarið og vilja rita sína skoðun á viðkomandi grein.  En fuss og svei eigandi heimasíðunnar leyfir ekki öllum að commenta hjá sér.  Sóley Tómasdóttir er þekkt dæmi og hefur margur dóninin eins og t.d. ég verið meinaður aðgangur fyrir dónaskap(dirty talk) eða smá kaldhæðni (cold djoks).  En margir fleiri nota ritskoðun til að stjórna þeim commentum sem birtast hjá sér.  

Ég hef oft spurt mig hver er tilgangurinn með ritskoðun.  Eru síðuhöfundar að refsa einhverjum sem sýnir dónaskap eða kannski að stroka þá út sem eru þeim bara ósammála þrátt fyrir almenna kurteisi.  Í flestum tilvikum sýnist mér viðkomandi ritskoðari vera að refsa fólki fyrir að vera ósammála.  Þeir sem leyfa comment en eru síðan að ritskoða þau eru náttúrlega algjörlega að misskilja tilgangin með þeim.  Sérstaklega þegar viðkomandi virðist þrífast á skoðanaskiptum og ritdeilum við fólk úti í bæ. 

Það er freistandi að nefna fleiri dæmi en ég vil ómögulega falla í ónáð hjá einhverjum.  Þrátt fyrir allt vil ég ekki vera á svörtum listum úti um allan bæ hjá bloggurum. 

Athugasemdir

[Haukur Nikulásson, 7.10.2007 kl. 01:22]

Sóley er sú eina sem forðast að kvitta hjá... fyllilega meðvitað. Hún er ekki í lagi.

[Katrín Snæhólm Baldursdóttir, 9.10.2007 kl. 15:09]

Man þegar ég rambaði einu sinni óvart inn á síðuna hjá Binga sem leyfir engum að segja sína skoðun upphátt hjá sér..að hann var að blogga um hvað hann fengi jákvæð viðbrögð við skoðunum sínum og mikinn stuðning "frá fólki úti í bæ semhann hitti"...hahaha. Það var sko hámark nördaskaparins.

[Björn Heiðdal, 10.10.2007 kl. 20:52]

Fólk sem ritskoðar comment eða leyfir bara útvöldum að commenta hjá sér er sennilega með stjórnunaráráttu á háu stigi.  Veit betur og verður að hafa vit fyrir öðrum.  Fólk sem leyfir engin comment finnst skemmtilegast að hlusta á sjálft sig og hefur engan áhuga á hvað öðrum finnst.  Stjórnmálamenn eru ágætt dæmi um þetta.

[Ævar Rafn Kjartansson, 10.10.2007 kl. 21:44]

Ekki fyrir viðkvæma! Þe. að blogga. 6,3% maðurinn Bingi er einn þeirra en mér finnst (nú verð ég húðflettur) legrembur bloggsins vera jafnduglegar í viðkvæmni sinni eins og örgustu pólitíkusaprímadonnurnar sem þola ekki andsvör. Ég hef fengið ýmsar athugasemdir á mitt blogg sem ég hvorki er sammála eða finnst ég eiga skilið. En það er mín skoðun. Kannski hefur þetta fólk eitthvað fyrir sér og er það mitt að dæma um það?