Prumpskattur.

Á fréttamannafundi nú í bítið boðaði fjármálaráðherra sérstakan skatt á prump.  Aðspurður sagði ráðherra að þessi nýi skattur væri partur af umhverfisstefnu VG.  Í henni væri leitað leiða til að vernda andrúmsloftið og stuðla að sjálfbæri þróun.  Samkvæmt tillögum ríkisstjórnarinnar verða þó ungabörn og dauðvona sjúklingar undanskilin.  Árni Páll félagsmálaráðherra sagði við fréttamenn að um mikinn sigur væri að ræða sem ætti eftir að koma öllum til góða.  Jóhanna Sigurðardóttir lofaði framgöngu Steingríms og sagði að þessi skattur ætti eftir að auka velferð á Íslandi.  Til að byrja með verður fólk skattlagt eftir þyngd en vonir standa til að innan fárra ára verði búið að græða tölvukubb í alla íslenska rassa sem mæli nákvæmlega útblástur og aðra úrgangslosun.

 

Sykurskattur víkur fyrir matarskatti