Eiginkona lemur kylfing

Árið 2009 verður lengi í minnum haft.  Sérstaklega hjá kylfingum sem fylgjast með golfmótum í sjónvarpinu.  Því þetta er árið sem Tiger Woods tapaði niður forskoti á síðasta degi í risamóti.  Aldrei áður hafði þessi besti kylfingur sögunnar tapað risamóti á síðasta degi.  Hann hafði varla tapað móti áður þar sem hann var í forystu fyrir síðasta dag.  En hvað fór úrskeiðis?

Í stuttu máli þá má segja að golfguðirnir hafi ruglast á Tiger Woods og Kóreubúanum Y.E. Yang.  Báðir með dökka húð og skáeygð augu.  Í öllum hinum mótunum var Tiger að spila við hvíta enskumælandi golfara.  Nokkuð auðvelt að þekkja þá í sundur en í PGA mótinu í ár var því ekki að heilsa og því fór sem fór.  

Ég er þó ekki alveg viss um að þetta sé rétta skýringin.  Því samkvæmt nýjustu fréttum eru einhver leiðindi hlaupin í heimilislíf kappans.  Eiginkonan reyndi nefnilega að drepa hann með gömlu þrjú járni.  Ekki tókst betur til en svo að Tiger var útskrifaður af sjúkrahúsinu eftir stutta innlögn.  Forsaga málsins er kannski sú að Tiger giftist konu sinni vegna þess að hún var með ljóst og mikið hár.  Enda allir moldríkir golfarar með dellu fyrir ljóskum. 

Þeir sem giftu sig áður en þeir urðu ríkir og frægir eiga yfirleitt ljótar konur en þeir sem höfðu vit á að bíða eru með gullfallegar fegurðardísir upp á arminn.  En eftir margra mánaða hvíld frá golfi þar sem Tiger gat ekki gert neitt annað en að vera heima og hlusta á sænsku ljóskuna sína tala um sænskar kjötbollur og IKEA hefur hann langað í meira spennandi félagsskap.

Þann félagsskap fékk hann hjá fröken Silicone sem sérhæfir sig í framhjáhöldum með frægum köllum.  Þetta líkaði ljóshærðu eiginkonunni greinilega ekki og því fékk Tiger að kenna á því.  En þetta er náttúrulega bara toppurinn á ísjakanum og undanfarið ár hafa leiðindi heima hjá Tiger greinilega truflað hann úti á golfvellinum.  Hann er þrátt fyrir allt bara mennskur eins og þú og Jóhanna Sigurðardóttir.