Bæjarstjórinn græðir.

Í viðtali við pressuna sagði bæjarstjórinn að hann væri að stuðla að samkeppni og bættum lífskjörum fyrir íslensku þjóðina.  Hann hefði þá von í báðum brjóstum að Reykjanesbær yrði leiðandi á sviði endurnýjanlegrar orku.  Í lok viðtalsins bætti bæjarstjórinn við að íslenska þjóðin væri bæði falleg og gáfuð. 

Óska upplýsinga um eignarhald

N1 lækkar verð á vatni.

Í tilefni af sumrinu lækkar N1 verð á íslensku vatni.  Í staðin fyrir að borga 440 krónur fyrir lítrann þurfa viðskiptavinir N1 aðeins að borga 380 krónur meðan birgðir endast.  Talsmaður neytanda sagði að um mikla kjarabót væri að ræða og fagnaði þessari ákvörðun.  Einnig verður tilboð á súkkulaði í völdum verslunum. 

N1 hækkar bensínverð

Barnabarn Steingríms Joð. græðir feitt..

Steingrímur fjármálaráðherra hefur gefið öllum skildmennum sínum leyfi til að kaupa gjaldeyri.  Barnabarn hans hefur t.d. grætt yfir 50 milljónir og ein gömul frænka yfir 135 milljónir.  Aðspurður sagði Steingrímur að hann væri á móti mismunun og gjaldeyrisbraski.  Hann ætlaði að taka hart á þeim sem nýttu sér þetta hörmulega ástand.  Steingrímur bætti við að íslenska þjóðin væri hamingjusöm og vel menntuð.

Gjaldeyrisbraskarar græða

Hagsmunasamtök Íslands senda frá sér nýja tilkynningu.

Samtök íslenskra hagmunasamtaka hafa stofnað ný hagsmunasamtök.  Tilgangur samtakanna verður að gefa samtökum tækifæri til að hittast og bera saman bækur sínar.  Í heilsíðuviðtali sagði Davíð Oddsson að honum litist vel á þessi nýju samtök.  Þau væri akkúrat það sem hann hefði talað um í aðdraganda bankahrunsins.  Davíð sagðist líka hafa varað við bankahruninu en bætti við að besti vinur hans, Kjartan Gunnarsson, hefði ekki komið nálægt neinu.  Hann hefði fengið það staðfest hjá ónafngreindum Háskólamanni.

Vilja hagspá heimilanna

Pappalöggur.

Dómsmálaráðherra hefur ákveðið að dusta rykið af pappalöggunum sem Sólveig Pétursdóttir lét útbúa á sínum tíma.  Verða þær settar upp við helstu umferðaræðar landsins.  Með þessu vonast ráðherra til að fækka slysum og spara peninga sem verða nýttir í vaxtagreiðslur ríkisins.  Aðspurð sagði dómsmálaráðherra að fleiri ráðuneyti væru að skoða þessi mál.  Vel kæmi til greina að prenta myndir af læknum fyrir spítala landsins og jafnvel pappaþingmenn. 

Umferð heldur að þyngjast

Jóhanna lofar hjálp.

Í fréttatilkynningu sem íslenska forsætisráðuneytið sendi frá sér síðdegis er því haldið fram að íslenska þjóðin sé vel menntuð og íslenskar konur þær fallegustu í heimi. 

Undirbúa lögsókn gegn Íslandi

Ríkisstjórnin boðar fangavaktir.

Í tilraun til að spara hefur dómsmálaráðherra ákveðið að láta fanga sjá um löggæsluna.  Í staðin fyrir að búa til bílnúmeraplötur verður föngum gefið tækifæri til að taka að sér almenn löggæslustörf.  Gert er ráð fyrir allt að 60% sparnaði með þessari aðgerð.  Aðspurð út í öryggi fangana sagði ráðherra að þeir hefðu flestir þá reynslu sem nýttist best og biðlaði til fólks að taka þeim vel.  Þeir sem hefðu verið teknir fyrir morð færu í rannsóknarlögregluna og þeir sem sætu inni fyrir fíkniefnabrot yrðu látnir sjá um þau mál innan lögreglunnar. 

 

Enn fækkar á vaktinni

Íslenska ríkisstjórnin sendir Grint baráttukveðjur.

Fyrir hönd ríkisstjórnar Íslands sendi Jóhanna Sigurðardóttir leikaranum unga baráttubréf í veikindum sínum.  Aðspurð sagði Jóhanna að ástandið væri svínslegt en íslenska þjóðin skildi vel hvað ungi leikarinn væri að ganga í gegnum.  Jóhanna vonaða líka að hann sæi sér fært að heimsækja Ísland og benti sérstaklega á það í bréfinu hve krónan væri veik gagnvart pundinu.  Hann fengi sko mikið fyrir peninginn. 

Harry Potter leikari með svínaflensu

Spáir mikilli skerðingu á lífskjörum.

Saumaklúbburinn Ufsi spáir mikilli lífskjaraskerðingu hjá þorra almennings.  Greindartalann mun síðan rýrna hratt hjá ráðamönnum þjóðarinnar og í kjölfarið skipi Hollendingar og Bretar erlendan landsstjóra.  Fram eftir sumri muni þó ástandið haldast óbreytt að mestu.  Ufsakonar spá því líka að þjóðin nái sér upp úr þessum öldudal með prjónaskap og heimabruggi.

 

Veðurklúbburinn Dalbæ spáir hlýindum

Notum lottóið til að borga Icesave.

Davíð Oddsson sagði í viðtali við Agnesi Bragadóttur að besta leiðin og sú leið sem hann hefði alltaf viljað fara væri að láta lottóið borga Icesave.  Til væru mörg bréf hjá seðlabankastjóra ESB sem sönnuðu sitt mál.  Sá skilningur sem Samfylkingin hefði á málinu væri barnalegur og í raun þjóðhættulegur. Lítil börn ættu ekki að hlaupa um með skæra. 

Lottópotturinn fjórfaldur næsta laugardag