Jóhanna giftir sig.

Þegar einhver vill að aðrir sitji eða standi eins og honum sýnist þá heitir það þrælahald, vinna eða gott hjónaband.  Jóhanna lítur á ESB og aðild Íslands sem einskonar hjónaband.  Hjónaband með 27 öðrum konum og einum kalli.  Eins og allir vita núna þá hefur Jóhanna ekki mikinn áhuga á þessum eina kalli sem situr í Brussel.  Hún vill frekar stunda nána samvinnu með hinum konunum í þessu skringilega hjónabandi.  Það má hún í friði og allir í Samfylkingunni en vinsamlegast þröngvið mér ekki í nauðungarhjónaband með frönskum karli sem ég fæ aldrei að hitta.  Mín mannréttindi ber að virða alltaf, ekki bara stundum!

 

Aukin andstaða við ESB

ESB vil einkavinavæðingu, jibbí.

Loksins, loksins, eitthvað að viti frá Brussel.  Í augum ESB var einkavinavæðing Sjálfstæðisflokksins algjört sökksess.  Því til staðfestingar hefur ESB sett lög sem afnema rétt ríkja til að sinna grunnþjónustu svo sem sorphirðu, rekstur spítala, skóla, sundlauga og jafnvel lögreglunnar.  En allt eru þetta þjónustusvið sem einkaaðilar á EES svæðinu geta sinnt.  Ríki hafa þó leyfi til að sinna löggæslu og læknaþjónustu með undanþáguákvæði.

Maður fengi vatn í munninn ef t.d. Nestle mundi kaupa Landsspítalann og mikið yrði nú gaman að vera stoppaður af 19 ára strák frá Securitas fyrir of hraðan akstur.  Möguleikarnir eru óteljandi þar sem einkaframtakið gæti notið sín til fulls og ríkið borgar.  Maður sér nú alla milljarðamæringanna með heilagan Ólaf kenndan við Samskip fremstan í flokki hoppandi upp og niður af kátínu.  Hann fengi spítalann, Jóhannes í Bónus keypti náttúrlega sundlaugarnar og Pálmi í Fons tæki að sér löggæsluna.  

Síðan myndi Alcoa kaupa Landsvirkjun á útsölu og senda íslensku þjóðinni reikninginn fyrir öllu saman.  Er ekki skynsamlegt að láta ESB eiga sig ef menn þar á bæ eru öfgafyllri í frjálshyggjunni en sjálfur Hannes Hólmsteinn.

 

Tilskipun ESB innleidd

Össur lýgur að þjóðinni!

Fyrir nokkrum árum trúði þjóðin að engin spilling þrifist á landinu góða.  Hún trúði því líka að fjármálabrask væri ávísun á mikla velsæld handa henni.  Í dag er verið að telja íslensku þjóðinni trú um að ESB sé samstarf fullvalda þjóða á jafnréttisgrunni.  Össur tekur dæmi um ýmsa alþjóðasáttmála sem Ísland er aðili að til útskýringar.  Þeir sáttmálar og ESB innganga fela í sér fullveldisafsal.  Hann segir þjóðinni að þetta sé sambærilegt.  Samt þurfti ekki að breyta íslensku stjórnarskránni til að undirrita þessa alþjóðasáttmála.  En til þess að vera með í ESB þarf að breyta íslensku stjórnarskránni í grundvallaratriðum.  Í pólitík er ljótt að segja satt.  Þetta veit Össur og því lýgur hann kinnroðalaust.

 

 

 

Kastað til höndunum við gerð ESB-tillögu

Evrópusamtökin ljúga gegn greiðslu!

Í grein eftir Andrés Pétursson, formann Evrópusamtakanna, sem birtist í Morgunblaðinu í dag heldur höfundur að Agnes Bragadóttir blaðakona láti tilfinningahita stjórna skoðunum sínum.  En hann og aðrir sérfræðingar í málefnum ESB láti stjórnast af staðreyndum og rökum.  Þessi fullyrðing Andrésar á eigin málflutningi og sinna samstarfsmanna er kostuleg.  Því Andrés og vinir hafa hingað til notað óspart hræðsluáróður til koma íslensku þjóðinni eins og hún leggur sig í þjónustustörf hjá Euro Disney.

Í grein sem birtist 2.1.2009 segir Andrés "Ljóst er að formaðurinn er hér að beita gömlum hræðsluáróðri fyrir sig til að gera almenning á Íslandi fráhverft því að ganga í ESB. Sem betur fer áttar meirihluti almennings sig á því að þessi rök standast ekki. Það er nefnilega ekki til neitt sem heitir ein stöðluð atvinnuleysistala í Evrópusambandslöndunum."

Hér er Andrés að vísa í fullyrðingu formans LÍÚ að atvinnuleysi muni aukast við inngöngu Íslands í ESB.  Rök Andrésar gegn þessu eru dæmigerð fyrir launaðan starfmann ESB.  Í staðin fyrir að svara efnislega fullyrðingunni er hún gerð hlægileg með útúrsnúningi.  Hugtakið er bara ekki til í orðabók ESB.  Óþarfi að ræða málið frekar!

En þegar kemur að lægra matarverði þá er komið annað hljóð í Andrési og vini.  Þá er allt í einu hægt að fullyrða að matarverð muni lækka sem og aðrar neysluvörur eins og stendur í bæklingi Samfylkingarinnar.  Þá má bulla og blekkja almenning á Íslandi þó stöðluð tala um matarverð í ESB sé ekki til.  

En hvað eru Evrópusamtökin?  Á heimasíðu samtakanna kemur eftirfarandi fram.

Helstu markmið Evrópusamtakanna:

• - Að stuðla að skipulegri samvinnu þjóða Evrópu á lýðræðislegum grundvelli í því skyni að standa vörð -um frið, frelsi og mannréttindi og auka gagnkvæman skilning og menningarleg samskipti.
• - Að starfa að virkri þátttöku Íslands í samstarfi Evrópuríkja. Vinna að útvíkkun og dýpkun samstarfsins með endurbótum á EES samningi og vinna að því að Ísland sæki um aðild að Evrópusambandinu
• - Að dreifa upplýsingum og þekkingu um evrópskt samstarf, jafnt um þau samstarfsform sem nú eru við lýði og framtíðarmöguleika í samvinnu Evrópuríkja.
• - Að láta fara fram athuganir og rannsóknir á málum, sem tengjast evrópskri samvinnu.
• - Að starfa með öðrum íslenskum og evrópskum samtökum og stofnunum, sem hafa skylda starfsemi með höndum.

Þessi markmið kosta peninga og þeir peningar koma örugglega ekki úr vasa Andrésar nema síður sé.  Árlega veitir ESB tugum milljarða í samtök sem vinna að stefnu sambandsins.  Sem starfsmaður ESB veit Andrés meira um þessi mál en almenningur og hefur því góða aðstöðu til að fá það fjarmagn sem til þarf.  Íslensku Evrópusamtökin eiga því greiðari og betri leiði í vasa ESB en önnur íslensk samtök sem ekki njóta starfskrafta starfsmanna ESB.  Fólk og samtök sem ESB kostar eru ekki að hugsa um hag almennings.  Ekki frekar en sölumaður í kynlífstækjabúð á prósentum!

Fyrir nokkrum árum sagði Andrés Pétursson mér sögu og fleirum sem voru staddir í tíma hjá honum.  Sem starfsmaður ESB þurfti hann að halda fundi með ýsmu fólki.  Til að bjóða fólkinu upp á kaffi og með því var fljótlegra og þægilegra fyrir hann að hlaupa út í búð og borga úr eigin vasa en senda sambandinu reikninginn.  Hvort hann þurfti ekki að fylla út fimm eða sjö eyðublöð með nokkra daga fyrirvari til að fá kaffi og með því í gegnum formlegar leiðir ESB.  En þrátt fyrir þetta líkaði Andrési vistin hjá ESB vel.  

 

 

ESB-tillaga lögð fram á þingi

Á Íslandi þrífst engin spilling.

Fyrir nokkrum árum kom alþjóðleg skýrsla út um spillingu í heiminum.  Í henni var Ísland talið það land sem væri minnst spillt í allri veröldinni og þó víðar væri leitað.  Allar fréttastofur landsins kepptust um að segja frá þessari skýrslu.  Ýmsir "sérfræðingar" voru boðaðir í viðtöl til að útskýra þennan góða árangur.  En hvað lá að baki þessum góða árangri?  Svarið er ekkert.  Kannski var þetta skýrsla pöntuð af íslenska bankakerfinu til að tryggja hagstæð lán.  

Lak gögnum um fríðindahneykslið

Útflutningur á fólki bjargar okkur.

Helsta hlutverk IMF er að tryggja að lönd greiði til baka erlend lán eða eins og segir á heimasíðu sjóðsins "The IMF provides loans to countries that have trouble meeting their international payments...".  Ísland er í hópi þessara landa sem geta ekki borgað skuldir sínar.  Þess vegna var beðið um lán frá IMF.  Þó IMF lánið og önnur lán sem fylgja í kjölfarið séu til að borga önnur eldri lán fyrst og fremst eða kannski eingöngu þá þarf að borga þau líka tilbaka.

Hérna vandast málið því bara vaxtagreiðslur af nýju lánunum eru Íslandi ofviða.  En IMF hefur ekki miklar áhyggjur af því eða eins og segir á síðu sjóðsins: "But the consequences are not all negative. For instance, migration may be accompanied by remittances, which would help lessen the pressures on Iceland’s economy. It may even help contain the rise in unemployment, and the fiscal cost of the crisis." Ísland þarf ekki að hafa áhyggjur af fólksflótta því hann sparar atvinnuleysisbætur og eru í raun gjaldeyrirskapandi í formi peningagreiðsla frá útlöndum.  Ísland verður eins konar Filipseyjar norðursins.  Þar sem konurnar fara á fjarlægar slóðir og senda part af vinnulaununum sínum heim.

Fyrir hönd Íslands sér sjóðurinn glæsta framtíð og mikla möguleika.  Ál, fiskur og útflutningur á vel menntuðu fólki mun bjarga okkur.

IMF hittir fyrirtæki

Í lagi að ljúga, bara pólitík.

Hér koma nokkrar staðreyndir um ESB og Lissbon viðaukann sem Jóhanna hefur ekki ennþá lesið.  Hann er víst á útlensku!

1) Neitunarvald aðildarlanda afnumið.

2) ESB verður sambandsríki með sameiginlega utanríkisstefnu.

3) Íslenskur landbúnaður fær ekki styrki samkvæmt núgildandi fyrirkomulagi.

4) Ísland þarf að semja um veiðiheimildir og rétt til nýtingar.  ESB, hefur síðasta orðið!

5) Mannréttindaákvæði ESB gilda ekki á ófriðartímum.  Mannréttindi bara stundum!

6) Aðild að ESB er ekki atvinnuskapandi nema fyrir ESB sérfræðinga og löggilta skjalaþýðendur.

7) ESB er á móti hvalveiðum en fylgjandi drápum á Palenstínuaröbum í sjálfvörn.

8) Allt sem Jóhanna og félagar segja um ESB er lygi eða haugalyg.  

Þegar Baldur Þórhallsson ætlaði að skrifa ritgerð um áhrif smáþjóða á Sambandið var hlegið að honum og hann vinsamlegast beðinn um að skrifa eitthvað sem ætti sér stoðir í raunveruleikanum.  Ísland verður minnsta þjóðin í ESB og hefur þess vegna minnst um þróun mála að segja.  Reyndar hefur fólk í aðildarlöndum sambandsins ekkert um lög og reglur sambandins að segja yfirleitt.  Heldur einhver með smá viti að skriffstofustjóri í Brussel nenni að hlusta á pottaglamur á Austurvelli eða óánægða Albani með gjallarhorn?

Leiði mótun sjávarútvegsstefnu

ESB styður Ísrael.

Í Gaza er allt bannað nema að drepast.

1) Tannkrem bannað.

2) Pasta bannað.

3) Ísskápar bannaðir.

4) Pappir bannaður.

5) Súkkulaði.

6) Bækur og litabækur handa börnum.

Og margt fleira skemmtilegt er bannað að flytja inn til Gaza.  Nú er bara að sýna Ísrael samstöðu og ganga í ESB.  Um þessar mundir fara fram fundir milli Ísraels og ESB um stækkun sambandsins.  Já, Ísrael og ESB eru að ræða nánara samstarf og jafnvel inngöngu Ísraels í sambandið.  

 

 

Netanyahu kann að styðja ríki Palestínumanna

Matador

Venjulegt fólk á Íslandi heldur að Sjálfstæðisflokkurinn hafi klúðrað málunum og Samfylkingin sofið á verðinum(Davíð Oddsson).  Sama fólk heldur einnig að ESB sé hjálparstofnun fyrir fátækar þjóðir og evran bjargvættur.  En er þetta réttur skilningur á stöðu mála.  Gilda virkilega önnur lögmál á Íslandi en annarstaðar?

Upphafið af núverandi stöðu má rekja aftur til ársins 2001 og fall turnanna.  Í kjölfarið var ódýrum peningum dælt inn í hið alþjóðlega hagkerfi sem þekkir engin landamæri.  Með ótakmörkuðu lánsfé fór fjármálaskriða af stað sem lenti síðan á íslensku þjóðinni í október 2008.  Allir tóku þátt í leiknum og alveg sérstaklega Alþingismenn.  Þeir settu ný lög og afnámu þau gömlu.  Allt til að auðvelda Íslandi að vera með í þessum alþjóðlega leik.  

En hver samdi þetta spil og tilhvers?  Eins og með önnur spil t.d. Matador þá græðir höfundurinn raunverulega peninga en þeir sem kaupa spilið og spila það bara plat peninga.  Þetta er staðan sem íslenska þjóðin er í.  Við höfum spilað Matador í sjö ár og héldum að um raunverulega peninga væri að ræða.  Allir voru ríkir eða alveg að meika það.  Komin fjögur hús eða hótel á alla reiti.  

Á miðnætti síðasta haust kom pabbi inn i herbergið og gekk frá spilinu.  Henti því upp í hillu og sagði góða nótt við þjóðina.  Davíð slökkti ljósin og daginn eftir þegar þjóðin vaknaði var allt horfið.  Engin hús og engir peningar.  Eftir stanlausa spilamennsku í mörg ár situr þjóðin uppi með skuldir.  Við fengum nefnilega lánað fyrir spilinu.  

Aðrar þjóðir eru í sömu stöðu og við Íslendingar.  Þær keyptu Matador og héldu að þannig gætu þær orðið ríkar.  En auðvitað gilda ekki önnur lögmál á Írlandi eða Spáni heldur en á Íslandi.  Matador hagkerfið er jafn verðlaust á Spáni og á Íslandi.  Skiptir engu máli þó bankastjórinn heitir Jack Spam eða Davíð Oddsson.  Þeir einu sem græða á þessu eru framleiðendur spilsins og sá sem seldi okkur það.  

Fall Saxbygg fleytir Smáralind í fang ríkisins

Matador

Venjulegt fólk á Íslandi heldur að Sjálfstæðisflokkurinn hafi klúðrað málunum og Samfylkingin sofið á verðinum.  Sama fólk heldur einnig að ESB sé hjálparstofnun fyrir fátækar þjóðir og evran bjargvættur.  En er þetta réttur skilningur á stöðu mála.  Gilda virkilega önnur lögmál á Íslandi en annarstaðar?

Upphafið af núverandi stöðu má rekja aftur til ársins 2001 og fall turnanna.  Í kjölfarið var ódýrum peningum dælt inn í hið alþjóðlega hagkerfi sem þekkir engin landamæri.  Með ótakmörkuðu lánsfé fór fjármálaskriða af stað sem lenti síðan á íslensku þjóðinni í október 2008.  Allir tóku þátt í leiknum og alveg sérstaklega Alþingismenn.  Þeir settu ný lög og afnámu þau gömlu.  Allt til að auðvelda Íslandi að vera með í þessum alþjóðlega leik.  

En hver samdi þetta spil og tilhvers?  Eins og með önnur spil t.d. Matador þá græðir höfundurinn raunverulega peninga en þeir sem kaupa spilið og spila það bara plat peninga.  Þetta er staðan sem íslenska þjóðin er í.  Við höfum spilað Matador í sjö ár og héldum að um raunverulega peninga væri að ræða.  Allir voru ríkir eða alveg að meika það.  Komin fjögur hús eða hótel á alla reiti.  

Á miðnætti síðasta haust kom pabbi inn i herbergið og gekk frá spilinu.  Henti því upp í hillu og sagði góða nótt við þjóðina.  Davíð slökkti ljósin og daginn eftir þegar þjóðin vaknaði var allt horfið.  Engin hús og engir peningar.  Eftir stanlausa spilamennsku í mörg ár situr þjóðin uppi með skuldir.  Við fengum nefnilega lánað fyrir spilinu.  

Aðrar þjóðir eru í sömu stöðu og við Íslendingar.  Þær keyptu Matador og héldu að þannig gætu þær orðið ríkar.  En auðvitað gilda ekki önnur lögmál á Írlandi eða Spáni heldur en á Íslandi.  Matador hagkerfið er jafn verðlaust á Spáni og á Íslandi.  Skiptir engu máli þó bankastjórinn heitir Jack Spam eða Davíð Oddsson.  Þeir einu sem græða á þessu eru framleiðendur spilsins og sá sem seldi okkur það.