Íran þarf kjarnorku.

Það er lang best að sem flestir komi sér upp kjarnorku.  Bretland og
Íran eru tvö lönd sem gætu dregið verulega úr mengun ef þau notuðu
meira af kjarnorku.  Kol og olía sem þessi lönd nota menga mikið og tel
ég skynsamlegt að t.d. Íran noti kjarnorku til að framleiða rafmagn
fyrir sitt ört stækkandi hagkerfi.  Frakkar eru komnir hvað lengst í
notkun kjarnorku og hafa hannað mjög örugg kjarnorkuver sem gætu hentað
vel í Íran.  Sýrland og Albanía eru fátæk lönd sem eiga litla olíu en
gætu örugglega nýtt sér frönsk umhverfisvæn kjarnorkuver til
raforkuframleiðslu.  Evrópusambandið og Ísland ættu að gefa frönsk
kjarnorkuver til fátækra þriðjaheimslanda og stuðla þannig að bættum
lífskjörum handa milljónum.  Ekkert er eins gefandi og góð gjöf.

Opið bréf til Hönnu Birnu.

Kæra Hanna.

Ég finn til með þér eftir síðustu atburði á pólitíska sviðinu.  Missa völd og áhrif á einu bretti sem Björn Ingi svikahrappur henti beint í Tjörnina.  Varla þarf að ímynda sér hvað þú ert að hugsa og um hvern þessa síðustu og verstu daga hér í höfuðborg allra landsmanna.  Ég hef fylgst með þér af og til síðan þú steigst upp á stól og lýstir yfir framboði til borgarstjórnar.  Á flestum myndinna sem ég hef séð ertu með smá fýlusvip en á þessari mynd sem fylgir fréttinni ertu brosandi, kannski ekki út að eyrum en svona hálfa leið.

Afhverju þessi gamli meirihluti leystist upp í þrjár frumeindir er greinilega spurning sem þú villt ekki svara með heiðarlegum hætti.  Það þýðir ekkert að kenna Birni svikahrappi um allt ruglið.  Þú hlýtur að bera mikla ábyrgð ásamt lilla Klifurmús og Villa viðutan.  Þegar þú sagðir í fréttum allra landsmanna að Björn svikahrappur hefði nú bara þurft að samþykkja ykkar skoðun til að leysa málið fannst mér það pínulítið fyndið.  Gat Björn svikahrappur ekki bara haft rétt fyrir sér og þú ekki.  Datt þér það aldrei í hug. 

Ef ég skil þetta rétt voru allir sammála um að einkavinavæða OR með óbeinum hætti til að leysa krafta Bónus, FL Group og Magga milljón úr læðingi.  Þú líka ásamt öllum hinum dýrunum í D-lista skóginum.  Fyrst svo var afhverju þurfti allt í einu að selja REI fyrir 10 billur þegar allir eða nánast allir verðlögðu hlut OR á 18 billur(8 billur fé og eignir, 10 billur fyrir 20 ára einkasamning.)  Miðað við þessar forsendur ætlaðir þú ekki að gæta hagsmuna borgarbúa.  

Mín niðurstaða er að hvorki þú né Villi sem vissi ekkert voruð að gæta hagsmuna okkar sem ekki eru í Einkavina group hf. félaginu.  Þú glottir svona fallega af því að þú veist upp á þig skömmina, skamm, skamm.

 

Kær kveðja,  Björn Group hf.

 

„Við sinntum störfum okkar vel"

Kæri Gísli Marteinn

Til hamingju með opnun kosningaskrifstofunnar.  Ég er stoltur af þessu brölti 
hjá þér og tel þig eiga fullt erindi úr imbakassanum og beint í 
borgarstjórastólinn.  Þó þú sért blautur á bakvið eyrun og illar raddir segja 
að Hannes Hólmsteinn sleiki þau.  Þá veit ég að það 
gerir hann til þess að þú getir hlustað betur á okkur borgarbúana.

Mér fannst virkilega gott það sem þú sagðir í útvarpinu um daginn.  Auðvitað 
skiptir það ekki öllu máli hvað við mennirnir sóðum mikið út úr því að allir "
"vísindamenn" eru ekki sammála um einhverja "skaðsemi".  Ennþá betra er að 
eftir svona milljón ár verður allt sem minnir  á okkar stuttu veru hér komið 
undir hraun og vatn.   Og þá skiptir ósonlagið ekki máli heldur því mannkynið 
verður dautt.

Taktu ekki mark á vondu blaðamönnunum sem drógu heiðarleika þinn í efa.  Þú 
veist  betur, með hreint sakavottorð og allt.  Ef þú hefðir vísvitandi stolið 
eða drepið óvart kjósanda horfir málið allt öðruvísi við.  Reyndar eru fleiri 
þjófar, lygarar og rugludallar í Sjálfstæðisflokknum en öðrum flokkum en líka 
flest góðhjörtuð góðmennin.  Og það fer ekki milli mála hvorum hópnum þú 
tilheyrir. 

Reyndar er ég pínulítið ósáttur við hvað þú hefur litla reynslu úr 
atvinnulífinu en auðvitað er alltaf gott að hafa flogið til Sádi Arabíu.  Maður 
sem getur borið út póstinn í öllum veðrum og á réttum tíma verður ekki í neinum 
vandræðum að labba í kringum höfða með erlenda gesti.  En samt.

Mömmu finnst þú voða sætur en það er nú ekki alveg að marka.  Henni finnst ég  
sætastur í öllum heiminum þrátt fyrir kartöflu nefið, stóru eyrun, tannleysi og 
þrjá skalla bletti.  En hvað með það, gangi þér bara vel.

Kveðja,

gamli góði Bjössi 

Borgarfulltrúar Sjálfstæðisflokksins funda með stjórnum Sjálfstæðisfélaganna á morgun

Læknir, læknir.

Læknir, læknir hrópaði Björn Ingi sárkvalinn og vissi ekki hvort hann væri að koma eða fara úr rúminu.  Þú bara verður að hringja á lækni segir eiginkonan, áhyggjufull á svip.  Æ, æ, ó, ó, ég lifi víst ekki nóttina af og hvað gerir Framsóknarflokkurinn þá?  Kona Björns Inga hringir síðan á eina lækninn sem sinnir bráðútköllum innan borgarstjórnar Reykjavíkur.  Drrriing, drrring, er þetta doktur Dagur?  Já, hver er þetta?  Komdu í einum Framsóknargrænum heim til Björns Inga, þetta er spurning um líf eða dauða.  Dagur mætir um miðja nótt og sér þar Björn Inga bláfölan talandi tungum.  Það verður dýrt að lækna þetta segir Dagur.  Við þessi orð opnar Björn augun og tekur fast utan um hönd Dags og segir, ég geri hvað sem er til að losna við þessar óbærilegu kvalir.   

Svandís: „Valhöll getulaus í erfiðum málum"

Gamli góði Villi

Gamli góði Villi lét Björn taka sig í bólinu.  Eitt verð ég að segja um málflutning Villa.  Hann stenst ekki nánari skoðun.  Villi og vinir stofna REI til að flytja út íslenska þekkingu og hjálpa bágstöddum.  Villa og öllum finnst þetta frábær hugmynd.  Stuttu seinna koma nokkrir duglegir bankastrákar og biðja Villa að hætta þessu.  Þeir séu líka í svona hugleiðingum og geti ekki hugsað sér ríkisstyrkta samkeppni. 

Villi er vænsti kall og samþykkir sameiningu við fyrirtæki strákanna.  Topparnir í OR sjá þarna tækifæri til að græða (kaupréttarsamningar) og eru til í þetta.  Allt verður þetta að fara mjög hljótt til að Svandís fari ekki með málið í fjölmiðla og Gísli Marteinn má heldur ekki vita neitt því bankastrákarnir eru ekki hans vinir. 

Svo þegar allt kemst upp á nokkrum huggulegum fundum verður Gísli Marteinn fúll og vill bara selja allt saman.  Villi segir það stóð alltaf til og vill bara líka selja.  Er í lagi að Villi borgarstjóri stofni fjárfestingarfélög með peningum Reykjavíkur og "selji" það næsta kunningja eða bankastrák?  Fjandinn hafi það, þetta er verulega sjúkt.

„Fyrrum minnihluti bjargaði Birni Inga fyrir horn"

Pólitísk útför Villa viðutan.

Aldrei á ævinni hef ég séð Björn Inga fara jafn illa með gamla góða Villa.  Þetta er virkilega leiðinleg framkoma af hálfu eins Framsóknarmanns sem heldur að hann sé vegurinn og ljósið.  Hvernig fjósamafíunni í Framsóknarflokknum dettur í hug að sparka í afturendan á gömlum Sjálfstæðismanni með hártopp er mér hulin ráðgáta.  Er Björn að hefna sín útaf einhverju?  Er Björn svikahrappur eða kynskiptingur?  Dæmi hver fyrir sig.

 

Sviptingar í borgarstjórn

Opið bréf til Björns Inga Hrappssonar.

Kæri nafni,

 

Það dregur engin í efa þinn einlæga áhuga á að gera gott  fyrir Reykvíkinga.  Hvorki ég né mamma eða Siggi frændi höldum annað.  En samt efast ég stundum eins og Júdas forðum.  Hvers vegna ertu að skammta sjálfum þér peninga og völd út á einhverja 250 dauða Framsóknarmenn sem þú særður upp úr gröfum sínum í síðustu kosningum.  Hefði ekki verið betra að leyfa þeim að liggja þangað til Guð kallaði þá til sín til að taka þátt í nýja konungsríkinu þar sem syndin er ekki til.

Það er synd að þú skulir feta í fótspor lærimeistara þíns Finns Ingólfssonar.  Sá gróðapungur kann að taka peninga almennings og fara með heim.  Þú heldur greinilega að góðir og grænir Framsóknarmenn eigi að haga sér eins og Finnur sem finnur alltaf peningana mína.  Auðvitað eiga hjól atvinnulífsins að snúast en þú átt ekki að taka peningana mína ófrjálsri hendi.  Hvort sem það er gert með hagsmuni þína eða vina þinna að leiðarljósi.

Vonandi náðu Kínverjarnir sem þú varst að heimsækja að koma vitinu fyrir þér.  Væri nú ekki nær að taka sér Konfúsíus til fyrirmyndir frekar en Bjarnarbófana í Andrés Önd eða Finn Ingólfs.   

Björn Ingi: Kauprétturinn var mistök

Nýr möguleiki til að ritskoða á Moggablogi.

Alveg dæmigert fyrir áhugamenn um ritfrelsi að finna upp á nýjum og skemmtilegri aðferðum til að ritskoða comment hér á Moggablogi.  Tilgangurinn er augljós en afleiðingarnar kannski ekki.  Sú hugmynd að gefa öðrum tækifæri til að commenta á manns eigin blog lýsir vilja til að heyra hvað aðrir hafa um málið að segja.  Ef fólk er síðan alveg sérstaklega miklir egóistar skil ég vel að viðkomandi vilji ekki að aðrir commenti á færslunar.  En til hvers að leyfa comment en þurfa að lesa þau yfir áður?  Það er stóra spurningin sem ég get ekki svarað.

Björn Ingi Hrappsson er alveg dæmigerður egóisti sem hélt úti Moggablogsíðu alveg þangað til að hann hafði meira en nóg að gera í vinnunni sinni.  Honum datt ekki í hug að leyfa comment, væntanlega til að skemma ekki boðskapinn eða komast í vont skap.  En eftir að hann hætti að bloga hefur hann gert hvert axarskaftið á fætur öðru.  Núna síðast réð hann sjálfan sig í aukavinnu hjá dótturfyrirtæki Orkuveitu Reykjavíkur.  Svona pjakka á að flengja og senda síðan úr landi eða út á land til að vinna með höndunum en ekki annara manna peningum.

Hvað er ég að reyna að segja með þessu rausi.  Jú, þeir sem ritskoða eða banna comment eru eins og Björn Ingi Hrappsson eða þannig. 

Íslenskir ritskoðarar á Moggablogi.

Jæja, loksins er ég kominn yfir 15.000 heimsóknir.  Það tók lengri tími en bjartsýnustu áætlanir gerðu ráð fyrir en hafðist samt.  Í byrjun setti ég mér takmarkið 100.000 heimsóknir þannig að nú á ég bara eftir 75.000.  Nokkrir hafa gefið sig á tal við mig útaf þessum skrifum mínum.  Flestir af þeim þekki ég vel en í einu tilviki fékk ég ónafngreind sms skilaboð frá leyni aðdáanda.  Ég kann OgVodaphone bestu þakkir fyrir ónafngreind sms skilaboð, þau gera lífið meira spennandi.  Ég þakka mig sæla að hafa ekki fengið líflátshótanir eða eitthvað þaðan af verra.  

Eitt fer reyndar í taugarnar á mér.  En það eru svokallaðir ritskoðarar.  Þetta er fólk sem heldur úti heimasíðum og fær jafnvel sérstaka kynningu í Morgunblaðinu.  Margir heimsækja viðkomandi síður í kjölfarið og vilja rita sína skoðun á viðkomandi grein.  En fuss og svei eigandi heimasíðunnar leyfir ekki öllum að commenta hjá sér.  Sóley Tómasdóttir er þekkt dæmi og hefur margur dóninin eins og t.d. ég verið meinaður aðgangur fyrir dónaskap(dirty talk) eða smá kaldhæðni (cold djoks).  En margir fleiri nota ritskoðun til að stjórna þeim commentum sem birtast hjá sér.  

Ég hef oft spurt mig hver er tilgangurinn með ritskoðun.  Eru síðuhöfundar að refsa einhverjum sem sýnir dónaskap eða kannski að stroka þá út sem eru þeim bara ósammála þrátt fyrir almenna kurteisi.  Í flestum tilvikum sýnist mér viðkomandi ritskoðari vera að refsa fólki fyrir að vera ósammála.  Þeir sem leyfa comment en eru síðan að ritskoða þau eru náttúrlega algjörlega að misskilja tilgangin með þeim.  Sérstaklega þegar viðkomandi virðist þrífast á skoðanaskiptum og ritdeilum við fólk úti í bæ. 

Það er freistandi að nefna fleiri dæmi en ég vil ómögulega falla í ónáð hjá einhverjum.  Þrátt fyrir allt vil ég ekki vera á svörtum listum úti um allan bæ hjá bloggurum. 

Malbika hringveginn og Vestfirði, takk!

Malbika hringveginn og Vestfirði, takk!

Malbika hringveginn og Vestfirði, takk!

Malbika hringveginn og Vestfirði, takk!

Malbika hringveginn og Vestfirði, takk!

Traust afkoma ríkissjóðs forsenda fyrir frekari skattalækkunum