Hommar og hinsegin, náttúruleg getnaðarvörn.

Nákvæmar rannsóknir gefa til kynna að tveir karlmenn geti ekki eignast barn saman.  Tvær konur sem stunda kynlíf saman eru líka nokkuð öruggar að krakki komi ekki undir.  Kynlíf einstaklinga af sama kyni er því ein öruggasta getnaðarvörn sem völ er á.  Þessari staðreynd er ekki nægilega haldið á lofti og hér virðast íslensk skólayfirvöld hafa brugðist.  Smokkurinn og pillan ásamt öðrum hefðbundnum getnaðarvörnum er það sem krökkunum er kennt að nota.  

Í  Bandaríkjunum hefur þeirri hreyfingu vaxið ásmegin sem vill að ungt fólk noti kynlífsbindindi sem getnaðarvörn.  Þetta er svipað og banna fólki að keyra til að koma í veg fyrir bílslys.  Besta leiðin er að nota bílbelti og keyra varlega.  Og með sömu rökum er besta leiðin til að koma í veg fyrir getnað ef fólk vill á annað borð stunda kynlíf að stunda það með félaga af sama kyni. 

Nú er ég ekki að mæla með kynlífi, síður en svo.  Sameinuðu þjóðirnar hafa gefið út skýrslur sem vara við offjölgun mannkyns sem er nota bene bein afleiðing af kynlífi karls og konu.  Of margt fólk skapar verulega ásókn í gróður, vatn og aðrar náttúruauðlindir.  Sem umhverfisverndarsinna og áhugamanni um stóra bíla skil ég þennan vanda betur en margur.

Ég vil því skora á íslensk stjórnvöld og Sameinuðu þjóðirnar að endurskoða sinn gang ef ekki á illa að fara.  Hér þurfa reyndar fleiri að koma að ef árangur á að nást.  Kirkja, skóli, Rauði hálfmáninn og Alþjóða gjaldeyrissjóðurinn svo einhverjir séu nefndir.  

 

Reitt fólk bullar.

Ekki er nú djúpt á ókurteisi og almennu hatri í garð náungans.  Ég fór í bakarí til að kaupa snúð.  Náði í mjólk og setti hana á afgreiðsluborðið.  Útlendingurinn sem var að afgreiða horfði reiðilega á mig og spurði á bjagaðri ensku hvort ég ætlaði að kaupa eitthvað fleira.  Ég hugsaði mig smá um en áður en ég gat sagt "one snúð, please" hækkaði afgreiðsludaman róminn og urraði "anything ELSE!!!".  Mér brá hvað þessi stúlka var pirruð og reiðileg.  Allt útaf einum snúð sem ég var ekki búinn að biðja um.  Ég hætti við þessi stórkaup og ætla aldrei aftur að versla þarna.

Dagurinn rétt að byrja og ég orðin fúll útaf einum finskum Finna.  Eftir smá hlé þar sem ekkert merkilegt gerðist kom nágranni minn í heimsókn.  Hann var vel æstur og skammaði mig fyrir að setja spítu fyrir utan hurðina hjá honum.  Hann ætti ekkert í henni og hvernig mér dytti í hug að henda rusli fyrir utan hans heimili.  Vel æstur eru kannski smá ýkjur, hann var alveg snarbrjálaður og frussaði framan í mig.  Hvernig fólk getur algjörlega misst sig útaf einni spítu sem passar ekki í neina ruslatunnu er mér hulin ráðgáta.  Þaðan af síður hvernig þessi annars lítt geðugi kall gat ruglað saman sinni sameignarhurð og allt annari hurð.  

En þegar fólk verður reitt og þekkir ekki muninn á réttu og röngu er ekki við góðu að búast.  Eitt gott dæmi er Skúli Skúlason Moggablogari og áhugamaður um klæðnað framandi landa.  Þessi kall heldur úti haturssíðu í anda Ný-Nasista, bandarískra hryðjuverkamanna og stuðningshópa Al-Kæda.  Hann lætur þó í veðri vaka að tilgangur með síðunni sé að upplýsa um skaðsemi reykinga en ekki að ala á hatri og ótta gagnvart múslimum.  Hann mótmælir því hátt að hann sé haldinn blindu hatri á múslimum almennt.  Nei, nei ekkert svoleiðis.  Bara á móti því sem stendur í Kóraninum og öðrum hjálparritum múslima.

 

"En spurningin er þessi,  getur hvaða Múslími orðið hryðjuverkamaður,  hvenær sem er ef hann hefur nóg sprengiefni, fjármagn og tæknilegan búnað, og svo auðvitað skipun að ofan frá Allah (les frá klerkinum  í næstu Mosku.).

Mér finnst vera hér komið rannsóknarverkefni fyrir einhverja félagsdeildina í HÍ og HR, því það fer ekki milli mála að, hópur Múslíma í hvaða samfélagi villutrúarmanna sem er getur verið áhættuhópur. 

Skúli Skúlason, 1.10.2007 kl. 18:07"

 

 

 

Skúli og nágranni minn eru báðir reiðir og í kjölfarið fljúga staðreyndir út um gluggann eða er snúið á haus. Reitt fólk sem hefur lélegan málstað að verja beitir oft fyrir sig bulli sem það felur með látum og öðrum dónaskap. Reitt fólk er ekki líklegt til að komast að rökrænni niðurstöðu. Það er nú bara þannig

Þórsmörk, griðarstaður hryðjuverkamanna.

Aldrei hefur maður heyrt annað eins.  Hver trúir því að bandarísk stjórnvöld, Pentagon og CIA séu viðriðin einhver hryðjuverk eða annan óþverra.  Í fyrsta lagi var innrásin í Írak góðverk ekki hryðjuverk.  Í öðru lagi notuðu þeir kjarnabombu á Hírósíma til að bjarga mannslífum en ekki til að deyða.  Síðan í þriðja lagi er öll notkun Bandaríkjahers á skotfærum með skertu úrani mun mannúðlegri en 100 megatonna kjarnabomba sem þeir gætu líka notað.  Allt tal um óþverraskap Bandaríkjamanna lýsir óstjórnlegu hatri á lýðræði, frelsi og fegurð.

Íranska þingið lýsir CIA hryðjuverkasamtök

Allt í drasli þátturinn.

Ég er búinn að vera safna drasli og skít til að komast í þessa þætti.  Nú er bara að manna sig upp í að hringja.  Fékk reyndar lítið bréf frá öllum í stigaganginum, skil ekki hvað þau voru að kvarta yfir vondri lykt.  Hurðin er alltaf lokuð og þessir blessuðu nágrannar þurfa ekki að sofa með opna glugga!

Annars er allt gott af mér að frétta.  Kötturinn skilaði sér til baka eftir tveggja vikna sumarfrí.  Hann er búinn að skipta um kyn og lit en það gerir ekkert til, hann er svo sætur.  Um daginn hitti ég gamlan vin sem ég hef ekki séð lengi.  Hann tilkynnti mér að hann væri fluttur til útlanda og væri hér í sumarfríi.  Ekkert merkilegt nema hvað að hann væri hættur með Guðrúnu og byrjaður með John.  Ég hugsaði bara með sjálfum mér að það gæti tekið sinn tíma að eignast börn með þessum John.

 

Ahmadinejad hommavinur.

Davíð Oddsson dó og fór til Helvítis.

Djöfullinn segir við hann "Gaman að sjá þig Davíð, við höfum beðið eftir þér."

Davíð brosir út í annað og tekur í útrétta hönd djöfulsins.  Djöfullinn spyr Davíð hvort hann reyki.  Davíð svarar "Ég elska að reykja."  Þá ertu heppinn því á mánudögum reykja allir, vindla, sígarettur og hvaðeina sem hægt er að reykja.

Næst spyr Djöfullinn Davíð  hvort honum þyki sopinn góður.  Davíð svarar "Já auðvitað.  Á ég ekki að segja skál strax, Bermúda skál."  Frábært segir Djöfullinn þú átt eftir að elska þriðjudaga.  Þriðjudagar eru nefnilega drykkjudagar hér í Helvíti.

"Finnst þér kynlíf gott?" Spyr Djöfullinn.  "Já fjandakornið það er það besta sem til er."  Svarar Davíð.  Þá viltu ekki missa af miðvikudögum í Helvíti.  Hér eru bara girnilegar konur sem kunna ekki að segja nei.  "Frábært" svarar Davíð.

Djöfullinn spyr Davíð hvort hann sé hommi.  Davíð svarar eftir smá íhugun "Ég var forsætisráðherra, borgarstjóri, formaður Sjálfstæðisflokksins, aðili að innrásinni í Írak en alveg örugglega ekki hommi.  "Þar fór í verra" svarar djöfsi.  "Þú átt eftir að hata fimmtudaga."

 

Ahmadinejad segir samkynhneigð ekki þekkjast í Íran

Ahmadinejad er vinur Ísraels.

Forseti Írans er mikill vinur gyðinga og búa næstum 30.000 gyðingar í Íran.  Þeir hafa meiri og betri rétt en Palenstínuarabar innan landamæra Ísraels.  Á eftir Ísrael er Íran heimili flestra gyðinga í Mið-Austurlöndum.  Þeir hafa ferðafrelsi innan landamæra Írans og geta ferðast til Ísraels og annara landa.  Palenstínuarabar hafa ekki ferðafrelsi innan Ísraels og ísraelskir arabar hafa takmarkað ferðafrelsi.  Í Íran vilja stjórnvöld fá gyðingana aftur heim en í Ísrael vilja stjórnvöld að múslimarnir láti ekki sjá sig aftur ef þess er nokkur kostur.

Auðvitað á New York borg að taka vel á móti Ahmadinejad og sýna honum hvar allir gyðingarnir voru drepnir 11. september.   

 

Kuldalegar móttökur bíða Íransforseta í New York

Umræðan um Evru á villigötum.

Nú keppast bankarnir og áhugamenn um skriffinskuna í Brussel að sanfæra almenning um að evran sé málið.  Ekki vantar lætin en menn passa sig á að bara tala um jákvæðu þættina.  Margir júrusinnar halda því fram og halda kannski sjálfir að verð á matvöru lækki við upptöku júru.  Hvaða rök eru fyrir þessu?  Hjá Ítölum hækkaði allt verðlag og matur líka við upptöku evrunnar.  Hér eru evróvísionsinnar komnir í hrópandi mótsögn við sjálfa sig.  Verðhækkun er slæm en ekki góð fyrir mig og þig.

Björgvin G. virðist gera lítið með þau rök að sjálfstæður íslenskur seðlabanki sé nauðsynlegur til að hafa hemil á íslenskum hagsveiflum.  Verðbólga og atvinnuleysi sé best ef það er komið frá meginlandi Evrópu og það helst mikið af því.  Það vantar líka alveg hjá vinum júrunnar að viðskipti Íslands fara fram í pundum, yenum og dollurum ekkert síður en evrunni.  Hvaða gengisflökt er þá verið að koma í veg fyrir?

Einu rökin sem halda vatni eru að bankarnir og stórfyrirtæki þurfa ekki að umreikna evrur í krónur við gerð efnahagsreikninga.  Það er nú allt og sumt.

Beinn ávinningur 70 milljarðar á ári

Íran stóð fyrir 11. september.

Samkvæmt nýjustu "fréttum" Fox News stóð Íran á bak við 11. september og Bin Laden á heima í höll forsetans.  Ekki svo galið eða hvað. 

Ahmadinejad fær ekki að heimsækja Ground Zero

Ísrael, ríki Djöfulsins?

Komið hefur í ljós að margir telja að Ísrael sé ríki Djöfulsins.  Auðvitað eru fæstir sem búa þar sammála þessari staðhæfingu en það breytir því ekki hvort hún sé sönn eða ekki.  Eftir að hafa ferðast mikið um ranghala netsins þar sem ég skoða aðalega íslenskt hestaklám í leikstjórn Hrafn Gunnlaugssonar og ísraelsk dagblöð hef ég komist að eftirfarandi.

1. Ísrael hugsar fyrst og fremst um að ná til sín sem mestu landi.

2. Ísrael telur gyðinga rétthærri en aðra menn.

3. Ísrael notar frekar jarðýtur en skóflur.

4. Ísrael og þeirra hermenn nota fjölskyldur múslima sem mannlega skildi.

5. Ísrael beitir markvisst blekkingum til að réttlæta gjörðir sínar fyrir Vestrænum fjölmiðlum.

6. Ísrael stendur ekki mikil ógn af Sýrlandi eða Íran þó annað sé gefið í skyn.

7. Ísrael væri eyðimörk ef ekki kæmi til rányrkju á vatni sem aðrir gera tilkall til.

8. Ísrael þarf á óvinum að halda til að réttlæta mannréttindabrot og bandarískan fjárstuðning.

9. Ísrael hefur alls engan áhuga á Palenstínsku landi við hlið sér.

10. Ísrael er mesti stuðningsaðili hryðjuverka í heiminum í dag. 

 

 

 

Flest ofangreind atriði flokkast undir sjálfsbjargarviðleitni en svona fyrir mína parta eru þau í grófari kantinum.  Mörgum vel meinandi og sumum ekki svo vel meinandi kristnum ofsatrúaarmönnum, ef ég hef skilið þá rétt, telja að tortíming Ísraels í heilögu stríði sé nauðsynleg til að þeir sjálfir komist til himna.  Allir hinir milljarðarnir fá svo bara að brenna í helvíti eða einhverstaðar annarstaðar þar sem pláss er. (Búið að reyna að frelsa þá en gekk ekki!)

Þessi hugmynd er í miklum metum í Hvíta húsinu um þessar mundir.  Kannski ekki hjá öllum en ef marka má frásagnir af trúarlífi Bush forseta þá er hann alveg með þetta á hreinu.  Sem þýðir að Ísrael er leikfang djöfulsins, einhverskonar fórnarlamb á leið til slátrunar.  Þetta er allt gott og greinilega blessað af kristnu trúarfólki en spurning hvort þeir sem búa í Ísrael viti af þessu.

Ég efa það stórlega.  Þeir stjórnast frekar af græðgi og frekju sem eru góðir og gildir mannlegir eiginleikar.  Eiginleikar sem hafa fleytt okkur inn í tuttugustu og fyrstu öldina með stæl.  Án þeirra væri engin íslensk innrás, partý Óli með Elton John, einkaþyrlur á leið til Vestmannaeyja eða íslenskir milljarðabankabófar.  "Íslenska efnahagsundrið" á gyðingum allt að þakka og án þeirra værum við ennþá að bíta gras eins og hinar rollunar.  Ekki nema von að Ólafur Ragnar Grímsson taki vel í spaðann á herra Barak og þakki honum fyrir breyttann heim.  

Ísraelar fjarlægja vegatálma á Vesturbakkanum

Eitthvað fyrir Ingibjörgu Sólrúnu

Hér er nú alveg tilvalið tækifæri fyrir Ingibjörgu og kannski Dorrit að hringja í vini sína í Ísrael og komast að því hvað raunverulega gerðist.  Eitthvað segir mér að allar fréttir af þessu máli séu bull.  Í fyrsta lagi mega Ísraelar ekki segja frá því hvað gerðist þarna, hvorki herinn, sjórnmálamenn eða fjölmiðlar.  Í öðru lagi fer herra John Bolton mikinn í fjölmiðlun vestanhafs og segir öllum sem vilja heyra hvað gæti hafa verið þarna á ferðinni.  Bolton er vanur að ljúga og ekki færi hann að segja frá einhverju ísraelsku leyndarmáli!

Síðan er sú frétt að Ísrael hafi sent landhermenn inn í Sýrland til að undirbúa þessa áras frekar hæpin.  Mjög leynileg kjarnorkutilraunastöð rétt við landamæri einhvers ríkis.  Hljómar nú ekki mjög sennilega.  Svona stöðvar eru byggðar inn í miðju landi og helst neðanjarðar.  Síðan eru þær vel varðar með t.d. herstöð rétt hjá eða a.m.k. með fullt af vörðum.  

Allt þetta tal um kjarnorku og kjarnabombur í vestrænum fjölmiðlum segir mér það eitt að nýtt hryðjuverk í USA eða Evropu sé á næsta leyti og því verði klínt á Sýrland og Íran.  Síðan í framhaldinu verði farið í hernað og Sýrland lagt í rúst og Íran skemmt mikið.  En þá munu allir áhugamenn um persneska menningu taka gleði sína á ný.

Gerðu Ísraelsmenn árás á kjarnorkumannvirki í Sýrlandi?