Pappalöggur.

Dómsmálaráðherra hefur ákveðið að dusta rykið af pappalöggunum sem Sólveig Pétursdóttir lét útbúa á sínum tíma.  Verða þær settar upp við helstu umferðaræðar landsins.  Með þessu vonast ráðherra til að fækka slysum og spara peninga sem verða nýttir í vaxtagreiðslur ríkisins.  Aðspurð sagði dómsmálaráðherra að fleiri ráðuneyti væru að skoða þessi mál.  Vel kæmi til greina að prenta myndir af læknum fyrir spítala landsins og jafnvel pappaþingmenn. 

Umferð heldur að þyngjast

Jóhanna lofar hjálp.

Í fréttatilkynningu sem íslenska forsætisráðuneytið sendi frá sér síðdegis er því haldið fram að íslenska þjóðin sé vel menntuð og íslenskar konur þær fallegustu í heimi. 

Undirbúa lögsókn gegn Íslandi

Ríkisstjórnin boðar fangavaktir.

Í tilraun til að spara hefur dómsmálaráðherra ákveðið að láta fanga sjá um löggæsluna.  Í staðin fyrir að búa til bílnúmeraplötur verður föngum gefið tækifæri til að taka að sér almenn löggæslustörf.  Gert er ráð fyrir allt að 60% sparnaði með þessari aðgerð.  Aðspurð út í öryggi fangana sagði ráðherra að þeir hefðu flestir þá reynslu sem nýttist best og biðlaði til fólks að taka þeim vel.  Þeir sem hefðu verið teknir fyrir morð færu í rannsóknarlögregluna og þeir sem sætu inni fyrir fíkniefnabrot yrðu látnir sjá um þau mál innan lögreglunnar. 

 

Enn fækkar á vaktinni

Íslenska ríkisstjórnin sendir Grint baráttukveðjur.

Fyrir hönd ríkisstjórnar Íslands sendi Jóhanna Sigurðardóttir leikaranum unga baráttubréf í veikindum sínum.  Aðspurð sagði Jóhanna að ástandið væri svínslegt en íslenska þjóðin skildi vel hvað ungi leikarinn væri að ganga í gegnum.  Jóhanna vonaða líka að hann sæi sér fært að heimsækja Ísland og benti sérstaklega á það í bréfinu hve krónan væri veik gagnvart pundinu.  Hann fengi sko mikið fyrir peninginn. 

Harry Potter leikari með svínaflensu

Spáir mikilli skerðingu á lífskjörum.

Saumaklúbburinn Ufsi spáir mikilli lífskjaraskerðingu hjá þorra almennings.  Greindartalann mun síðan rýrna hratt hjá ráðamönnum þjóðarinnar og í kjölfarið skipi Hollendingar og Bretar erlendan landsstjóra.  Fram eftir sumri muni þó ástandið haldast óbreytt að mestu.  Ufsakonar spá því líka að þjóðin nái sér upp úr þessum öldudal með prjónaskap og heimabruggi.

 

Veðurklúbburinn Dalbæ spáir hlýindum

Notum lottóið til að borga Icesave.

Davíð Oddsson sagði í viðtali við Agnesi Bragadóttur að besta leiðin og sú leið sem hann hefði alltaf viljað fara væri að láta lottóið borga Icesave.  Til væru mörg bréf hjá seðlabankastjóra ESB sem sönnuðu sitt mál.  Sá skilningur sem Samfylkingin hefði á málinu væri barnalegur og í raun þjóðhættulegur. Lítil börn ættu ekki að hlaupa um með skæra. 

Lottópotturinn fjórfaldur næsta laugardag

Ingibjörg á móti Icesave.

Í viðtali við Presssuna síðastliðinn þriðjudag sagði Ingibjörg Sólrún að sér hefði alltaf litist illa á Icesave.  Þetta hefði verið algjör della og í raun glæpsamlegt.  En hendur stjórnvalda hefðu verið bundnar vegna EES samningsins.  Hún væri í raun líka á móti skuldbindingum ríkissjóðs vegna Landsbankans en til að koma til móts við Alþjóðasamfélagið ehf. og AGS þyrfti að borga.  Ingibjörg sagði í lok viðtalsins að íslenska þjóðin væri ung og með margar vinnandi hendur.

Geir Haarde: Hann tók því illa

Íslenska ríkið kaupir notuð hús frá Indlandi.

Á fréttamannafundi í morgun sagði Jóhanna Sigurðardóttir að íslenska ríkið ætlaði að aðstoða íslenskar fjölskyldur sem hefðu misst heimilið sitt í bankahruninu.  Til stæði að flytja inn notuð hús frá Indlandi og selja gegn vægu gjaldi.  Vonaði ráðherrann að Íslendingar kynnu að meta þetta framtak því nú þyrftu allir að standa saman.  Aðspurð um lóðir fyrir húsin sagði ráðherra að best væri að fólk reisti þau nálægt þjóðvegi eitt og öðrum aðalgötum í þéttbýli.  Þannig mætti ná fram auknum sparnaði í sorphirðu og snjómokstri.  Í lok fundarins sagði Jóhanna að Samfylkingin væri að gera sitt besta og íslensk náttúra væri ómetanleg. 

Slumdog Millionaire stjarna fær nýtt heimili

Davíð Oddsson gefur hraðamyndavélar.

Á nýlegum blaðamannafundi lýsti Davíð Oddsson því yfir að hann ætlað að gefa Landhelgisgæslunni 14 hraðamælingartæki.  Það eina sem ríkisstjórnin þyrfti að gera væri að skaffa 14 nýjar Super Puma þyrlur til festa mælitækin á.  Aðspurður sagði núverandi fjármálarðaherra að sér litist vel á hugmyndina og skattar yrðu hækkaðir sérstaklega fyrir þetta verkefni.  Skeiniskattur og vatnsskattur væru efstir á teikniborðinu.  Steingrímur sagði líka að þjóðin væri falleg og vel menntuð.

Hraðamælingar úr lofti

Árni Páll boðar aðgerðir til að borga kúlulán.

Á fréttamannafundinum í dag mun ríkisstjórn Íslands kynna sérstakt eftirlit með svertingjum.  Svart fólk, fólk sem sér svart og þeir sem vinna svart verður tekið hart á.  Fjármálaráðherra gerir ráð fyrir að 200-300 milljónir náist með þessum aðgerðum.  Hann er ennfremur bjartsýnn á gott gengi í Eurovision og telur íslenska vatnið það besta í heimi.

 

 

Átak gegn svikum á vinnumarkaði