Verslunarferð í Kost.

Kostur er vel staðsett búð í hentugu húsnæði.  Innréttingar passa við hugmyndina.  Það er vítt til lofts og nóg pláss.  Búðin er líka snyrtileg og vel skipulögð.  En vöruúrvalið er lélegt og verðin allt frá því að vera þokkaleg yfir í stjarnfræðilegt rugl.  T.d. er afar lítið af ódýrum dósamat í boði.  Ora og Del Monde á verði sem er 50% hærra en í Bónus eða jafnvel Nettó.  Brauðdeildin fær tvo hillu fermetra og samlokubrauðið kostar 400 kall.  Hver át síðan flatkökurnar og kleinuhringina?

Sullenberger hefur greinilega þurft að borga þrefalda frakt fyrir sápugáminn því 10 kílóa magnpakkning af amerísku sápududufti kostar næstum 5000 kall.  Á mörgum stöðum vantaði verðmerkingar sem gerði allan verðsamanburð ónákvæmari.  Djúsdeildin var greinilega sett í skammarkrókinn við hliðina á brauðdeildinni og verðin á Trópí 50% hærri en hjá t.d. Bónus.  3*250ml kostuðu vel yfir 300 kallinn og Brassi var á sama verði og í Hagkaup.  

Ég varð fyrir vonbrigðum með úrvalið og verðin.  Hvers vegna Sullenberger flytur ekki inn djús frá t.d. Kína eða Póllandi og lætur sérmerka sér er mér hulin ráðgáta.  Allavega getur hann ekki keppt við nafna sinn, Jón Ásgeir, með því að versla við heildsölur sem hann á.

Mikill áhugi á Högum

Öll dýrin eiga að vera vinir.

Öll dýrin í skóginum eiga að vera vinir sagði Mikki refur um leið og hann át mörgæsina.  Skemmtilegur fundur og spennandi að sjá hvað gert verður með þessar svokölluðu niðurstöður.  Reyndar var flest sem kom þarna fram a.m.k. við mitt borð þess eðlis að allir gætu verið sammála.  Það sem ég sá hjá öðrum hópum var í svipuðum dúr. 

Hver vill ekki jafnrétti, skynsamlega nýtingu auðlinda og góða mentun handa börnunum sínum.  Nokkrir við mitt borð vildu líka vera góðir við aldraða foreldra sína.  Allt á kostnað ríkisins, auðvitað.  Ég lagði áherslu á samhjálp og frelsi.  Í þessum tvennum hugtökum liggur mitt viðhorf til lífsins.  Fólk á að hjálpa hvort öðru og hafa frelsi til orða og athafna.

 

Fólk logandi af áhuga

Þarf ekki að stoppa þessa menn?

Þessum illa innréttuðu glæpamönnum dettur ekki í hug að borga skuldir.  Þeirra lausn á "vandamálinu" er að gera meira af því sama.  Taka lán og byggja virkjanir sem virðast ekki skila neinu í kassann!

Hætta á greiðslufalli OR

Velferðarbrúin er Lottó.

Á ríkisstjórnarfundi nú í nótt lagði Árni Páll félagsmálaráðherra til að ríkisstjórnin eignaði sér happ þessara hjóna.  "Við getum sagt að þetta sé sú hjálp sem við lofuðum fyrir kosningar." Sagði Árni.  Steingrímur fjármálaráðherra spurði hvort ekki væri hægt að fjölga vinningshöfum og skattleggja þá 100% til að borga Icesave.  Hugmynd fjármálaráðherra var síðan samþykkt en ákveðið að kalla þetta þjónustugjald en ekki skatt.  Í lok fundarins ákvað ríkisstjórnin að kosta auglisýngaherferð til að fjölga vinningshöfum og þar með styrkja tekjugrunn ríkissjóðs.

Héldu að þau hefðu unnið 16.500 krónur

Atvinnuleysi og gjaldþrot = hagvöxtur?

Samkvæmt Dóminik og öðrum hátt settum peningamönnum er krepppan að klárast.  Atvinnuleysi er í sögulegu hámarki, heimsviðskipti eru álíka mikil og þau voru 1990, og gjaldþrot hafa aldrei verið fleiri.  Þrátt fyrir þessar augljósu staðreyndir éta íslenskir ráðamenn þessa vitleysu upp eftir erlendum bankamönnum.  Halla sér aftur í ráðherrastólana með tærnar upp í loft og segja við sjálfa sig.  Ég þarf ekki að gera neitt, þetta reddast bara að sjálfu sér á næsta ári.

Þegar keyrt er um götur höfuðborgasvæðisins er ótrúlegur fjöldi af skrifstofu- og atvinnuhúsnæði laus.  Mörg þúsund fm í Skógarhlíðinni, tugir efri hæða standa auðar í Síðumúla og Ármúlanum.  Ný hús við Grandagarðin standa auð og sömu sögu er að segja í hrauninu í Hafnarfirði.  Það eru fleiri hundruð verslunarpláss sem standa auð við götur bæjarins!

Samt dettur þessum jólasveinum í hug að fullyrða að kreppan sé að verða búinn!  Það tekur nokkur ár að fylla þessu tómu hús aftur af vel reknum fyrirtækjum:)  Nokkur ár ef Samspillingin og VG láta skattahækkanir í friði og byrja að gera eitthvað að viti fyrir lítil og meðalstór fyrirtæki.  En því miður eru stjórnvöld bara að skemma rekstargrundvöll fyrirtækja á Íslandi með sínum vanhugsuðu aðgerðum.  

Hvaða fífli dettur t.d. í hug að hækkun tryggingagjalds muni hjálpa launagreiðendum?  Þeir einu sem hafa efni á því eru t.d. álverinn og útfluttningsgreinarnar.  Venjuleg krónufyritæki eru ekki aflögufær og þurfa að segja upp starfsfólki.  Til hamingju Ísland.

 

Útilokar aðra efnahagslægð

Heitt vatn lúxus!

Á nýlegum fundi í stjórn OR kom fram að heitt vatn og rafmagn væri lúxus.  Íslendingar væru hreinlega orðnir of góðu vanir.  Hér á öldum áður þurfti fólk að reyða sig á táfýlu af hvort öðru til að halda á sér hita.  Vel kæmi til greina að taka upp þessa gömlu og góðu siði til að nýta orku landsins betur.  Orkuna sem sparaðist mætti síðan selja til álvera undir kostnaðarverði.  Þannig mætti stuðla að varanlegri fátækt og umhverfisvænum lífsstíl.  Fulltrúi VG í stjórn OR fór síðan lofsamlegum orðum um þessa nýju umhverfisvænu stefnu fyrirtækisins og fannst Sjálfstæðisflokkurinn sýna mikið hugrekki.  Í lok fundarins bætti fulltrúi Sjálfstæðisflokksins við að Orkuveita Reykjavíkur væri stöndugt  og vel rekið fyrirtæki með litlar skuldir.  Undir þetta tóku allir og klöppuðu sjálfum sér lof í lófa.

Lánshæfi OR í ruslflokki

ESB sinni gefst upp og hættir.

Baldur nokkur Kristjánsson hefur hætt skrifum hér á Moggabloggi.  Ekki get ég sagt að skrif hans hafi blásið mér anda í brjóst en þau hafa verið fróðleg.  Sem fulltrúi ESB á Íslandi og guðfræðimenntaður hefur hann skrifað gullmola eins og þenna hérna:

  "Hagur íslenskunnar mun vænkast. Íslenskan verður mál meðal mála.  Menningarlíf mun dafna.  Kvaðir um mannréttindi  verða á okkur lagðar. Ekkert bendir til annars en að innganga í ESB verði góð fyrir vöxt og viðgang dreifbýlis. Landbúnaður fær margvíslega vernd.  Það er nokkuð víst að hagur okkar við það að verða sjálfstæð þjóð meðal sjálfstæðra þjóða í ESB mun vænkast á nær sviðum og  örugglega þegar á heildina er litið.  Það er helst að sérhagsmunir hvers konar verði undan að láta. "

Í stuttu máli segir Baldur að kostir aðildar séu allt sem hægt sé að hugsa sér en ókostir að litla ljóta klíkan hans Davíðs missir völdin.  Auðvitað færir maðurinn engin rök fyrir þessu enda ekki hægt.  Í kjölfarið fékk hann að heyra það frá bloggurum sem nánast allir voru honum ósammála.  Skoðanabræður Baldurs veittu honum enga vörn enda flestir farnir að skrifa á Eyjunni.  

Þó Baldur hafi aldrei lagt í neinar rökræður um kosti aðildar að ESB og látið einfaldar fullyrðingar nægja var fróðlegt að heyra hans sjónarmið.  Því í þeim kristallast hroki starfsmanna ESB á heilbrigðri skynsem. 

Samsærið Ógurlega.

Þegar ég byrjaði að blogga lofaði ég sjálfum mér að hætta þegar 100.000 hefðu séð síðuna.  Við þetta ætla ég ekki að standa.  Ástæðan er einföld.  Moggablogg þarf á öllum sínum bloggurum að halda.  Þeir sem eftir eru verða að snúa bökum saman og halda uppi lýðræðislegri umræðu í skugga Davíðs.  Þrátt fyrir Davíð og þau myrkraröfl sem nú ráða för verð ég að berjast fyrir lýðræði og heimsfriði.  Eða kannski einmitt vegna Davíðs og illu andana sem fylgja honum verður allt gott og heiðarlegt fólk að halda blogginu gangandi.

Ég hef aldrei ritskoðað comment.  Hef hreinlega ekki hugarflug til þess.  En ég hef tekið eftir því að margir sem kenna sig við lýðræði, frelsi og eitthvað þess háttar eru duglegir að ritskoða og henda út færslum sem þeim líkar ekki.  Eitt gott dæmi um mann sem riskoðar comment er þessi hérna.  Mér varð það á að vera ósammála honum eitt sinn.  Það tók engu tali þessi mikli frelsisunnandi og áhugamaður um jafnrétti að eigin sögn lokaði á mig.  Kannski er hann að meina sitt frelsi til að þurfa ekki að hlusta á aðrar skoðanir.

Hann er ekki sá eini.  Útlægur fornleifafræðingur, sem heldur að hann sé ofsalega fyndinn, riskoðar síðuna hjá sér grimmt.  Um tíma var hann ein skærasta stjarna blogsins ásamt Skúla Skúlasyni.  Helvítis múslimarnir og vonda fólkið í Palenstínu fékk að kenna á hans skrifum og ég.  Vilhjálmur og Skúli lofa Ísrael fyrir lýðræði og málfrelsi en lasta múslima fyrir einræði og lokuð þjóðfélög.  En þegar engin sér til loka þeir á alla umræðu sem þeim líkar ekki.  Allavega er ekkert að marka það sem þeir meina.

Fleiri hafa ritskoðað mig t.d. þessi hérna og ýmsir feministar.  Mér var það á að segja að staða konunnar væri fyrir aftan eldavélina.  Með þessum orðum var mér hent út af blogginu.  Ekkert umburðarlyndi eða vesen.  Þrátt fyrir þessa ritskoðun hef ég haldið ótrauður áfram og læt ekkert stöðva mig.  Davið getur reynt en ef hann gerir það mun ég mæta tvíefldur til leiksins og lemja hann leiftursnöggt í hausinn með reglustriku eða lyklaborði.

Já, já, Ingvi Hrafn :)

Samkvæmt yfirlýsingu sjónvarpsstjóra átti þessi þáttur að vera leðjuslagur fáklæddra frambjóðenda.  Miklu hafi verið tilkostað s.s. leðjubúr, tvær auka myndavélar og hvít baðhandklæði.  Þegar svo annar frambjóðandinn mætti ekki "átti að hætta við þetta allt saman enda ekki boðlegt fyrir fjölskyldufólk að sjá bara einn frambjóðanda veltu sér upp úr drullu."

Aðspurður neitar Ingi Hrafn alfarið þeim ásökunum að standa með öðrum frambjóðandanum.  "Ef svo væri hefði ég einfaldlega tekið viðtal við sjálfan mig og logið einhverju upp á þennan asna."  

Átti að vera skoðanaskipti

Ekkert smá ljótt.

Þetta er kannski ljótasta hús landsins?

JP Lögmenn í turninn við Höfðatorg