Fólk er fífl og þessi líka.

Er Björn virkilega á móti ESB eða er hann bara að þykjast.  Spila á kjósendur eins og allir hinir ræningjarnir við Austurvöll.  Þó Björn sé hættur á þingi virðist áhugi hans á að bulla framan í almenning enn vera til staðar.  ESB hefur nefnilega allt sem Björn gæti dreymt um.  Lög og reglur í kílómetravís.  Spillt embættismannakerfi sem tekur ákvarðanir bak við luktar dyr og veruleikafirrta stjórnmálastétt. 

Finnst engum það skrítið að flestir Alþingismenn eru búnir að vera í bransanum lengur en elstu konur kæra sig um að muna eða eru talsmenn auðmanna og stórfyrirtækja.  Sigmundur Ernir ætlaði að siðvæða þingið en datt óvart í það í boði bankamafíunar.  Fyrst drakk hann, síðan laug og baðst loks afsökunar.  Ekki fyrir lygarnar heldur glasið góða.  

Skallagrímur lofaði öllu fögru fyrir kosningar en gleymdi síðan hvar hann átti heimi daginn eftir.  En sem betur fer fann hann innskó og rúm Davíðs.  "Þetta fer mér bara vel," sagði kappinn brosandi bak við luktar dyr.  Best að halda áfram að koma almenningi á hausinn svo AGS og vinir geti hirt ríkiseigur fyrir slikk.  ESB, hér kem ég.

OECD blandar sér í íslensk stjórnmál

Bóluefnið hættulegra en flensan?

Er ég sá eini sem finnst skrítið að yfirvöld ætla að bólusetja fólk gegn þessari flensu þó hún sé ekki mjög hættuleg.  Samkvæmt fréttum var búið að ákveða að bólusetja fólk gegn einhverri flensu áður en svínaflensan fékk nafn.  Mörgum mánuðum áður en fyrsta skráða tilfellið leit dagsins ljós voru lyfjafyrirtæki búin að sækja um einkaleyfi og setja nauðsynlega pappírsvinnu í gang.

En hvað segir David Icke um málið.

Lítil hætta á að svínaflensa stökkbreytist

Grilla á kvöldin, stela á daginn.

Sjálfstæðisflokkurinn græðir á daginn og grillar á kvöldin.  Samfylkingin stelur á daginn og grillar á kvöldin.  VG bullar á daginn en stelur á kvöldin.  Framsókn stelur á daginn og kvöldin.

 

„Verðum að velta breytingunum beint út í verðlagið“

VG taka þjóðina í x-gatið!

"Þetta eru góð tíðindi fyrir þjóðina og alveg sérstaklega almenning," segir Jóhanna forsætisráðherra.  Samkvæmt kaupsamningnum borgar Magma 30% út í íslenskum krónum með gati og restina eftir minni ef veður leyfir.

Guðlaugur G. Sverrisson, stjórnarformaður OR, segir að nú ljúki verkefni sem yfirvöld hafi falið honum að klára.  Hann sé vongóður um að margir græði vel á þessu og í framtíðinni verði Ísland með hæsta raforkuverð í heimi til heimila.  

Steingrímur fjármálaráðherra sagði við sama tækifæri að næst á dagskrá væri að selja vatnsból og loka sjúkrahúsum.  Þannig mætti spara peninga og fækka fólki sem tæki of mikið pláss og mengunarkvóta frá stóriðju.  

 

 

Samþykktu kauptilboð Magma

Vel menntuð þjóð og gáfuð!

Herra Ross lofar að græða peninga á þessu öllum heiminum til hagsbóta.  Samkvæmt viðtali við kappann er hann hér til að aðstoða Íslendinga út úr kreppunni.  Með afsali orkulinda þjóðarinnar þurfa Íslendingar ekki að hafa áhyggjur af gróðanum.  Ráðamenn geta einbeitt sér að skattpíningu og hrekja fólk af heimilum þess.  Ross var einnig ánægður með þau kjör sem hann fær.  Sagði hann að þau væri þau bestu í heiminum enda Íslendingar vel menntaðir og gott fólk.

Vilja hækka auðlindagjald

Bóluefnið hættulegra en flensan?

Síðast þegar svínaflensan gerði vart við sig drap bóluefnið fleiri.  Skyldi sagan endurtaka sig?

 

Frakkar og Bretar fá bóluefni gegn H1N1

Krónan of lág, not!

Már Guðmundsson, seðlabankastjóri, segir að kónan sé of lágt skráð, NOT!  Síðan hlær hann rosalega og segir að málið sé pólitískt.

Krónan of lágt skráð

Samfylkingin sér um sína!

Jóhanna Sigurðardóttir, leikkona og fyrrverandi flugfreyja, hefur samþykkt söluna fyrir sitt leyti.  Var sú ákvörðun tekin í fullri sátt innan þingflokks Samfylkingarinnar.  Aðspurð sagði Jóhanna að þetta væri partur að velferðarbrúnni sem flokkur hennar boðaði í síðustu kosningum.  Velferð fyrir auðkýfinga og fjárglæframenn.  Þegar búið væri að selja alla innviði samfélagsins gegn óveðtryggðum kúlulánum ætti almenningur eftir að finna verulega fyrir því.  Vonandi til hins betra en til þess væri leikurinn gerður.  Jóhanna tók einnig fram að Ísland yrði fyrst út úr kreppunni því Íslendingar væru vel menntaðir og skynsamir.

Vilja að stjórnvöld hindri kaup Magma

Frekar álver, takk!

Svona gagnaver eru tóm vitleysa.  Þau nota t.d. minna rafmagn en 360.000 tonna álver.  Þau menga minna og skapa færri störf.  Nú á þessum verstu og svörtustu tímum þarf íslenska þjóðin að velja hvað hún vill.  Ég segi því meiri mengun og fleiri störf, álver í hvern fjörð.

 

 

Talið líklegast að risavaxið gagnaver rísi á Blönduósi

Íslensk þýðing á mannamáli.

Svona fyrir þá sem ekki kunna engilsexnesku þá hef ég snarað greininni yfir á mannamál.

Fáar norrænar velferðarríkisstjórnir glíma við jafn mikinn vanda og sú íslenska.  Íslenska bankakerfið er hrunið en það er alrangt að íslenska þjóðin haldi að um erlent samsæri sé að ræða. 

Ríkisstjórn mín planar 30% blóðugan niðurskurð á innviðum samfélagsins og gríðarlegar launalækkanir í góðu samstarfi við Alþjóða gjaldeyrissjóðinn.  Við höfum náð samkomulagi um endurfjármögnum bankana, reynt að losa okkur við tvo af þeim til erlendra kröfuhafa og opnað lánalínur í samstarfi við AGS.  Alþingi hefur einnig sótt um inngöngu í ESB.

Venjulegt fólk á Íslandi telur sig ekki bera ábyrgð á heimskreppunni en er allt að vilja gert til að borga fyrir Jón Ásgeir og Björgólf Thor.  En Íslendingar eru samt smá reiðir útaf Icesave og er það skiljanlegt.

Síðastliðið haust,  þegar ísland var í djúpum skít, settu bresk stjórnvöld Ísland á hryðjuverkalista sinn og frystu íslenskar bankaeignir.  Þetta hafði slæmar afleiðingar og hafa bresk stjórnvöld ekki gefið viðeigandi skýringar.  Margir halda því fram að tilskipun ESB um innistæðutryggingar sé gölluð og Ísland sé fórnarlamb gallans.

Íslenska ríkisstjórnin er að reyna sitt besta til að koma þjóðinni fyrir kattarnef.  En mun að sjálfsögðu finna nýjar og betri leiðir í framtíðinni enda ekki hægt að nota sama trikkið aftur og aftur.

Vegna óvarlegs tals fulltrúa UK og Hollands hefur gengið hægt að fá íslenska þingið til að samþykkja ríkissábyrgð á Icesave.  Ef þessir aðilar hefðu nú bara þagað og látið íslensku ríkisstjórninni um kynnginarstarfið væri búið að samþykkja Icesave.  

Ég vonast til þess að Ísland borgi sem mest og standi við sínar skuldbindingar.  Enda er það hagur allra sem skipta máli.  

 

Jóhanna á vef Financial Times