Frekar álver, takk!

Svona gagnaver eru tóm vitleysa.  Þau nota t.d. minna rafmagn en 360.000 tonna álver.  Þau menga minna og skapa færri störf.  Nú á þessum verstu og svörtustu tímum þarf íslenska þjóðin að velja hvað hún vill.  Ég segi því meiri mengun og fleiri störf, álver í hvern fjörð.

 

 

Talið líklegast að risavaxið gagnaver rísi á Blönduósi

Íslensk þýðing á mannamáli.

Svona fyrir þá sem ekki kunna engilsexnesku þá hef ég snarað greininni yfir á mannamál.

Fáar norrænar velferðarríkisstjórnir glíma við jafn mikinn vanda og sú íslenska.  Íslenska bankakerfið er hrunið en það er alrangt að íslenska þjóðin haldi að um erlent samsæri sé að ræða. 

Ríkisstjórn mín planar 30% blóðugan niðurskurð á innviðum samfélagsins og gríðarlegar launalækkanir í góðu samstarfi við Alþjóða gjaldeyrissjóðinn.  Við höfum náð samkomulagi um endurfjármögnum bankana, reynt að losa okkur við tvo af þeim til erlendra kröfuhafa og opnað lánalínur í samstarfi við AGS.  Alþingi hefur einnig sótt um inngöngu í ESB.

Venjulegt fólk á Íslandi telur sig ekki bera ábyrgð á heimskreppunni en er allt að vilja gert til að borga fyrir Jón Ásgeir og Björgólf Thor.  En Íslendingar eru samt smá reiðir útaf Icesave og er það skiljanlegt.

Síðastliðið haust,  þegar ísland var í djúpum skít, settu bresk stjórnvöld Ísland á hryðjuverkalista sinn og frystu íslenskar bankaeignir.  Þetta hafði slæmar afleiðingar og hafa bresk stjórnvöld ekki gefið viðeigandi skýringar.  Margir halda því fram að tilskipun ESB um innistæðutryggingar sé gölluð og Ísland sé fórnarlamb gallans.

Íslenska ríkisstjórnin er að reyna sitt besta til að koma þjóðinni fyrir kattarnef.  En mun að sjálfsögðu finna nýjar og betri leiðir í framtíðinni enda ekki hægt að nota sama trikkið aftur og aftur.

Vegna óvarlegs tals fulltrúa UK og Hollands hefur gengið hægt að fá íslenska þingið til að samþykkja ríkissábyrgð á Icesave.  Ef þessir aðilar hefðu nú bara þagað og látið íslensku ríkisstjórninni um kynnginarstarfið væri búið að samþykkja Icesave.  

Ég vonast til þess að Ísland borgi sem mest og standi við sínar skuldbindingar.  Enda er það hagur allra sem skipta máli.  

 

Jóhanna á vef Financial Times

Ögmundur læs, Jóhanna ekki.

Lítið álit hef ég haft á þessum ríkisstarfsmanni í gegnum tíðina.  Hann vill skattahækkanir, ríkisrekstur o.s.fr. allt hlutir sem mér hugnast illa.  En í dag virðist hann vera eini Alþingismaðurinn sem les þau gögn sem í boði eru um AGS og Icesave.  Kynnir sér málið og myndar sér síðan skoðun á því. 

Jóhanna Sigurðardóttir lætur duga að hlusta á aðra og alveg sérstaklega ef viðkomandi er fulltrúi AGS eða breskra stjórnvalda.  Það hlýtur að vera allt satt og rétt sem mótaðilar okkar segja.  Alltaf best að vera dómari í eigin sök eða málefnum.  Ef AGS eða fyrrverandi starfsmaður AGS segir eitthvað hlýtur það bara að vera rétt hugsar Jóhanna.  

Þráinn borgari hefur svipaða sýn á lífið.  Æ, ég nenni ekki lesa allar þessar skýrslur eða gögn um t.d. Iceave.  Treysti þvi bara að mér vitrara fólk segi satt og rétt frá.  Ekki ljúga stjórnvöld eða AGS.  Alþingismenn sem ekki lesa eða kynna sér gögn málsins eiga að segja af sér strax!  Allir með tölu!

 

Stjórnarsamstarf undir Ögmundi komið

Steingrímur bauð góðan dag um daginn.

Fyrir  tveimur árum hitti ég Steingrím Joð fyrir aftan Alþingishúsið.  Ég var að fara með pakka í næsta hús og því algjör tilviljun að Steingrímur hitti á mig.  En kappinn bauð góðan daginn hátt og snjallt þegar hann labbaði nánast í fangið mitt.  Eftir þennan sutta ástarfund hef ég alltaf hugsað hlýlega til Steingríms.  Mér fannst hann vera alþýðlegur og hjartahlýr.  Hjartahýr myndi nú kannski einhver segja en nei, mér fannst hann vera með hjartað á réttum stað. 

 

Verulegur gjaldeyrisforði nauðsyn

Lýgur Mogginn, í alvöru:)

Samkvæmt frétt Morgunblaðsins þá lömdu dópistar og annað umhverfispakk vörð laganna í hausinn og  gengu í skrokk á honum.  Vopnaðir járnstöngum héldu dópistarnir starfsfólki ráðuneytisins og lögreglu í gíslingu.  Eftir samningaviðræður var lögreglunni nóg boðið og ruddi svæðið og handtók glæpamennina.

Saving Iceland segir hins vegar hafa myndbandsupptökur sem sýni aðra atburðarrás.  Þessa hlið málsins vilji hins vegar Morgunblaðið og aðrir alvöru fréttamiðlar ekki sýna.  Ekki megi grafa undan trúverðuleika lögreglunnar og stjórnvalda.  

Saving Iceland: Rógburður lögreglu og lygar fjölmiðla

Vinir Davíðs fá milljarð!

Ráðgjöf herra Morgans hefur leitt ótrúlegar hörmungar yfir þjóðina.  Icesave, gegnishrun krónunnar, útlánatap Seðlabankans, einokun á greiðslumiðlum við útlönd og neyðarlögin.  Allt hlutir sem þjóðin gæti verið án eða a.m.k. gert betur.  En að borga síðan milljarð fyrir gallaða ráðgjöf sannar bara að Davíð og félagar hugsa ekki um almenning heldur sjálfa sig og vini.

Eigendur JP Morgan ásamt Seðlabönkum USA bera ábyrgð á því peningasukki sem íslensku bankarnir tóku þátt í.  Endalaust lánsfé með nánast engum vöxtum gerði bankaútrásina mögulega.  Jón Ásgeir, Björgólfur og hinir ræningjarnir notuðu sér þetta óspart.  Davíð liðkaði fyrir með rýmri löggjöf innanlands sem hefur nú kostað þjóðina allt og meira til.

 

Ráðgjöf kostaði milljarð

Æ, æi, hver skrifar svona bull.

Meðan störfum fækkar er ennþá verið að keyra fram af hengibrúninni.  Látið mig vita þegar störfum byrjar að fjölga og ég skal taka undir þetta forsetagrín hjá Mogganum.  Gerald Celente hefur aðra skoðun en Moggagrínið skemmtilega.

Obama: Stórslysi afstýrt

Þráinn stal glæpnum.

Mikið svakala er þetta dapurt hjá Þránni og "eigendum" flokksins.  Hinir þingmennirnir mega ekki kjósa samkvæmt bestu sannfæringu.  Þau vildu stoppa Icesave með öllum þeim ráðum sem í boði voru.  Ekki voru þau í stjórn eða ráðherrar svo þau notuðu atkvæði sitt sem vopn.  Þráinn hefur ekki kynnt sér Icesave málið eða setið nefndum sem fjalla um það.  Hann hefur ekki einu sinni tekið þátt í venjulegum þingstörfum nema að litlu leyti.  Æ, segir hann, þetta er svo leiðinlegt og vitlaust.  Ég ætla að þiggja launin en láta aðra um vinnuna.  Svo kýs ég bara eitthvað út í loftið um mál sem ég hef ekki kynnt mér. 

Stjórn vill varamenn á þing

Ríkisstjórnin fær falleinkunn.

Íslenska ríkisstjórnin ætlar bara að bólusetja helming þjóðarinnar gegn þessari ægilegu svínaflensu.  Hvernig ætla stjórnvöld að verja dauðsföll hjá þeim sem ekki máttu fá bóluefnið.  Ætlar Jóhanna Sigurðardóttir að geyma líkin heima hjá sér? 

 

Bóluefni gegn H1N1 í september

Ekki bókabúð heldur gay bar.

Um er að ræða alveg hræðilegan misskiling.  Það stendur ekki til að opna venjulega bókabúð heldur alvöru gay bar á þrem hæðum.  Búið er að ráða fjóra plötusnúða til að halda uppi fjörinu.  Þar á meðal er hin frægi Vulcanic Love sem hefur gert garðinn frægan á stöðum eins og SM2 í New York og LulU í Paris.  Öll fimmtudagskvöld verða leðurkvöld með latex ívafi en laugardagskvöld verða með hefðbundnu BDSM sniði fyrir þá sem vilja.  Talsmaður nýja staðarins sagði að ekki væri búið að velja nafn á hann en vel kæmi til greina að kalla hann Jackass í höfuðið á Michael Jackson. 

 

 

Eymundsson opnar á Skólavörðustíg