Hugleiðingar um framtíðina.

Eftir nokkuð góðan dag þar sem ég klúðraði enn eina ferðina golfmóti sit ég hér og skrifa framtíðarspá mína.  Allir hugsa fyrst um sig og síðan fjölskyldu og þar næst vinnu eða áhugamál.  Þetta mun breytast og það all verulega.  Ríkið mun skipa fyrsta sæti í hugum flestra eftir nokkur ár.  Ekki endilega þetta íslenska þjóðríki með óhæfri ríkisstjórn sem ég þekki svo vel.  Nei, sennilega Evrópuríkið með alþjóðlega auðhringa undir sínum verndarvæng.

Þetta er kannski ekki alslæm framtíðarsýn a.m.k. fyrir þá sem ekki nenna að hugsa sjálfir.  Fá lög og reglur sendar beint að utan og kannski líka landsstjóra með próf í stjórnunarstörfum.  Sérfræðing sem veit hvað ég vil og þarf.  Skólakerfið verður notað til að byggja upp hentuga þegna sem ekki hugsa of mikið.  Fólk sem vill lifa einföldu lífi í skjóli stóra bróðurs.

En framtíðin verður ekki bara tóm sæla með svanga munna sem þarf að mata.  Hún verður grá og ljót.  Hún verður líka hættuleg fyrir þá sem vilja lifa lífinu sjálfstætt.  Sá blekkingarmúr sem ég lifi í fellur eins og spilaborg í þessum skrifuðum orðum.  Ég hélt að heimurinn væri það sem ég sæi í sjónvarpinu og heyrði vini og fjölskyldu tala um.  En mikið hafði ég rangt fyrir mér.

Heimurinn er ein alsherjar leikvöllur fyrir fólk með stjórnunaráráttu.  Fólk sem ekki vill koma í fréttirnar og er þar ekki sökum valda og áhrifa.  Hin raunverulegu völd eru ekki hjá ríkisstjórn Íslands eða ESB þinginu.  Þau eru geymd bak við luktar dyr og af fólki sem fæstar vita að eru til.  Samsæri eða bara raunveruleikinn skít kaldur. 

Afhverju gerist það nákvæmlega sama á Íslandi og út í hinum stóra heimi.  Bróðir minn heldur að þetta sé bara innbyggt í hið mannlega eðli.  Fólk svindlar og stelur og hagkerfi ganga í gegnum lægðir og toppa.  Allt höfum við séð áður og þetta nýjasta hrun er bara enn einn hringurinn í karma heimsins.  En ég segi að þetta er ekki karma eða óheppni.  Þetta er ekki einu sinni græðgi og mannvonska heldur skipulagt samsæri gegn almenningi í heiminum.  Svöngu börnin í Afríku og feiti krakkinn í Bretlandi eru fórnalömbin.  Sláturlömb væri kannski nær lagi.

Þegar búið er að hræða vitglóruna úr fólki með Al-Kæda og Bin Laden birtist næsta ógn.  Svínaflensan ógurlega.  Þó þessi flensi drepi færri en venjulegur flensufaraldur þá hafa heilu samfélögin lamast og tapað stórfé í leiðinni.  En alþjóðlegir lyfjarisar græða á tá og fingri.  Auðhringar sem eru í eigu mannanna á bak við tjöldin.  Tilviljun?

Internetið er búið að vera eða svo segir góður karl að nafni Rubert Murdoch.  Hann lofar okkur nýju og bættu neti með alþjóðlegri yfirstjórn og ritskoðun.  Ritskoðun til að vernda börn gegn barnaperrum.  Ritskoðun til að koma í veg fyrir að herra Hitler lifni við í gröfinni og byrja að predika sinn boðskap til 14 ára barna.  Sarkozy Frakklandskeisari vill refsa þeim sem hlaða niður ólöglegt efni og fylgjast með þvi sem fólk skoðar á netinu.  Ekki bak við tjöldin heldur yfir öxlina á mér.  

Gagnrýni á stjórnina verður glæpur og þeir sem voga sér að tala illa um náungan verða sóttir til saka.  Allt í nafni málfrelsis og lýðræðis.  

Sömu aðilar og sjá til þess að svöngu börnin í Afríku eru ennþá svöng reisa álver á Íslandi.  Eigendum fyrirtækjanna er boðið að kaupa íslenskt rafmagn á kúk og smá kanil.  Landsvirkjun er gerð gjaldþrota með lánunum sem hún getur aldrei borgað til baka.  Allt verður selt útlendingum til að borga skuldir Íslands.  Íslenska þjóðin verður þá eins og svöngu börnin í Nígeríu sem sofa ofan á risa olílindum en gróðinn fer í erlenda vasa.

Íslandsmiðum verður stjórnað frá Evrópu og þó allt fyllist ekki að spænskum togurum þá þurfa íslenskir sjómenn að fara aftast í röðina fyrir aftan Green Peace og biðja um kvóta.  Sjáum hvort íslenskir útvegsmenn fái að veiða eins mikið og þeira vilja eða verða alþjóðleg verndarsjónarmið ofan á.  Kannski er íslenski þorskurinn jafn gáfaður hvalirnir sem Evrópuríkið vill ekki veiða í dag.  

Klósettpappír er munaður og verður skattlagður sem slíkur.  Það verður settur skattur á barneignir til að koma í veg fyrir fólksfjölgun.  Eða ennþá betra, fólk þarf að sækja um leyfi til ríkisins til að eignast börn.  Skyndilega fer mér að líða eins og ég sé staddur í myndinni Starship Troopers þar sem þjónusta við ríkið er skilyrði fyrir frama og frjósemi.  Starships Troopers here I come, jibbí!

Barnaklám og gagnrýnisraddir.

Málfrelsi verður skert undir yfirskini baráttu gegn barnaklámi, jibbí.  Látið blekkjast og fagnið þessu framtaki hjá G8.  Nýja Ísland og nýr heimur kemur brátt.

G8 efla baráttu gegn barnaklámi

Jóhanna giftir sig.

Þegar einhver vill að aðrir sitji eða standi eins og honum sýnist þá heitir það þrælahald, vinna eða gott hjónaband.  Jóhanna lítur á ESB og aðild Íslands sem einskonar hjónaband.  Hjónaband með 27 öðrum konum og einum kalli.  Eins og allir vita núna þá hefur Jóhanna ekki mikinn áhuga á þessum eina kalli sem situr í Brussel.  Hún vill frekar stunda nána samvinnu með hinum konunum í þessu skringilega hjónabandi.  Það má hún í friði og allir í Samfylkingunni en vinsamlegast þröngvið mér ekki í nauðungarhjónaband með frönskum karli sem ég fæ aldrei að hitta.  Mín mannréttindi ber að virða alltaf, ekki bara stundum!

 

Aukin andstaða við ESB

ESB vil einkavinavæðingu, jibbí.

Loksins, loksins, eitthvað að viti frá Brussel.  Í augum ESB var einkavinavæðing Sjálfstæðisflokksins algjört sökksess.  Því til staðfestingar hefur ESB sett lög sem afnema rétt ríkja til að sinna grunnþjónustu svo sem sorphirðu, rekstur spítala, skóla, sundlauga og jafnvel lögreglunnar.  En allt eru þetta þjónustusvið sem einkaaðilar á EES svæðinu geta sinnt.  Ríki hafa þó leyfi til að sinna löggæslu og læknaþjónustu með undanþáguákvæði.

Maður fengi vatn í munninn ef t.d. Nestle mundi kaupa Landsspítalann og mikið yrði nú gaman að vera stoppaður af 19 ára strák frá Securitas fyrir of hraðan akstur.  Möguleikarnir eru óteljandi þar sem einkaframtakið gæti notið sín til fulls og ríkið borgar.  Maður sér nú alla milljarðamæringanna með heilagan Ólaf kenndan við Samskip fremstan í flokki hoppandi upp og niður af kátínu.  Hann fengi spítalann, Jóhannes í Bónus keypti náttúrlega sundlaugarnar og Pálmi í Fons tæki að sér löggæsluna.  

Síðan myndi Alcoa kaupa Landsvirkjun á útsölu og senda íslensku þjóðinni reikninginn fyrir öllu saman.  Er ekki skynsamlegt að láta ESB eiga sig ef menn þar á bæ eru öfgafyllri í frjálshyggjunni en sjálfur Hannes Hólmsteinn.

 

Tilskipun ESB innleidd

Össur lýgur að þjóðinni!

Fyrir nokkrum árum trúði þjóðin að engin spilling þrifist á landinu góða.  Hún trúði því líka að fjármálabrask væri ávísun á mikla velsæld handa henni.  Í dag er verið að telja íslensku þjóðinni trú um að ESB sé samstarf fullvalda þjóða á jafnréttisgrunni.  Össur tekur dæmi um ýmsa alþjóðasáttmála sem Ísland er aðili að til útskýringar.  Þeir sáttmálar og ESB innganga fela í sér fullveldisafsal.  Hann segir þjóðinni að þetta sé sambærilegt.  Samt þurfti ekki að breyta íslensku stjórnarskránni til að undirrita þessa alþjóðasáttmála.  En til þess að vera með í ESB þarf að breyta íslensku stjórnarskránni í grundvallaratriðum.  Í pólitík er ljótt að segja satt.  Þetta veit Össur og því lýgur hann kinnroðalaust.

 

 

 

Kastað til höndunum við gerð ESB-tillögu

Evrópusamtökin ljúga gegn greiðslu!

Í grein eftir Andrés Pétursson, formann Evrópusamtakanna, sem birtist í Morgunblaðinu í dag heldur höfundur að Agnes Bragadóttir blaðakona láti tilfinningahita stjórna skoðunum sínum.  En hann og aðrir sérfræðingar í málefnum ESB láti stjórnast af staðreyndum og rökum.  Þessi fullyrðing Andrésar á eigin málflutningi og sinna samstarfsmanna er kostuleg.  Því Andrés og vinir hafa hingað til notað óspart hræðsluáróður til koma íslensku þjóðinni eins og hún leggur sig í þjónustustörf hjá Euro Disney.

Í grein sem birtist 2.1.2009 segir Andrés "Ljóst er að formaðurinn er hér að beita gömlum hræðsluáróðri fyrir sig til að gera almenning á Íslandi fráhverft því að ganga í ESB. Sem betur fer áttar meirihluti almennings sig á því að þessi rök standast ekki. Það er nefnilega ekki til neitt sem heitir ein stöðluð atvinnuleysistala í Evrópusambandslöndunum."

Hér er Andrés að vísa í fullyrðingu formans LÍÚ að atvinnuleysi muni aukast við inngöngu Íslands í ESB.  Rök Andrésar gegn þessu eru dæmigerð fyrir launaðan starfmann ESB.  Í staðin fyrir að svara efnislega fullyrðingunni er hún gerð hlægileg með útúrsnúningi.  Hugtakið er bara ekki til í orðabók ESB.  Óþarfi að ræða málið frekar!

En þegar kemur að lægra matarverði þá er komið annað hljóð í Andrési og vini.  Þá er allt í einu hægt að fullyrða að matarverð muni lækka sem og aðrar neysluvörur eins og stendur í bæklingi Samfylkingarinnar.  Þá má bulla og blekkja almenning á Íslandi þó stöðluð tala um matarverð í ESB sé ekki til.  

En hvað eru Evrópusamtökin?  Á heimasíðu samtakanna kemur eftirfarandi fram.

Helstu markmið Evrópusamtakanna:

• - Að stuðla að skipulegri samvinnu þjóða Evrópu á lýðræðislegum grundvelli í því skyni að standa vörð -um frið, frelsi og mannréttindi og auka gagnkvæman skilning og menningarleg samskipti.
• - Að starfa að virkri þátttöku Íslands í samstarfi Evrópuríkja. Vinna að útvíkkun og dýpkun samstarfsins með endurbótum á EES samningi og vinna að því að Ísland sæki um aðild að Evrópusambandinu
• - Að dreifa upplýsingum og þekkingu um evrópskt samstarf, jafnt um þau samstarfsform sem nú eru við lýði og framtíðarmöguleika í samvinnu Evrópuríkja.
• - Að láta fara fram athuganir og rannsóknir á málum, sem tengjast evrópskri samvinnu.
• - Að starfa með öðrum íslenskum og evrópskum samtökum og stofnunum, sem hafa skylda starfsemi með höndum.

Þessi markmið kosta peninga og þeir peningar koma örugglega ekki úr vasa Andrésar nema síður sé.  Árlega veitir ESB tugum milljarða í samtök sem vinna að stefnu sambandsins.  Sem starfsmaður ESB veit Andrés meira um þessi mál en almenningur og hefur því góða aðstöðu til að fá það fjarmagn sem til þarf.  Íslensku Evrópusamtökin eiga því greiðari og betri leiði í vasa ESB en önnur íslensk samtök sem ekki njóta starfskrafta starfsmanna ESB.  Fólk og samtök sem ESB kostar eru ekki að hugsa um hag almennings.  Ekki frekar en sölumaður í kynlífstækjabúð á prósentum!

Fyrir nokkrum árum sagði Andrés Pétursson mér sögu og fleirum sem voru staddir í tíma hjá honum.  Sem starfsmaður ESB þurfti hann að halda fundi með ýsmu fólki.  Til að bjóða fólkinu upp á kaffi og með því var fljótlegra og þægilegra fyrir hann að hlaupa út í búð og borga úr eigin vasa en senda sambandinu reikninginn.  Hvort hann þurfti ekki að fylla út fimm eða sjö eyðublöð með nokkra daga fyrirvari til að fá kaffi og með því í gegnum formlegar leiðir ESB.  En þrátt fyrir þetta líkaði Andrési vistin hjá ESB vel.  

 

 

ESB-tillaga lögð fram á þingi

Á Íslandi þrífst engin spilling.

Fyrir nokkrum árum kom alþjóðleg skýrsla út um spillingu í heiminum.  Í henni var Ísland talið það land sem væri minnst spillt í allri veröldinni og þó víðar væri leitað.  Allar fréttastofur landsins kepptust um að segja frá þessari skýrslu.  Ýmsir "sérfræðingar" voru boðaðir í viðtöl til að útskýra þennan góða árangur.  En hvað lá að baki þessum góða árangri?  Svarið er ekkert.  Kannski var þetta skýrsla pöntuð af íslenska bankakerfinu til að tryggja hagstæð lán.  

Lak gögnum um fríðindahneykslið

Útflutningur á fólki bjargar okkur.

Helsta hlutverk IMF er að tryggja að lönd greiði til baka erlend lán eða eins og segir á heimasíðu sjóðsins "The IMF provides loans to countries that have trouble meeting their international payments...".  Ísland er í hópi þessara landa sem geta ekki borgað skuldir sínar.  Þess vegna var beðið um lán frá IMF.  Þó IMF lánið og önnur lán sem fylgja í kjölfarið séu til að borga önnur eldri lán fyrst og fremst eða kannski eingöngu þá þarf að borga þau líka tilbaka.

Hérna vandast málið því bara vaxtagreiðslur af nýju lánunum eru Íslandi ofviða.  En IMF hefur ekki miklar áhyggjur af því eða eins og segir á síðu sjóðsins: "But the consequences are not all negative. For instance, migration may be accompanied by remittances, which would help lessen the pressures on Iceland’s economy. It may even help contain the rise in unemployment, and the fiscal cost of the crisis." Ísland þarf ekki að hafa áhyggjur af fólksflótta því hann sparar atvinnuleysisbætur og eru í raun gjaldeyrirskapandi í formi peningagreiðsla frá útlöndum.  Ísland verður eins konar Filipseyjar norðursins.  Þar sem konurnar fara á fjarlægar slóðir og senda part af vinnulaununum sínum heim.

Fyrir hönd Íslands sér sjóðurinn glæsta framtíð og mikla möguleika.  Ál, fiskur og útflutningur á vel menntuðu fólki mun bjarga okkur.

IMF hittir fyrirtæki

Í lagi að ljúga, bara pólitík.

Hér koma nokkrar staðreyndir um ESB og Lissbon viðaukann sem Jóhanna hefur ekki ennþá lesið.  Hann er víst á útlensku!

1) Neitunarvald aðildarlanda afnumið.

2) ESB verður sambandsríki með sameiginlega utanríkisstefnu.

3) Íslenskur landbúnaður fær ekki styrki samkvæmt núgildandi fyrirkomulagi.

4) Ísland þarf að semja um veiðiheimildir og rétt til nýtingar.  ESB, hefur síðasta orðið!

5) Mannréttindaákvæði ESB gilda ekki á ófriðartímum.  Mannréttindi bara stundum!

6) Aðild að ESB er ekki atvinnuskapandi nema fyrir ESB sérfræðinga og löggilta skjalaþýðendur.

7) ESB er á móti hvalveiðum en fylgjandi drápum á Palenstínuaröbum í sjálfvörn.

8) Allt sem Jóhanna og félagar segja um ESB er lygi eða haugalyg.  

Þegar Baldur Þórhallsson ætlaði að skrifa ritgerð um áhrif smáþjóða á Sambandið var hlegið að honum og hann vinsamlegast beðinn um að skrifa eitthvað sem ætti sér stoðir í raunveruleikanum.  Ísland verður minnsta þjóðin í ESB og hefur þess vegna minnst um þróun mála að segja.  Reyndar hefur fólk í aðildarlöndum sambandsins ekkert um lög og reglur sambandins að segja yfirleitt.  Heldur einhver með smá viti að skriffstofustjóri í Brussel nenni að hlusta á pottaglamur á Austurvelli eða óánægða Albani með gjallarhorn?

Leiði mótun sjávarútvegsstefnu

ESB styður Ísrael.

Í Gaza er allt bannað nema að drepast.

1) Tannkrem bannað.

2) Pasta bannað.

3) Ísskápar bannaðir.

4) Pappir bannaður.

5) Súkkulaði.

6) Bækur og litabækur handa börnum.

Og margt fleira skemmtilegt er bannað að flytja inn til Gaza.  Nú er bara að sýna Ísrael samstöðu og ganga í ESB.  Um þessar mundir fara fram fundir milli Ísraels og ESB um stækkun sambandsins.  Já, Ísrael og ESB eru að ræða nánara samstarf og jafnvel inngöngu Ísraels í sambandið.  

 

 

Netanyahu kann að styðja ríki Palestínumanna